Azombwe, mukhale “athindhi vamabasa aphama”

Karta yodhowa wa Titu, rumiwi Paulo atovudheleliwa madhu aonganga ira azombwe, vambo-i na Titu, tangairile ikhundu iwa ira “takhale aifwanafwani-o yaphama vamabasa othene.” (Titu 2:6, 7) Vanduli viwa, kapitulu imbo-ive, liye utoonga ira atu a Yohova tangacheni-iwile, ira taode khala “athindhi vamabasa aphama.” (Titu 2:14) Yongo imbo-i vamabasa aphama khuonga naatu vya Umwene wa Nlungu. N’nga akhala ira nyo muli zombwe, pyoodeya indi-edha basa nguru dhinyu ira mulabe ninga painiya okhami-a venango okhaatheya?—Sang 20:29.

Nyo munodhiveliwa khala painiya? Eno, sasa-edhani mabasinyu ira muode kwakwaneli-edha yolinga yenna. (Luka 14:28-30) Mofwanafwani-a, chini vinaire nyo ira mukhale painiya? N’nga munaode avi kwakwaneli-edha maora? Muvephe khami-iwa na Yohova dhela mulobelo. (Salimo 37:5) Ongani vyolinga vina nyo wa anamabalinyu thitho na apainiya adodoliso. Mwamala, irani masasa-edho ira muode kwakwaneli-edha vyolinga vinyu. Mo-okaikela, Yohova unodha raeli-a nguru dhinyu!

ONELANI VIDIYO ACHINYAMATA AMENE AKULEMEKEZA YEHOVA MWAMALA, WAKHULANI:

• N’nga tinyarwa dhiivi dhigumannena atu enango ira talabe ninga apainiya? N’nga aliwa taodile avi dhilimbanana?

• N’nga anamabala tanaode avi khami-a a-imiwa ira takhale apainiya okhaatheya?

• Mwasiwa ngwan’ni pyofuneya khaana thandha waphama?

• N’nga i-yo ninaode avi akhami-a thitho alimbi-a apainiya?

• N’nga atu ale anolaba ninga apainiya anowachela maraeli-o oi avi?