Malangi-o a gumano wa ingumi yi-u yau Kristau na urumiwi

Vili vathakhuru la malangi-oli

1. Malangi-o ali mu ixibukhwila, anodha kami-a mutu uliwethene wenuo una ikhundu va migumano ya Ingumi yi-u yau Kristau na Urumiwi. Atu enala anofwanela thitho ona malangi-o ali mu ixibukhu ya migumano ya Ingumi yi-u yau Kristau na Urumiwi, vambo-i na malangi-o enao ali mu ixibukhwila a-anaire ikundu iva-iwile liye pingoni. Anamalaleya othene anofwanela limbi-iwa ira talembi-e xikola ya urumiwi naifunelo yoi tava-iwenga vikhundu pingoni. Atu enango enao anogumanyeya na pingo hora dhothene thitho ano-arela makhundo anofunjedha aliwa Bibilyani na makhundo Aikristau vaingumiiwa, anooda thitho lembi-a ira tava-iwenga vikhundu pingoni. Anamaing’anela migumano ya Ingumi yi-u yau Kristau na Urumiwi, anofwanela tapanya vyongo vinofuneela ira mutu alembi-e xikolali na mutu uliwethene oi kai namalaleya wenuo una ifunelo yolembi-a xikola ya urumiwi thitho tam’kami-e ona akala ngofwanelela lembi-a. Vyevi viireyenga angali vambo-i na mutu unom’funji-a Bibilya (venango namabalee oi ngu Mboni). Vyongo vinofuneela mutu ira arome irana vikhundu vya xikola ya urumiwi, ndi vyolandana na vyongo vinofuneela ira mutu akale namalaleya o-obadiziwa.—od-CN muru 8 ndima 8.

MADHU OROMA

2. Minutu 1. Sumana nlilothene, vasogolo va nyumbo na lobelo loroma, charamani wa gumano wa Ingumi yi-u yau Kristau, unofwanela onga mogwandela vyongo vinofuna i-yo funjedha. Charamanuo agogomedhenga maningi makundo enao abali naarongola anaganyalina aliwa.

FUMA DHOFWANYEYA M’MADHU A NLUNGU

3. Mwasa: Maminutu 10. Va Ixibukhu ya Migumano ya Ingumi yi-u yau Kristau na Urumiwi, vakalenga muru thitho makhundo malukulu menli venango mararu. Mwasula unofwanela va-iwa ngu ndimuwa wavapingoni venango rumiwi okhami-a ofwanelela. Bukhu lipya la Bibilyani laromanga funjedhiwa nionelenga vidiyo. Mulimbo onga mwasuo athonyi-edhenga vwelana ulivo vari va vidiyo na muru wa bukhulo. Thitho unofwanela onechecha ira utoonga makundo ali mu ixibukhwiyo. Hora ya-alavove, unofwanela onga viruthiruthi vi-eliwile vyevyo visaka-edhiwile ira vikami-e vwei-a makhundo a mwasuo. Unooda thitho wenjedhela mareferesiya enango enao anaode vwei-a pama makhundo a mwasee.

4. Sakasaka makhundo okami-a: Maminutu 10. Mwasa wen’na ngwa vyofuka na vyowakuwa, o-okaana madhu oroma na omari-a. Mwasula uongiwenga na ndimuwa wava pingoni venango rumiwi okami-a ofwanelela. Liye unofwanela fuka vyofuka vyothene vinli. Thitho unooda sakula leri maversu othene a-eliwile vevo venango kabe. Mutu uthonyiwile ira awakule, unofwanela onga mo-okwaranyi-a masegundu 30.

5. Leri Bibilya: Maminutu 4. Mwasa wen’na uva-iwenga namafunjedha wa lombwana. Liye unofwanela leri maversu awandeliwile liye vo-oonga madhu oroma venango omari-a. Charamani unofwanela m’kami-a mutuo ira avwecheche vinoleri liyevyo, aleri mwapama thitho mo-ododoma, achinjenga madhu, vuma mofwanelela thitho onga mwaibaliwelo. Voi maversu enango anofuna va-iwanga abali ira taleri anongokala manjinji thitho enango anakalenga oyeva, namaing’anela gumano wa Ingumi yi-u yau Kristau na Urumiwi, unofwanela thuulelanga dodoliso la namafunjedha am’va-anga myasa ninga dhedhi.

