Vyofuka vyokhumela waalimbo leri

N’nga “ndi mathuulelo aavi” enao Yohova vachineneeva anofuna liye dha-ela rimani mwamaguverno?

Onga vyoroma wa nyarwa ilukhulu, va Apokalipse 17:16, 17 vanoonga ira: “Nyanga 10 dhioni we dhile, na ilombo yoophi-a, vinodha idana na putalo. Vinodha tukula vyongovyee vyothene noli-iya mandhave thitho vinodhadya minokwee nolika-a namulo. Namwasa oi Nlungu atoo-ela vyofunavyee rimani mwiwa ira viire movwelana na mathuulelwee thitho ira vikwakwaneli-edhe mathuulelwiwa mambo-iveale, vovelela umweniwa wa ilombo yoophi-aile fiyedha madhu a Nlungu angakwakwaneli-edhiwe.” Mabukhwi-u anoonga ira “mathuulelo enala” enao Yohova anofuna liye dha-ela rimani mwamaguverno kunongiwa wa marelijiao onama.

Mbwenye vanoofuneeleya chinja modi-u ovwechecha. “Mathuulelo” enao Yohova anofuna liye dha-ela rimani mwamaguverno, kuvelela “umwene wailombo.” Ira nivwecheche mwemo ulosula munofuna aliwa dhakwakwaneli-edhiwa, dhoweni niwakhuleni vyofuka vinango.

N’nga atu anoongiwa muulosula mbaani? “Puta” wenuo unoimelela “Babulo Nlukhulu,” unoimelela utongi wavailambo yothene wamareligiau onama. “Ilombo yoofila” inoimelela Nações Unidas. Latookaathei-iwa mu 1919 naifunelo yokaathei-a rendele vailambo yothene thitho inoitaniwa Liga das Nações. (Apk. 17:3-5) “Nyanga 10” dhinoimelela maguverno othene anokami-a ilombo.

N’nga kuvwelana uvi ulivo vari va puta nailombo yofiila? Puta “likhaathidhe” vathanani va ilombo. Vyevi vinothapulela ira liye unokami-a thitho dhilimbi-edha sogolela ilombwiyo.

N’nga chini inofuna dhaireela puta? Ilombo na nyanga 10 “vinodha idanana putalo” moi anodha m’mwaka fumee thitho m’moni-a waatu othene ira liye ngothakala. Aliwa thitho tanodhakwakwaneli-edha utongi wa Yohova vom’nongelatu. (Apk. 17:1; 18:8) Enala anodhakala magomelo amareligiau othene onama. Mbwenye vyevi vya-anaireye, Yohova unodha iri-a ira maguverno tairevo yongo yoi kinaireyevo mulimbili lothene laatu.

N’nga Yohova unodha iri-a ira maguverno tairen’ni? Liye unodha iri-a ira maguverno takwakwaneli-edhe “mathuulelwee,” thapulela ira maguvernuao ‘anodha velela utongi na kopolodhiwa wa ilombo yofiila,’ Nações Unidas. (Apk. 17:13) Muthuulele thapulela wa vyongo vyevi. N’nga maguverno tanodha sakula okhene velela kopolodhiwa na utongiwa wailombo? Khabe! Ulosula unooni-a ira Nlungu ngunofuna dhairana vyevyo. (San. 21:1, mufwanafwani-edhele na Esaya 44:28.) N’nga vyongo vyevi vinodha ireya mwavang’ononavang’ono? Khabe! Vinodha ireya mo-odedi-edhela. Vasogolovee, ilomboyo inodha i-ndi-edha basa kopolo dhawachenle aliwa vokwakwaneli-edha utongi wa Yohova vonongelatu mareligiau othene onama.

N’nga chini inofuna i-yo dedi-edhela? Kaninodedi-edhela uvwa venango ona myasa dhothonyi-edha ira maguverno mwavang’ononavang’ono tanokami-a Nações Unidas. Vinofuna i-yo dedi-edhela pyoi: modabwi-a thitho mo-odedi-edhela, Yohova unodha iri-a ira maguverno tavelele kopolodhiwa wailombo. Vyevi vyaireya, ninoidhiwa ira nyarwa ilukhulu i-adhi vang’ono funa roma. Va-eeni, “nikaleve methove thitho nikaleve othulela pama,” namwasa oi mo-odembuwa ninodha ona chinja wewu mo-odedi-edhela!—1 At. 5:6.