Milanyu ya Bibilyani

Yawa ya 4026 K.A.

“Nyowa ilukhulu” yatookaikela vyoi Yohova ndi namatonga wapama. Yohova atoolanyedha ira vanodha kala “mbumba” venango “mbeu” yoi vira wa hora inodha pwanya muru wa nyowa ilukhulu yoi ndi Satana. (Maromelo 3:1-5, 15, madhu achindo) Mbwenye Yohova utorumeli-a ira atu tadhitongenga mosogoleliwa na kopolo ya “nyowa ilukhulu.”

Yawa ya 1943 K.A.

Yohova atoom’mwandela Abrahamu ira “mbumba” yolanyedhiwa inodha khumela mwa a-imee.—Maromelo 22:18.

Yawa ya 1070 K.A. Ingavirile

Yohova atoom’sikimizela mwene Davide, adhamale atoom’sikimizela thitho mwanee Solomu, ira “mbumba” yolanyedhiwiyo inodha khumela mubanjalee.—2 Samueli 7:12, 16; 1 Mamwene 9:3-5; Esaya 9:6, 7.

Yawa ya 29 K.A.B.

Yohova atoosakula Yesu kala “mbumba” yolanyedhiwa ira adhakale vapando wa umwene wa Davide.—Agalatiya 3:16; Luka 1:31-33; 3:21, 22.

Yawa ya 33 K.A.B.

Vofuna imwanani-a ira va-akale “mbumba” yolanyedhiwa, Satana oi ndi nyowa ilukhulu, atoom’pha Yesu. Mbwenye Yohova atoom’venyathi-a Yesu oi vasogolovee atoodhowa dhulu. Dhuluo Yohova atoowachela ingumi yolongomana ya Yesu yoi inokami-a atu ira taodenga leveleliwa vyodawa thitho ira mbumba dha Adamu dhidhakaena ingumi yo-omala.—Maromelo 3:15; Mayirelo 2:32-36; 1 Akoritiyo 15:21, 22.

Yawa ya 1914 K.A.B. venango vasogolovee

Yesu atooponyadha vailambo yavathi nyowa ilukhulu yoi ndi Satana ira akalevo wa isihora yoyeva.—Apokalipse 12:7-9, 12.

Sogolo

Yesu unodha m’manga Satana wa vyawa 1.000, amala unodha n’nonga, vyoi vinoimelela pwanya muru wa Satana. Vasogolovee ifunelo yoroma ya Yohova yokhuza ilambo yavathi naatu inodha kwakwaneli-edhiwa. Dhinalee linodha cheni-iwa thitho vyevi vinodha thonyi-edha ira liye ngofwanelela tonga. —Apokalipse 20:1-3, 10; 21:3, 4.