DHILIMBI-EDHENI FUNJI-A MWADODOLISO MUURUMIWINI

6. Maminutu 15. Ikhundu yen’na ya gumano, isaka-edhiwile ira ikami-enga mutu uliwethene wesedha vyongo vinaire liye muurumiwini thitho wenjedhela dodolisolee lolaleela nofunji-a. Akala pyoodeya andimuwa avapingoni anofwanela va-iwa vikundu vinango vya anamafunjedha. Namafunjedha uliwethene unofwanela i-ndi-edhavo basa yofunjedha iva-iwile liye ira a-indi-edhe basa khumela mu ixibukhu yoi Funji-a venango ixibukhu yoi Mwaadhiveliwengana atu. Viximabukhuvi vinothonyi-edhiwa mu ixibukhu ya migumano ya Ingumi yi-u yau Kristau na Urumiwi vaikundu yoi (Imd yofunjedha venango th yofunjedha). Hora dhinango vanongo kala masaka-edho oi atu tatapanyenga makhundo enango. Ikhundu yoromila inofwanela va-iwa ndimuwa wavapingoni venango rumiwi okami-a ofwanelela.—Muone ndima 15 ira muone mwemo munaongele nyo mwasa otapanya naalimbo vuruwana.

7. Ulendo oroma: Mwasula uva-iwe bali venango rongola. Akala uva-iwile ngu rongola mwinyaa vandhe akale rongola thitho akala uva-iwile ngu bali mwinyaa vandhe akale bali. Namafunjedha thitho mutu unom’kami-a, unooda sakula kaathi venango kala oimelene tairanga ifwanafwani-o ila. Ira muidhiwe vyongo vinjinji vyokuza ifunelo na moda olaleela unofuna nyo ira vaifwanafwani-o inyu, muone ndima 12 na 13.

8. Ulendo owelela: Mwasula uva-iwe bali venango rongola. Akala uva-iwile ngu rongola mwinyaa vandhe akale rongola thitho akala uva-iwile ngu bali mwinyaa vandhe akale bali. (km-CN 5/97 thakuru 2) Namafunjedha thitho mutu unom’kami-a, unooda sakula kaathi venango kala oimelene tairanga ifwanafwani-o ila. Namafunji-a unofwanela onechecha vinaonge liye vofuna romi-a mwasa watapanyile aliwa va ulendo oroma. Ira muidhiwe vyongo vinjinji vyokuza ifunelo na moda olaleela unofuna nyo ira vaifwanafwani-o inyu, muone ndima 12 na 13.

9. Funji-a atu: Mwasula uva-iwe bali venango rongola. Akala uva-iwile ngu rongola mwinyaa vandhe akale rongola thitho akala uva-iwile ngu bali mwinyaa vandhe akale bali. (km-CN 5/97 thakuru 2) Namafunjedha thitho mutu unom’kami-a, unooda sakula kaathi venango kala oimelene tairanga ifwanafwani-o ila. Mwasula uthonyi-edhenga ira funjedha wa Bibilyao uromile wale. Kavali mwasa ofuna onga madhu oroma venango omari-a, khumi-avo akala muru wa yofunjedhiyo unoonga vyevyo. Kai vyofuneela leri ndima dhothene dhiva-iwile nyo, masiki angalive ira musakunle ira muleri.

10. Onga vyongo vinororomela nyo: Akala inofuna ongiwa ninga mwasa, ikundu yen’na inofwanela va-iwa bali. Mbwenye akala inofuna ikale ninga ifwanafwani-o, inofwanela va-iwa namafunjedha wa rongola venango bali. Akala uva-iwile ngu rongola mwinyaa vandhe akale rongola thitho akala uva-iwile ngu bali mwinyaa vandhe akale bali. Namafunjedha unofwanela wakula movweya pama thitho mowenjela awakulenga yofuka ya muru wa mwasee, votukulela mareferesiya ava-iwile aliwa. Namafunjedha unooda sakula onga referesiya la-indi-edhe liye basa vosakasaka venango kabe va hora inoonga liye mwasee.

11. Mwasa: Ikundu yei inofwanela va-iwa bali thitho iongiwenga ninga mwasa pingoni. Akala mwasuo ukumele va vyakomoni A mu ixibukhu yoi Mwaadhiveliwengana atu, namafunjedhuo unofwanela onga mwemo maverswao munalabi-edheliwe aliwa basa muurumiwini. Mofwanafwani-a, unooda onga vahora lembalo muna-indi-edheliwe aliwa basa, vinothapulela aliwa na mwemo munali-indi-edhele i-yo basa votapanya na mutu. Akala mwasee ukumele va imbo-i mwa yofunjedha ili mu ixibukhu yoi Mwaadhiveliwengana atu, ifunelwee ikalenga onga mwemo makundwao munaa-indi-edhele i-yo basa muurumiwini. Unooda onga ifwanafwani-o ili va likundo loroma ya yofunjedhiyo venango unooda onga malemba enango owenjedhela va yofudhiyo enao ali okami-a.

