YOFUNJEDHA 57
N’nga mwaira yodawa ilukulu munofwanela iran’ni?
Agalive ira munomdhiveliwana maningi Yohova thitho munodhilimbi-edha rambela vyongo vinamsukwali-e, hora dhinango munooda dawi-a vyongo vinango. Mbwenye vyodawa vinango, vinokala vilukulu kwaranyi-a vinango. (1 Akoritiyo 6:9, 10) Akala mutoira yodawa ilukulu, kamutatile rima thitho kamudiwale ira Yohova ka-iidhe udhiveliwanani, liye ngofunechecha ulevelelani thitho ukami-ani ira muchinje.
1. N’nga ninofwanela iran’ni ira Yohova anilevelele?
Atu anomdhiveliwana Yohova anodhivwela tangaranga maningi tazindiyela ira tatoira yodawa ilukulu. Mbwenye Yohova unoadidili-a na yolanyedhayee yoi: “Angalive ira vyodawa vinyu vikale vyofiila maningi vinodha chena maningi.” (Esaya 1:18) Nachinyuwa kumela vathi varima, Yohova kanodha thuulela vyodawa vi-u thitho unonilevelela na rima othene. N’nga ninathonyi-edhe a-vi ira nitochinyuwa? Ninodhivwela tangaranga maningi namwasa wa viirile i-yovyo. Kaninoviwelela thitho ninomvepa Yohova ira anilevelele, mbwenye ninokaana thindhi ira ni-iye irana venango thuulela vyongo vyothakala vyairi-idhe ira niire yodawa. Wenjedhela veva, ninodhilimbi-edha a-rela makundo a Yohova amakalelo apama vaingumi yi-u.—Muleri Esaya 55:6, 7.
2. N’nga Yohova uno-indi-edha basa a-vi andimuwa avapingoni ira tanikami-e nadawa?
Naira yodawa ilukulu Yohova unoniwandela ira “niitane andimuwa avapingoni.” (Muleri Yakobo 5:14, 15.) Andimuwala anomdhiveliwana maningi Yohova na mabilee. Aliwa tatofunji-iwa pama mwemo munanikami-edhe aliwa naifunelo yoi, nikale va uxamwali wapama na Yohova.—Agalatiya 6:1.
N’nga andimuwa anonikami-a a-vi naira yodawa ilukulu? Andimuwa ambili venango araru ano-indi-edha basa makundo amalembani vonikami-a zindiela ira viirile i-yovyo pyodaweya. Aliwa anoniva-a malangi-o nonilimbi-a naifunelo yonikami-a, ira nirambele dhaira akoka yodawayo. Aliwa anoniwandela ira kaniirenga vyongo vinango pingoni wahora fiyedhela uxamwali-u na Yohova wadharoma kala olimba. Vofuna vunela pingo ira a-adodomi-e atu enango pingonimo mutu uirile yodawa ilukulu, oi kathonyi-edhe rima ochinyuwa.
FUNJEDHANI VINJINJI
Muone vinairenyo ira musimbenga vyevyo vinoira Yohova vonikami-a naira yodawa ilukulu.
3. Onga vyodawa vi-u unonikami-a ira nikale vauxamwali wapama na Yohova
Naira yodawa iliyothene Yohova unosukwala, e-no ndi pama mwandela. Muleri Salimo 32:1-5, mwamala mutapanye yofuka yo-arelai:
Mwasiwa ngwan’ni ninofwanela onga vyodawa vi-u wa Yohova malo monlokotedha?
Naonga vyodawa vi-u wa Yohova, ninofwanela thitho wandela andimuwa avapingoni. Ira vyevi unonikami-a ira vyongo viniwendelanga pama. Muonele VIDIYO, mwamala mutapanye yofukai.
Vidiyonimu n’nga andimuwa tamkami-idhe a-vi Canon ira awelele wa Yohova?
