INGUMI YI-U YAU KRISTAU

Mukami-enga atu a-anodhiveliwana vya mareligiau m’mwidhiwa Namapanduchiwa

N’nga mwatoimwanana laleela atu enao a-anodhiveliwana vya mareligiau, vothuulela ira venango katinavuruwane milanyu inyu? Akala ndi e-no muthuulelenga atu anjinji enao a-adhiveliwana vya mareligiau thangani-avo enao taonga ira Nlungu kalio, tatookala Amboni dha Yohova. Hora dhinjinji atu ninga enala anofwanela kami-iwa fwanya umboni oi Nlungu utokalao.—Aroma 1:20; 10:14.

MUONELE VIDIYO YOI ANTHU OPANDA CHIKHULUPIRIRO AKHOZA KUSINTHA N’KUKHALA NDI CHIKHULUPIRIRO—ANTHU OSAPEMBEDZA, MWAMALA MUWAKULE YOFUKA YO-ARELILA:

N’nga vyam’muireele Tommaso, viukami-idheni a-vi kaana mathuulelo ofwanelela ira mulaleelenga wa atu a-anodhiveliwana vya mareligiau?

Vyowakula vinyu

Mwemo munairele nyo vyevi

Akala mutu utothonyi-edha ira kanororomela ira Nlungu utokalao, mukalenga oleva rima na wa zelu thitho mokumela vathi varima muthonyi-edhenga ira munovwechecha mwemo monovwela liye va mwasa unotapanya nyo. (2Timo 2:24) Mutapanyenga na liye myasa inoona nyo ira unooda kaana ifunelo. N’nga unorumela ira mutapanye na liye maumboni enao anokami-a atu enango roma roromela ira utokala Namapanducha? Akala ndi e-no mu-indi-edhe basa mabukhu venango mavidiyo enao asaka-edhiwile ira takami-enga atu vamwasa wen’na. Viximabukhu oi Kodi Zamoyo Zinachita Kulengedwa? Na loi Mmene Moyo Unayambira—Mafunso 5 Ofunika Kwambiri, ato-eliwa thitho va vyongo vyofunji-ana ira naafwanyenga mo-orucha.

Fendo yoroma venango munooda roma ova tapanya na mutu oi kanororomela vyoi Nlungu utokalao. Akala ndi e-no munooda m’vepa namalaleya wa dodoliso ira aukami-eni. Muthuulelenga thitho ira Yohova unooda ukami-ani ira mwaafiyenga varimani atu ana rima wa pama, masiki takale ira voromavene kataroromela ira Nlungu utokalao.—Mayir 13:48.