12. Ifunelo: Makundo ali va ndima yen’na thitho yo-arela, anoonga maningi mwemo munairele i-yo “Ulendo oroma” na “Ulendo owelela.” Ifunelo ya namafunjedha ikalenga onga makundo ogwandela aimbarimbari a Bibilyani na mutu unom’mongana liye thitho aonechechenga ira uto-iya ulendo owelela. Namafunjedha unofwanela sakula mwasa oi tatapanye wenuo uli o-inda rima mutatamolo thitho mo-omala mahora manjinji. Unooda sakula akala unofuna m’va-a mabukhu, oni-a vidiyo venango kabe. Malo molokota muruni vyofwanelela maonga, namafunjedha unofwanela wenjedhela dodolisolee lotapanyana naatu voonga myasa dhiwa mwaibaliwelo nothonyi-edhanga ifunelo waatu anovuruwanao.

13. Moda olaleela: Anamafunjedha anofwanela i-ndi-edha basa moda olaleela uva-iwile aliwa movwelana na mwemo vyongo mukalele aliwa isani wiwa. Mofwanafwani-a:

(1) Laleela vandhe na vandhe: Moda olaleela weu, unothangani-avo laleela vandhe na vandhe, nagumanana atu, aligarela venango lemba makarta. Vinothangani-avo thitho ira ulendo owelela wa atu anoalaleela i-yo.
(2) Laleela mwangari: Moda olaleela weu, unothangani-avo roma laleela wa atu kumela va myasa dhinango dhinotapanya i-yo naaliwa, namala i-yo roma awandela makundo aimbarimbari. Vinothangani-avo onga makundo a Bibilyani naatu anolaba basa vambo-i na i-yo, anoafunjana i-yo xikolani, owandanana nyumba, atu agwenlena i-yo karoni vambo-i venango wu limburo nlilothene weo unaagumanena i-yo atu nairanga vyongo vi-u vya dambo na dambo.
(3) Laleela mumamburo mofwanyeya atu anjinji: Moda olaleela weu, unothangani-avo laleela namakarinya, laleela mumamburo oirelamo goso, laleela ndhila, laleela maparkini, laleela mumamburo moimecha makaro venango mumamburo aliothene ofwanyeya atu anjinji.

14. I-ndi-edha basa mavidiyo na mabukhu: Motukulela moda muli vyongo, namafunjedha unooda sakula oni-a vidiyo venango gawela bukhu. Akala mwasa ofunjedhuo unofuneela oni-a vidiyo venango liye utosakula i-ndi-edha basa vidiyo, unofwanela onga thitho amala tatapanye makundo avidiyonimo mbwenye kanofwanela ioni-a.

INGUMI YI-U YAU KRISTAU

15. Nyumbo yamala maminutu 15 o-arela a ikhundu yen’na, inongo kaana mwasa m’mbo-i venango minli dhokhami-a atu i-ndi-edha basa madhu a Nlungu vaingumiiwa. Myasadhi dhiveleliwenga wa andimuwa avapingoni venango arumiwi okhami-a ofwanelela. Mbwenye akhala pyofuneya vyavapingoni, dhiongiwenga na andimuwa avapingoni baa-i. Akhala mwasula ngotapanya naalimbo vuruwana, mulimbo onga mwasuo unooda fuka yofuka ili vaikundu iliyothene ya mwasuo thangani-avo makhundo enango ava-iwile liye. Unofwanela thitho kaana madhu oroma mbwenye mogwandela naifunelo yoi akaena hora yokwakwanela yotapanya makhundo othene thitho velela ngari waalimbo vuruwana ira tawakhule. Akhala mwasula ngofuna fuka vyofuka abali enango, alimbo wakulao tamawakulenga tangali pulatifomuni malo mowakula tangakaathidhe vamipandoni viwa.

