Arumiwi a Yesu tatoodhowanave laleela molimba rima

Mutu mwinango orangala akalecha valango wa kachisi novephanga kobiri. Dambo n’nango namaulo mutuo atom’mona Pedru na Juwau tavolowanga Kachisinimo. Liye atoonga ira: ‘Ndikami-eni!’ Pedru atoom’mwakhula ira: ‘Ndinouva-a yongo yapama maningi kwaranya kobiri. Mudhina la Yesu venyathi urome wenda.’ Ee-no atoom’inda wono nom’venyathi-a thitho atooromadi wenda. Atu tatoosangalala maningi moi anjinji mwaaliwa tatookala anamafunjedha.

Mbwenye asembe na Asaduki tatoothakaleliwa maningi. Aliwa tatoa-inda Arumiwao nowadhowana tribunale nowafuka ira: ‘Kopolo yom’mwili-ana mutula muikhumilena wani?’ Pedru aongile ira: ‘Yesu wam’phidhe nyoole nguniva-idhe.’ Ee-no anamasogolela amareligiau tatoanyanyuwela maningi ira: ‘Mu-iyeletu onga vya Yesu.’ Mbwenye Arumiwao tatoonga ira: ‘I-yo kanino-iya ninongoongave.’

Pedru na Juwau tangathathuliwile, tatoodhowa waanamafunjedha enango maawandela vyaireile. Aliwa tatoolobela vambo-i ira: ‘Pepani Yohova nikami-eni ira nikale olimba rima ira nilaleelengave.’ Yohova atoava-a zimu ochena thitho tatoodhowave laleela noili-a atu. Atu anjinji tatookala anamafunjedha. Mbwenye Asaduki vyanowaphi-a rima moi tatoamanga Arumiwao nodhowa maafungela perezoni. Ee-no Yohova atooruma ngelo nama-iyu ira amadhule misuo ya perezwiyo noawandela Arumiwao ira: ‘Welelani Kachisini mumafunji-enga atu.’

Dambo lo-arela tribunale nlukhulu latoowandeliwa ira: ‘Misuo ya perezo njofungene mbwenye atwale atodhowa. Va-eni ali Kachisini thitho anaafunji-a atu.’ Atu tatoodhowa maamanga okoka nowadhowana tribunale nlukhulu la Ayuda. Tangafiile, ndimuwa wa asembe atoonga ira: ‘N’nga kanauwandeleni ira mu-iye onga vya Yesu? Mbwenye Pedru awakhule ira: “I-yo ninofwanela vwela Nlungu ninga namatonga a-kala atu.”

Anamasogolela amareligiau tatoothakaleliwa maningi moi tanoofuna apha Arumiwao. Mbwenye Farisi mwinango dhinalee Gamaliyeli atooimela noonga ira: ‘Muire polepole. Vinooneya ira atwala anokami-iwa na Nlungu. N’nga munofuna limbanana Nlungu?’ Atwao tatoovwela madhwee moi tateakoma baa-i arumiwao noawandela ira tadhowenga mbwenye katidhowe malaleelanga. Mbwenye arumiwao kata-iidhe laleela. Aliwa tanolaleela mwathindhi mukachisi thitho nyumba na nyumba.