2. N’nga Yohova unoaraeli-a a-vi anamalabee tabadiziwile?

Mwabadiziwa munodha volowa banja lapama maningi la Yohova. Thitho munodha ona ira Yohova unoudhiveliwanani mundhila dho-iyana i-yana thitho munodha kala vauxamwali olimba maningi kwaranya va-eeni. (Muleri Malaki 3:16-18.) Munodha roma m’mona Yohova ninga Babinyu thitho munodha kaana abali naarongola vailambo yothene yavathi ale tanom’dhiveliwana Yohova thitho tanoudhiveliwanani maningi. (Muleri Marku 10:29, 30.) Mbwenye vatokala vyongo vinango vyevyo vinofwanelanyo irana mwa-anabadiziwe. Munofwanela funjedha vyoonga Yohova, m’dhiveliwana thitho m’roromela Mwanee. Mwaira e-no mudhivelele wa Yohova, thapulela ira mum’mwandele dhela mulobelo ira munodha m’labela va ingumiinyu yothene. Mwaira vyongo vyevi nobadiziwa munodha kaana ngari yodhakaana ingumi yodhowa nodhowa. Ngumwasiwa Madhu a Nlungu anoonga ira: “Ubadizo . . . unovulumucha mutu.”—1 Pe. 3:21.

Yesu anoidhiwa pama ira atu enango abanjali-u katinadhiveliwena visakule i-yo, vyoi nilabelenga Yohova. Muleri Mateu 10:34-36, mwamala mutapanye yofuka yo-arelai:

• Movwelana na lembali, n’nga abali-u anairen’ni nasakula labelanga Yohova?

VIDIYO: Yehova Anatitenga (5:13)

• N’nga munaire a-vi akala balinyu venango finyu unofuna ira mu-iye labela Yohova?

Muleri Salimo 27:10 na Marku 10:29, 30. Mwamala leri lemba lilothene, mutapanye yofuka yo-arelai:

• N’nga yolanyedhai inaukami-eni a-vi abalinyu venango afinyu tauruni-angani?