16. Funjedha Bibilya wavapingoni: Maminutu 30. Uva-iwenga ndimuwa wava pingoni ofwanelela. (Mipingoni mwemo muli andimuwa oyevela arumiwi okami-a ofwanelela anooda va-iwa ikundu yen’na akala pyofuneya.) Gulu laandimuwa avapingoni linofwanela ona dodoliso la ndimuwa wavapingoni uliwethene ira tasakule andimuwa ofwanelela iri-anga Funjedha Bibilya wavapingoni. Andimuwa anasakuliweao anofwanela iri-a Funjedhau mo-inda rima, khami-a alimbo vuruwana ira taonge makhundo okami-a va malemba ofwanelela, khami-a mutu uliwethene ira aone mwemo muna-indi-edhele liye basa makhundo a yofunjedhiyo vaingumiyee thitho kanofwanela udya hora. Abali tasakuliwile ira tairi-enga funjedha wa Bibilya wavapingoni tanofwanela leri no-arelanga makhundo enao aongile gulu li-u oonga mwemo munairi-edhe i-yo mwasa wa vyofuka na vyowakula. (w23.04 thakuru 24, kwadru) Akhala mutomari-a tapanya makhundo othene asumana lelo, kavali mwasa ofuna lapi-edha funjedhao naifunelo yofuna mari-a hora i-adhi. Akhala pyoodeya sumana nlilothene Funjedha Bibilya wavapingoni uiri-iwenga na bali mwinango na bali mwinango oleringa ndima mbwenye kakhale bali ulerile sumana livirile. Akhala ira Charamani wa Gumano wa Ingumi yi-u yau Kristau na Urumiwi utoonga ira Funjedhau ukhale ogwandela namwasa wa hora, bali unoiri-a yofunjedhiyo asakhulenga ekhene moda munairele liye mogwandela. Liye unooda sakhula ira ndima dhinango dha-aleriwe mbwenye airenga fukha vyofukha baa-i.

MADHU OMARI-A

17. Maminutu 3. Charamani wa Gumano wa Ingumi yi-u yau Kristau na Urumiwi, awelelenga mogwandela makhundo okhami-a afunjedhiwile vagumanuo. Aongenga thitho mogwandela vyongo vinofuna i-yo dhafunjedha va sumana yo-arela. Akhala vato-ala hora unooda onga madhina aatu anofuna dhaira ikhundu sumana lo-arela. Charamani unooda onga milanyu yofuneya venango leri makarta vahora yeniyo. Milanyu ya hora dhothene ninga yodhowa malaleela venango cheni-a va Nyumbani ya Umwene, kadhinofwanela ongiwa mbwenye dhi-eliwenga va kwadru ya milanyu. Akhala milanyuo itoinjiva venango kartalo tolapa maningi, unofwanela kaana hora venango vepa abali ana myasa vaikundu yoi Ingumi yi-u yau Kristau ira tadhikwivi-e. (Muone ndima 16 na 19.) Gumanula umalenga na nyumbo thitho lobelo.

SIMBA THITHO VELELA MALANGI-O

18. Namafunjedha uliwethene amala onga mwasee, charamani wa gumano wa Ingumi yi-u yau Kristau na Urumiwi, am’simbenga thitho m’va-a malangi-o mo-okwaranya minutu 1, malangi-oao takalenga okumela va yofunjedha iva-iwile liye. Charamani aonga muru wa mwasa unofuna onga namafunjedha, kaongenga yofunjedha iva-iwile liye. Mbwenye amala onga mwasuo charamani unofwanela m’simba noonga yofunjedha yava-iwile liye, onga ikundu iirile liye pama venango vyongo vinofwanela liye chinja va ulendo o-arela. Charamani unooda sakula simba venango velela malangi-o va ikhundu inango yokuza mwemo namafunjedhuo munaongele liye mwasee akala vinoonda m’kami-a namafunjedhuo venango alimbo vuruwana. Charamani unooda thitho velela malangi-o okami-a wa namafunjedha migumano yamala venango dambo n’nango thitho malangi-oao anofwanela kala okumela mu ixibukhu yoi Mwaadhiveliwengana atu venango mu ixibukhu yoi Funji-a venango bukhu loi Sukulu ya Utumiki. Malangi-oao anofwanela kumela va yofunjedha yava-iwile namafunjedhuo venango va yofunjedha inango.—Ira muidhiwe vyongo vinjinji vamwasa wa izo ya charamani wa gumano wa Ingumi yi-u yau Kristau na Urumiwi na izo ya namalangi-a okhami-a, muone ndima 19, 24 na 25.

