Ubadizo—Unoukami-ani kaana sogolo lapama!

Yesu atoofunji-a ira Makristau tanofwanela badiziwa. (Muleri Mateu 28:19, 20.) N’nga ubadizo chini? N’nga mutu unofwanela iran’ni ira abadiziwe?

1. N’nga ubadizo chini?

Madhu oi “badiza” tanokumela wu madhu a Igriki anothapulela bwina ma-injeni. Vyabadiziwa Yesu, tutulee lothene latoobwina mu-injeni wa Yordano thitho adamale “atothavuamo ma-injenimo.” (Marku 1:9, 10) Mofwanafwana na Yesu, malamboano Makristau tabadiziwanga tutuliwa lothene linobwini-iwa venango bwina ma-injeni.

2. N’nga ubadizo chiizindiyelo yan’ni?

Mutu abadiziwa, unothonyi-edha ira atodhivelela wa Yohova Nlungu. N’nga mutu unodhivelela a-vi? A-anabadiziwe, unolobela wa Yohova vaekene nom’mwandela ira unofuna m’labela va ingumiyee yothene. Unom’lanyedha Yohova ira unolambela liye baa-i, thitho ira yongo yofuneya maningi vaingumiyee kuirana vinofuna Yohova. Liye unosakula “dhikonda ekene no. . .a-rela” vyafunji-idhe Yesu nodhowanave m’a-rela. (Mateu 16:24) Dhivelela no badiziwa unomkami-a mutu ira akale vauxamwali olimba na Yohova thitho Makristau afwee.

3. N’nga mutu unofwanela iran’ni ira abadiziwe?

Mwa-anabadiziwe, munofwanela funjedha vyoonga Yohova thitho roma m’roromela maningi (Muleri Aebere 11:6.) Mwadhowanave funjedha vyongo vinjinji vyoonga Yohova thitho m’roromela, paevo vanoromanyo m’dhiveliwana maningi. Mwamala munodha funa laleela vyoonga Yohova thitho irana vinofuna liye vaingumiinyu. (2 Timoteo 4:2; 1 Juwau 5:3) Mutu aroma “wenda movwelana na vinofuna Yohova, ira am’dhiveliwi-e va iliyothene,” unosakula velela ingumiyee wa Nlungu nobadiziwa.—Akolose 1:9, 10.a

FUNJEDHANI VINJINJI

4. Vinofunjedha i-yo vaubadizo wa Yesu

Muleri Mateu 3:13-17, ira muidhiwe vyaireile vaubadizo wa Yesu. Mwamala mutapanye vyofuka vyo-arelavi:

• N’nga Yesu abadiziwile angali mwanene?

• N’nga vyabadiziwa liye ate kapiliwa ma-inje?

Yesu angamadhi badiziwa atoroma laba basa lopambuleya lam’rumile Nlungu dhalaba vailambo yavathivano. Muleri Luka 3:21-23 na Juwau 6:38, mwamala mutapanye yofuka yo-arelai:

• Yesu angamadhi badiziwa, n’nga tibasa liivi laona liye kala lofuneya maningi vaingumiyee?

5. Pyoodeya kwakwaneli-edha ifunelo inyu yoi mubadiziwe

Voroma munooda ova mwathuulela vyodhivelela wa Nlungu nobadiziwa. Mbwenye, mwadhoanave funjedha vinjinji vyoonga Yohova, fiyedhela m’mwidhiwa pama, ova winyu unodha mala thitho munodha kwakwaneli-edha ifunelo inyuyo. Ira muone atu enango taodile kwakwaneli-edha vyevi, muonele VIDIYO.

VIDIYO: Mungatani Kuti Yehova Akhale Mnzanu? (1:11)

Muleri Juwau 17:3 na Yakobo 1:5, mwamala mutapanye yofuka yo-arelai:

• N’nga mutu anaire a-vi ira akozeele badiziwa?

1. Munofwanela dhivelela wa Yohova dhela mulobelo nom’mwandela mwasiwa unofwanelanyo mlabela modhowa nodhowa

2. Ubadizwi-u unothonyi-edha ira nitodhivelela wa Nlungu

6. Nabadiziwa ninokala banjani mwa Yohova

Nabadiziwa, ninokala mubanja lovwelana lavailambo yothene yavathi. Angalive ira nino-iyana ukumele i-yo na makalelo, ninororomela vyongo vimbo-ive thitho ninowendela makundo ovwelana vaingumii-u. Muleri Salimo 25:14 na 1 Pedru 2:17, mwamala mutapanye yofuka yo-arelai:

• Movwelana na maverswala, n’nga ubadizo unokami-a a-vi mutu?

MAKUNDO OGWANDELA

Yesu atofunji-a ira Makristau othene tanofwanela badiziwa. Mutu unofuna badiziwa unofwanela roromela maningi Yohova, wenda movwelana na makundo a Yohova va ingumiyee, thitho dhivelela wa Yohova.

Vyofuka vyowelela

• N’nga ubadizo chini, n’nga mwasiwa ngwan’ni atu tanofwanela badiziwa?

• N’nga dhivelela nobadiziwa pyovwelana a-vi?

• N’nga ndi vyongo viivi vinofwanelela mutu ira a-anadhivelele nobadiziwa?

IDHIWANI VINJINJI

Muleri mwasula ira muidhiwe vinothapulela ubadizo.

“Kodi Ubatizo N’chiyani?” (Mwasa wavasaiti)

Muone vinofwanela mutu ira, ira afiye vobadiziwa.

“Munthu Amabatizidwa Chifukwa Chokonda Yehova Komanso Kumuyamikira” (Nsanja ya Olonda, Março wa 2020)

Muleri mwasula ira muone mutu unango mwasakunle liye badiziwa namwasa ovwechecha pama makundo a Bibilyani.

“Ankafuna Kuti Ndione Ndekha Kuti Zoona Ndi Ziti” (Nsanja ya Olonda, 1 wa Fevereiro wa 2013)

Muone mwasiwa ngwan’ni ubadizo ngokami-a thitho vinairenyo ira mufiye vobadiziwa.

“Kodi Ndiyenera Kubatizidwa?” (Mayankho a Zimene Achinyamata Amafunsa, Buku Lachiwiri, muru 37)