YOFUNJEDHA 17
N’nga Yesu una makalelo oi a-vi?
Nafunjedhanga vyongo vyaonga Yesu na vyaira liye angali vailambo yavathivano, ninofwanya makalelo apama maningi anoniiri-a ira nim’dhiveliwenga thitho dhiveliwana Babee Yohova. N’nga mbamakalelo enango avi apama ana Yesu? N’nga ninamsazi-edha a-vi?
1. N’nga Yesu unofwanafwana na Babee mundhila dhiivi?
Mu vyawa mabiliau manjinji, Yesu ali dhulu na Babee waudhivela. Hora yotheniyo, liye anoona nofunjedha kumela va vyongo vyaira Babee. (Muleri Juwau 5:19.) Ee-no liye unothuulela, kuzeya thitho ira vyongo ninga Babee. Thitho Yesu unosazi-edha makalelo a Babee. Ngumwasee atoonga ira: “Undioni miyo utom’mona Baba.” (Juwau 14:9) Mwafunjedhanga makalelo a Yesu, munodha m’mwidhiwa pama Yohova. Mofwanafwani-a tangaranga dhathonyi-edha Yesu waatu, ngu umboni oi Yohova unoukumbanyedhani mwagumanana vyorucha.
2. N’nga Yesu athonyi-edhe a-vi ira unodhiveliwana Yohova?
Yesu aongile ira: “Ira ilambo iidhiwe ira ndinodhiveliwana Baba, ndinoirana vyevi vo-arela lamulo lindiva-idhe Baba.” (Juwau 14:31) Yesu angali vailambo yavathivano, atoothonyi-edha ira unodhiveliwana maningi Babee mom’vwela angalive ira vyali vyorucha irangana vyevyo. Liye anoodhiveliwana onga vyokuza Babee thitho anookami-a atu enango ira naaliwene tarome m’dhiveliwana Nlungu.—Juwau 14:23.
3. N’nga Yesu athonyi-edhe a-vi ira unoadhiveliwana atu?
Bibilya linothonyi-edha ira Yesu unosangalala maningi “naa-ima aatu.” (Sanganiko 8:31, madhu a chindo) Liye anothonyi-edha ira anoadhiveliwana atu voalimbi-a noakami-a mo-oumeleliwa. Vyodabwi-a vyaira liye kavyathonyi-edha ira atokaana kopolo baa-i, mbwenye vyathonyi-edha ira atokaana tangaranga. (Marku 1:40-42) Liye anookami-a atu mooma rima mo-osakula. Vyaonga liye vyanoodidili-a thitho va-a idedi-edho waatu a rima wapama tam’vuruwana. Yesu atorumela rucheya thitho wukwa namwasa oi anoodhiveliwana atu othene. Mbwenye liye anoadhiveliwana maningi atu ale tadhiveliwana vyafunji-a liye.—Muleri Juwau 15:13, 14.
FUNJEDHANI VINJINJI
Sakasakani ira mwidhiwe vinjinji vyoonga makalelo a Yesu thitho muone vinairenyo ira mum’sazi-edhe va mwasa othonyi-edha udhivela nokala ova-a.
4. Yesu unodhiveliwana Babee
Vyaira Yesu vinonikami-a idhiwa vinaire i-yo ira nidhiveliwengana Nlungu. Muleri Luka 6:12 na Juwau 15:10; 17:26. Mwamala leri lemba lililothene mutapanye yofuka yo-arelai:
N’nga vosazi-edha Yesu, ninathonyi-edhe a-vi ira ninodhiveliwana Yohova?
Yesu anoom’dhiveliwana Babee wa dhulu thitho hora dhinjinji anoom’muongechanee dhela mu lobelo
5. Yesu unosamalela atu orucheya
Yesu anoothuulela maningi vyofuna vyaatu enango kwaranya vyofuna vyee. Liye ano-indi-edha basa horee, na kopolodhee vokami-a atu masiki takale ochenyela. Muleri Marku 6:30-44, mwamala mutapanye vyofuka vyo-arelavi:
Mumwasula, pivyongo viivi vyaira Yesu vothonyi-edha ira anoathuulela atu?—Muone maversu 31, 34, 41, na 42.
N’nga ti kalelo liivi lairi-idhe ira Yesu akami-e atwao?—Muone versu 34.
Voi Yesu unosazi-edha makalelo a Yohova, n’nga vyevi vinonifunji-an’ni vyoonga Yohova?
N’nga pivyongo viivi vinaire i-yo vosazi-edha Yesu vamwasa othuulela atu enango?
6. Yesu ngova-a
Angalive ira Yesu kaana vyongo vinjinji vyaututuni, anoodhiveliwa gawela atu enango vyongo vyana liye. Liye unofuna ira na-iyene nikalenga ova-a. Muleri Mayirelo 20:35, mwamala mutapanye yofuka yo-erelai:
Movwelana na vyaongile Yesu, niirengan’ni ira nikale osangalala?
Muonele VIDIYO, mwamala mutapanye yofuka yo-erelai
N’nga ninathonyi-edhe a-vi rima ova-a angalive ira kanina vyongo vinjinji?
N’nga mutoidhiwa?
Bibilya linonifunji-a ira nilobelenga wa Yohova mudhina la Yesu. (Muleri Juwau 16:23, 24.) Nalobelanga mudhina la Yesu, ninothonyi-edha ira ninosimba vyairile Yesu vonikami-a ira Nlungu akale xamwali-u.
ATU ENANGO ANOONGA IRA: “Nlungu atolembelatu ira ninongo gumanana nyarwa.”
Voi Yesu unosazi-edha makalelo a Babee, n’nga vinoira liye vinothonyi-edha a-vi ira kai Yohova unoiri-a nyarwadhi-u?
MAKUNDO OGWANDELA
Yesu unodhiveliwana Yohova naatu. Voi Yesu unosazi-edha makalelo a Babee, mwaidhiwa vinjinji vyoonga Yesu munodha m’mwidhiwa pama Yohova.
Vyofuka vyowelela
N’nga ninathonyi-edhe a-vi ira ninodhiveliwana Yohova ninga munoirela Yesu?
N’nga ninathonyi-edhe a-vi ira ninodhiveliwana atu ninga munoirela Yesu?
N’nga tikalelo liivi la Yesu lelo linouiri-ani kaana ifunelo maningi?
IDHIWANI VINJINJI
Muone enango mwamakalelo a Yesu anasazi-edhe i-yo.
“Kuti Mutsanzire Yesu Muyenera. . .” (Yesu—Ndi Njira, Choonadi ndi Moyo, thakuru 317)
Muone mwasee ninofwanela lobelanga dhela mudhina la Yesu.
“N’chifukwa Chiyani Tiyenera Kupemphera M’dzina la Yesu?” (Nsanja ya Olonda, 1 wa Fevereiro wa 2008)
N’nga Bibiliya linoonga iliyothene yokuza moda waoneya Yesu?
N’nga ninofunjedhavon’ni vamwasa wa mwemo mwaira Yesu vyongo naa i-yana?
“Mulungu Amafuna Kuti Akazi Azilemekezedwa” (Nsanja ya Olonda, 1 wa Setembro wa 2012)