LOKHOTA HORA

19. Ikhundu iliyothene na vyowenjedhela vya charamani kavikwaranye hora iva-iwile aliwa. Angalive ira ixibukhu ya migumano ya Ingumi yi-u yau Kristau na Urumiwi vaikundu iliyothene vano-eliwa hora, akala mutomala onga makundo othene aikhundu inyu, kamunofwanela wenjedhela vyongo vinango ira mukwakwaneli-edhe hora iva-iwile nyo. Akala vikhundu vinanango vya gumanuo vitokwaranaya horiwa, charamani wa gumano wa Ingumi yi-u yau Kristau na Urumiwi venango namalangi-a okhami-a, unofwanela velela malangi-o wa mutu udyide horuo migumano yamala. (Muone ndima 24 na 25.) Gumano othene thangani-avo nyumbo na lobelo, kavikwaranye hora 1 na maminutu 45.

NAMAING’ANELA ISA AWAREDHELANGA PINGO

20. Namain’ganela isa awaredhelanga pingo, migumano iireenga movwelana na Ixibukhu ya Migumano ya Ingumi yi-u yau Kristau na Urumiwi. Mbwenye mwasa wa urumiwi oongiwa na namaing’anela isa wa maminutu 30, uvolowelenga limburo ikhundu ya Funjedha Bibilya wavapingoni. Mwasa wa urumiwi wa-anarome charamani unofwanela welela onga vang’ono vyongo vifunjedhile i-yo, na vyongo vinofuna i-yo dhafunjedha va sumana yo-arela, onga milanyu ya vyongo vyofuneya, leri makarta akhala atokalavo amala am’mwitane namaing’anela isuo ira aonge mwasee. Namaing’anela isuo amala onga mwasee unodha wandela atu ira taimele noomba nyumbo yomari-a isakunle liye. Unooda vepa bali mwinango ira amari-e na lobelo. Grupu B la iongelo ya pinguo kinofwanela ireya va sumana linowaredhi-a namain’ganela isa pinguo. Mbwenye akala namaing’anela isa unowaredhi-a pingo unokami-a grupulo, aliwa anofwanela dhowanave ira migumano. Mbwenye vahora namaing’anela isa inaongenga liye mwasa, grupulo linofwanela vuruwana mwasuo.

SUMANA LA GUMANO WA ISA VENANGO GUMANO WA GAWO

21. Akala mutokaana gumano wa isa venango wa gawo, migumano yapingo ya sumana yeniyo kinofwanela ireya. Pingo unofwanela thuuchiwa ira anofwanela funjedha makhundo agumano wa pingo vahora yolambela wavabanjini venango funjedha wavaokhene.

SUMANA LA ITHUULELO

22. Migumano yapingo ya vari vasumana kadhinofwanela ireya akala dambo la ithuulelo nli vari vasumana.

NAMAING’ANELA GUMANO WA INGUMI YI-U YAU KRISTAU NA URUMIWI

23. Gulu laandimuwa avapingoni linofwanela sakula ndimuwa m’mbo-i ira akale oing’anela Gumano wa Ingumi yi-u yau Kristau na Urumiwi. Liye aonechechenga ira migumanwiyo inoireya mwapama thitho mo-arela malangi-o aongile i-yoala. Unofwanela thitho iranga vyongo movwelana na namalangi-a okhami-a. Ixibukhu ya migumano ya Ingumi yi-u yau Kristau na Urumiwi yafiya, liye ngunofwanela gawa myasa yothene yavari vasuma ya myedi minli. Vyevi vinothangani-avo myasa dha anamafunjedha, myasa dha-anoveleliwa wa anamafunjedha thitho enao anofuna dhakala charamani kumela waabali asakuliwile na gulu la andimuwa avapingoni. (Muone ndima 3 fiyedha 16 na 24.) Ava-anga anafunjedha myasa unofwanela thuulelanga vyongo ninga vi: Vyawa vya namafunjedhuo, akala utoidhiwa vyongo vinjinji venango kabe thitho dodoliso lina liye voonga mwasa. Anofwanela thitho i-ndi-edha basa makhundo enao tagawedhanga vikundu vinango vya gumano. Mutu uliwethene uva-iwile mwasa unofwanela thuuchiwanga unga-adhi masumana mararu ira aonge mwasee, vo-indi-edha basa formulariyo ya mwasa wa gumano wa Ingumi yi-u yau Kristau na Urumiwi (S-89). Bali unoing’anela gumano wa Ingumi yi-u yau Kristau na Urumiwi, unofwanela onechecha ira thandha wa gumano othene uto-eliwa va kwadru yapingo. Gulu laandimuwa avapingoni anooda sakhula ndimuwa mwinango venango rumiwi okhami-a ira am’kami-enga. Mbwenye andimuwa avapingoni baa-i, mbenao anofwanela gawa myasa dha-anofwanela va-iwa anamafunjedha.

