Vyofuka Vyokumela Waalimbo Leri
N’nga Yesu athapulelan’ni vaonga liye ira: “Kamuthuulele ira ndidhidhena rendele”?
Yesu alaleela milanyu ya rendele. Mbwenye vahora inango atowandela arumiwee ira: “Kamuthuulele ira ndidhidhena rendele vailambo yavathi, kandidhidhena rendele mbwenye sarasada. Voi ndadhele dhagaani-a atu. Ndadhele dhairi-a mutu runi-ana na babee, mwana wa i-yana runi-ana na m’mee, thitho namwali otheliwa runi-ana na livyaliye wa i-yana.” (Mat. 10:34, 35) N’nga Yesu athapulelan’ni?
Kaira Yesu afuna i-yani-a atu vaubalini. Mbwenye anoidhiwa ira vyafunji-a liye vinooda iri-a ira mabanja enango tagaaneye. Ee-no anofuna batiziwa no kala anamafunjedha a Kristu, thitho anofwanela idhiwa vyo-arelavo va yosakulaviwavyo. Hora dhinango aruni-iwanga na lombwana venango i-yanee thitho abaliwa oi kai a Mboni, vinokala vyorucha a-rela vyafunji-idhe Yesu.
Bibilya linolimbi-a Makristau ira “takalenga mwarendele naatu othene.” (Aroma 12:18) Mbwenye vwafunji-a Yesu, vinooda kala ninga “sarasada” mabanjani enango. Vyevi vinoireya akala m’mbo-i banjanimo utorumela a-rela vyafunji-idhe Yesu mbwenye enango takonda. Vyaira ee-no abaliwao anokala “amwidani” a mutu unofunjedha imbarimbaruo.—Mat. 10:36.
Anamafunjedha a Kristu enao tali banjani loi atwee mbo-iyana mareligiau, hora dhinango anogumanana vyongo vyoairi-a ira tathonyi-edhe akala anomdhiveliwana maningi Yohova na Yesu. Mofwanafwani-a, abaliwa a-ali a Mboni anooda akanyi-edha ira taire maferiya enango amareligiau. N’nga tagumanana vyowesedha vyevi anasakule mdhiveliwi-a aani? Yesu aongile ira: “Unodhiveliwana maningi babee venango m’mee kwaranyi-a miyo kali ofwanelela wa miyo.” (Mat. 10:37) Mbwenye Yesu kaathapulela ira unosakula kala namafunjedhee a-amdhiveliwengana babee. Molomwee, agogomedha likundo loi aonenga vyongo vyevyo vili vyofuneya maningi. Moi ee-no akala abali oi kai a Mboni anoruni-a maningi lambela wi-u, ninodhowanave adhiveliwana mbwenye ninozindiyela ira yofuneya maningi ndi dhiveliwana Nlungu.
Pyooneelatu ira runi-iwa naabali unooda kala opa maningi. Mbwenye anamafunjedha a Yesu anothuulela madhu oonga ira: “Uliwethene o-otukula imiriyee yoonelavo nyarwa nondi-arela, kali ofwanelela wa miyo.” (Mat. 10:38) Ninooda onga ira Makristau anoona ira runi-iwa na abaliwao ndivinango mwavyowesedha vinofwanela aliwa kala okozeya vivilela. Mbwenye vahora imbo-ive yeniyo aliwa anodedi-edhela ira kalelo liwa lapama linooda iri-a abaliwao chinja no roma funa uvwa milanyu ya Bibilyani.—1 Pe. 3:1, 2.