Abali ambili apya a Gulu Lotonga
VAGUMANO wavayawa waireile vadambo la 5 wa Outubro yawa ya 2024, vatoongiwa milanyu yavakhundu yoi: Bali Jody Jedele na bali Jacob Rumph, tato-eliwa ira talambelenga mu Gulu Lotonga la Mboni dha Yohova. A bali ambilala tatom’laba Yohova mororomeleya wavyawa vinjinji.
Jody Jedele na i-yanee, Damaris
Bali Jedele abaliwile mu sidadi lau Missouri, wu Estados unidos wa Amerika thitho uulukulele mubanja la Mboni. Banja liwa, lakalecha duzi na isa yoi wali Amboni oyeva. Vyevi vyatooiri-a ira tagumanengana abali naarongola okumela mu visa vyo-iyana-iyana amuilambwila enao tadha dhalaleela milanyu yapama mu isa yena. Liye anoolimbi-iwa maningi aona udhivela thitho moda mwavwelana aliwa moi ee-no atoobadiziwa va 15 wa Outubro mu yawa ya 1983. Liye anoosangala maningi na basa lolaleela moi angamari-idhe funja xikola, atooroma upainiya okaatheya mu Setembro yawa ya 1989.
Bali Jedele’ angali zombwe, anamabalee tanoodhiveliwana m’tukula vambo-i naarongoliye, dhowa maona limburo wu beteli.Vyevi vyatooiri-a ira akaena ifunelo yodhowa malaba va Beteli thitho vyatoodheya. Bali Jedele atooroma laba wu Beteli yau Wallkill mu Setembro yawa ya 1990. Voroma alaba Departamento yocheni-a, ee-no vasogolove atooroma laba mu Departamento loongi-ana na aximitari.
Va horiyo, mipingo yavanduzi na yaiongelo ya Espanyol yanooulukula thitho yanoofuneeleya abali ira tamakami-e. Ee-no bali Jedele atooroma gumaneya na pingo wa iongelo ya Espanyol noroma funjedha iongelwila. Va-anavire hora indendai, bali Jedele atoogumanana rongola Damaris, wenuo aira upainiya isanimo. ee-no tangathelan’ne narongoluo othene tatooroma laba va Bateli.
Mu yawa ya 2005 tatookumao beteli ira tamasamalele anamabaliwa enao tam’labela Yohova mororomeleya. Vahorila, bali Jedele na i-yanee tanooira upainiya okaateya. bali Jedele alaba ninga namalangi-a wa xikola laurumiwi la upainiya. Anoolaba thitho mu Departamento loongi-ana na aximitari, thitho mu Departamento ya vyomangamananga.
Mu yawa ya 2013, Bali Jedele na i-yanee tatooitaniwa wu Beteli lawu Warwick ira talabenga basa lomangamanga. Romela vahora yalabile aliwa wu Patterson na Wallkill. Bali Jedele atoolabavo wu departamento loona vyomangamanga thitho mudepartamento loing’anela vya ximitali. Mwedhi wa Março yawa ya 2023, bali Jedele atoo-eliwa kala okami-a komisao ya urumiwi. Vothuulela vya urumiwi wairile liye, Jedele aongile ira: “Wawachela urumiwi upya, unoona ira kunouoda. Mbwenye vahora yeniyo vanofuneela maningi m’nyindhela Yohova namwasa oi liye ngunonikami-a ira niode urumiwi univa-idhe liye.”
Jacob Rumph na i-yanee, Inga
Bali Rumph ubaliwile musidade la California, U.S.A. Angali mwana, m’mee atoofooka mwauzimu mbwenye anoodhilimbi-edha m’funji-a mwanee ula imbarimbari ya Bibilyani. Yawa iliyothene, liye anoodhowa mawaredha na bwiyee wa i-yana wenuo ali wamboni dha Yohova ororomeleya. Liye atoom’kami-a balula ira adhiveliwengana imbarimbari angana vyawa 13 atoovepa ira afunjedhenga Bibilya. Va-ana vire hora indendai va 27 wa Setembro yawa ya 1992 atoobadiziwa. Vyali vyosangalali-a ona okoka m’mee aromanga laleela, gumaneya mokaatheya thitho babee naabalee enango tatoodhowa vasogolo nobadiziwa.
Bali Rumph angali zombwe, anoona mwemo apainiya mwasangalalela aliwa. Ee-no angamari-idhe funja xikola, atooroma upainiya mu Setembro yawa ya 1995. Mu yawa ya 2000, atoothamela wu Ecuador weo wafuneeleya anamalaleya anjinji. Weo atoogumanana rongola Inga wau Canada. Wenuo ali painiya thitho tatoothelana. Vasogolovee atooroma labela musidadi linango lau Ecuadorian weo wali gurupu loyeva laanamalaleya. Va-eeni gurupuli litoulukula kala pingo wakopolo.
Vangavirile hora, banjali latookala apainiya avakhundo thitho tatookala anamaing’anela isa. Mu yawa ya 2011 tatooira xikola ya Giliyadi yanumero 132. Tangamari-idhe xikolila tatoolabela vilambo vinjinji thitho tatoolaba maurumiwi o-iyana i-yana. Ninga labela va Beteli, misionariyo thitho basa la namaing’anela isa. Bali Ramph atoolabavo ninga namalangi-a wa xikola yolaleela vya umwene.
Namwasa wa sau wa COVID-19, bali Rumph na i-yanee tatoowelela wu Estados unidos. Aliwa tatooitaniwa ira tamalabenga va Beteli yau Wallkill thitho bali Rumph atoofunji-iwa basa la mudepartamento la urumiwini. Vangavirile hora atootumiziwa okoka wu tambi yau Ecuador thitho weo bali Rumph anoolaba mukomisao yatambi. Mu yawa ya 2023, atootumiziwa okoka wu Warwick. Mu Janeiro yawa ya 2024, bali Rumph, atooroma laba ninga okami-a komisao la urumiwi. Vothuulela vilambo vikadhi liye ndilabelanga, liye aongile ira, “inoiri-a ira urumiwi ukale wavakundo, kai weo unolaba miyo mbwenye atu anolabana miyo vambo-i.”
Ninosimba thindhi laabalala thitho “ninowalemeza maningi.”—Afl. 2:29.