CHARAMANI WA GUMANO WA INGUMI YI-U YAU KRISTAU NA URUMIWI

24. Sumana iliyothene, ndimuwa wavapingoni avepiwenga ira akale charamani wa gumano. (Mipingoni muli andimuwa oyeva arumiwi okami-a ofwanelela anovepiwa kala charamani, akala pyofuneela.) Charamani aongenga madhu oroma na omari-a. Aitanenga thitho alimbo onga myasa yo-iyana i-yana vagumanuo thitho akala vali andimuwa oyeva unooda thitho onga myasa inango. Charamani aongenga mogwandela maningi mwasa uliwethene wamala thitho aitananga mulimbo onga mwasa o-arela. Gulu laandimuwa linofwanela sakulanga andimuwa ofwanelela ira takalenga charamani thitho tachinjengana. Movwelana na mwemo vyongo mukalele aliwa vapingonivo, venango namaing’anela wa gumano wa Ingumi yi-u yau Kristau na Urumiwi unooda kalanga charamani moweli-edha weli-edha mo-iyana na andimuwa enango. Ndimuwa wenuo urumeli-iwile ira airi-enga funjedha Bibilya wavapingoni ngofwanelela thitho khala charamani wa gumano. Ndimuwa usakhuliwile khala charamani unofwanela velela malangi-o mwaudhivela thitho simba abali naarongola enao taongile myasa ya anamafunjedha. Charamani unofwanela thitho onechecha ira migumano imadhi vahora i-eliwile. (Muone ndima 17 na 19.) Akhala charamani unofuna thitho pulatifomuo wakala limburo lokwakwanela, unooda imela vamikoroni inango ira aongenga, mulimbo onga mwasa o-arela angaimenle vamikoroni inango. Liye unooda sakhula kaathelatu pulatifomuo vapandoni vangali mezalee ira aitanenga alimbo onga myasa ya anamafunjedha thitho ava-a malangi-o angali pulatifomuo. Vyevi vinokami-a ira hora ya-amalelenga vapezi.

NAMALANGI-A OKHAMI-A

25. Akhala pyoodeya musakule ndimuwa wavapingoni unoonga phama mwasa ira akhale namalangi-a okhami-a. Namalangi-ula avelelenga malangi-o wa andimuwa avapingoni na arumiwi okhami-a enao aongile myasa dho-iyana-iyana vamigumano yothene yapingoni venango Gumano wa Urumiwi na Ingumi yi-u yau Kristau, mwasa wavatando, Funjedha wa Nsanja ya Namaing’anela venango Funjedha Bibilya wavapingoni. (Muone ndima 19.) Akhala pingonimo mutokhala andimuwa avapingoni anjinji enao anoonga phama myasa, munooda chinjanga namakhami-a yawa ili yothene. Pyo-ofuneela ira namalangi-a okhami-a avelelenga malangi-o khomoni wa mwasa uli othene.

MAGRUPU ENANGO

26. Mipingo inooda khaana magrupu mangasi movwelana na injiva wa anamafunjedha. Grupu nlilothene likhaengana namaing’anela ofwanelela thitho akhala pyoodeya akhale ndimuwa wavapingoni. Arumiwi okhami-a ofwanelela anooda i-ndi-edheliwa basa wu grupu B akhala pyoodeya. Gulu laandimuwa avapingoni linofwanela sakhula bali venango abali enao anakhale vaizo yen’na thitho akhala pyofuneya ira abalao tachinjanenga. Namalangi-uwo unofwanela a-rela malangi-o enao ali mundima 18. Atu anofwanela vepiwa ira tadhowe grupu B ikhundu yoi Sakasaka makhundo okhami-a yamala vaikhundu ya Fuma Dhofwanyeya m’madhu a Nlungu. Aliwa anofwanela welela makhala vambo-i na pingo othene ikhundu ya Funji-a mwadodoliso muurumiwi yamala.

MAVIDIYO

27. Vagumanula ninongoonela mavidiyo asakhuliwile. Mavidiyo anofuna i-yo dhaonelanga vagumanula anafwanyeenga va porogarama ya JW Library thitho anongoodeya adhula va vyongo vyo-iyana-iyana.

S-38-LLO 11/23