Nikalenga othathuwa vowandela andimuwa avapingoni yodawa yi-u, thitho niawandelenga vyaimbarimbari baa-i, aliwa anofuna nikami-a. Muleri Yakobo 5:16, mwamala mutapanye yofuka yo-arelai:
Mwasiwa ngwan’ni andimuwa avapingoni katinorucheya nikami-a naawandela vyaimbarimbari baa-i voonga yodawa yi-u?
Muongenga vyodawa vinyu wa Yohova, mwaawandelenga andimuwa vyaimbarimbari baa-i thitho murumelenga langiwa okumela wa Yohova weo unovelela liye mwaudhivela
4. N’nga mkumi-a mutu o-ochinyuwa pingoni una upama oi a-vi?
Akala mutu uirile yodawa ilukulu kanofuna chinyuwa thitho kano-arela makundo amalembani, kanofwanelelave kala pingoni. Vyaireya e-no anomkumi-a pingoni thitho kaninofwanelela m’mwaredhangana venango m’monganganee. Muleri 1 Akoritiyo 5:6, 11, mwamala mutapanye yofuka yo-arelai:
Ninga mwemo yotupi-a munotupi-edha aliwa pau yothene, n’nga waredhana mutu odawa oi kachinyuwile unakuze a-vi pingo wethene?
Atu anjinji enao takumi-iwile pingoni tatowelela namwasa olangiwa wate aliwa. Angalive ira langiwao wali opa watoakami-a zindiela ira vyairile aliwavyo vyali vyodaweya.—Salimo 141:5)
Nʼnga moda Yohova munoirela liye vyongo naatu odawa unotho nyi-edha a-vi ira unowavwechecha, ngwatangaranga thitho waudhivela?
5. Yohova unolevelela mutu uchinyuwile
Yesu atoo-indi-edha basa ifwanafwani-o inonikami-a vwechecha mwemo Yohova munovwela liye mutu odawa achinyuwa. Muleri Luka 15:1-7, mwamala mutapanye yofuka yo-arelai:
N’nga ifwanafwani-oi inonifunji-an’ni vyoonga Yohova?
Muleri Zakiyeli 33:11, mwamala mutapanye yofuka yo-arelai:
N’nga mutu unofwanela iran’ni vaekene vothonyi-edha ira utochinyuwadi?
Molandana na namakumbiza, Yohova unonisamalela unonisamalela
ATU ENANGO ANOONGA IRA: “Ndinoova ira ndaonga yodawa yanga waandimuwa, anondikumi-a pingoni.”
N’nga mutu una mathuulelo enala muna’mwandele vyoi a-vi?
MAKUNDO OGWANDELA
Akala mutu utoira yodawa ilukulu nochinyuwa kumela vathi varima thitho liye sikimiza rima ira kanadha irave yodawayo, Yohova unomlevelela.
Vyofuka vyowelela
Mwasiwa ngwan’ni ninofwanela onga vyodawa vi-u wa Yohova?
N’nga ninofwanelela iran’ni ira Yohova anilevelele vyodawa vi-u?
Akala nitoira yodawa ilukulu, mwasiwa ngwan’ni ninofwanela vepa andimuwa avapingoni ira tanikami-e?
IDHIWANI VINJINJI
Muone mwemo Yohova mwathonyi-edhe liye mutu unango tangaranga oromoliwa va lemba la Esaya 1:18.
N’nga kumi-a pingoni mutu o-ochinyuwa unokami-a a-vi mutuo thitho atu enango pingoni?
Muone moda atu o-ochinyuwa munothonyi-edheliwa aliwa udhivela na tangaranga.
Mumwasa oi “Ndatozindiyela ira ndinofwanela welela wa Yohova” muone mwasee mutu unango atoona ira Yohova atomkami-a welela wa liye.
“Baibulo Limasintha Anthu” (Nsanja ya Olonda, 1 wa Abril wa 2012)