1. N’nga Yesu mbaani?

Yesu ngu ngelo wakopolo thitho unokala dhulu. Yohova Nlungu a-anapanduche yongo iliyothene aromile panducha Yesu. Ngumwasiwa liye unoidhiweya ira “ngoroma baliwa mwa vyopanduchiwa vyothene.” (Akolose 1:15) Bibilya linoonga ira Yesu ngu “Mwana obaliwa ekave” wa Nlungu namwasa oi ngu liye ekene apanduchiwile mwavakundu. (Juwau 3:16) Yesu anoolaba basa vambo-i na Babee Yohova, vom’kami-a panducha vyongo vinango vyothene. (Muleri Sanganiko 8:30.) Yesu unaadhowanave laba basa vambo-i na Yohova mosangalala. Liye unolabave mororomeleya ninga namaongela wa Nlungu. Thitho unoitaniwa “Madhu,” thapulela ira unovelela milanyu na malangi-o okumela wa Nlungu.—Juwau 1:14.

I-yo atu ninodawa, ninogumanana nyarwa thitho ninokwa namwasa oi Adamu na Eva katavwenle Nlungu. Mbwenye Yohova atoosaka-edha ndhila yonivulumucha wu vyodawa na wukwa. Liye atoira vyevi voruma mwanee Yesu Kristu. Bibilya linonifunji-a ira wukwa wa Yesu wali ninga kuto oombolana. Kuto pyopagali vinoveleliwa ira mutu atathuliwe. Ee-no, pereso yavelenle Yesu yali ingumiyee yochena. (Muleri Mateu 20:28.) Voi Yesu ali olongomana atokaana ufulu okaana ingumi yo-omala vailamboi.a Mbwenye liye atorumela velela ingumiyee yeyo yakami-idhe ira i-yo atu nidhakaena vyongo vyothene vyatatinle Adamu na Eva. Yesu atothonyi-edha mwemo Yohova na liye munonidhiveliwana aliwa. Yofunjedha yei inoukami-ani ira musimbenga maningi vyairile Yesu vonikwela.

1. N’nga wukwa wa Yesu unanikami-e a-vi malamboano?

Voi nili atu odawa, ninoira vyongo vinjinji vile vinom’sukwali-a Yohova. Mbwenye akala ninodhikumbanyedha na vyodawa vyairile i-yo, nomvepa Yohova dhela mwa Yesu Kristu ira anilevelele thitho nadhilimbi-edhanga ira na-awelele irana vyodawavyo, ninooda kala vauxamwali wapama na Yohova. (1 Juwau 2:1) Bibilya linoonga ira: “Kristu ukwide fendo imbo-i baa-i. Namwasa wa vyodawa, mutu olongomana atokwela atu o-olongomana, ira aufii-eni wa Nlungu.”—1 Pedru 3:18.

2. N’nga wukwa wa Yesu unodha nikami-a a-vi sogolou?

Yohova atooruma Yesu ira adhavelele ingumiyee yolongomana ira “uliwethene unam’roromele [Yesu] a-anongiwe, mbwenye akaena ingumi yo-omala.” (Juwau 3:16) Namwasa wa vyairile Yesuvi, mo-odembuwa Yohova unodha mali-a vyothakala vyothene vyaromeile namwasa wa a-vwela wa Adamu. Vyevi vinothapulela ira naroromelanga kuto wa Yesu ninodha sangalala na ingumi yo-omala paradaizoni vailambo yavathi!—Esaya 65:21-23.

FUNJEDHANI VINJINJI

3. Wukwa wa Yesu utonithathula wu vyodawa na wukwa

VIDIYO: N’chifukwa Chiyani Yesu Anafa?—Ikundo 1 (2:01)

• N’nga Adamu atatinle ngari yoi a-vi namwasa o-ovwelawee Nlungu?

Muleri Aroma 5:12, mwamala mutapanye yofuka yo-arelai:

• N’nga nyo munogumanana n’ni namwasa wa vyodawa vya Adamu?

Muleri Juwau 3:16, mwamala mutapanye yofuka yo-arelai:

• Mwasiwa ngwan’ni Yohova atom’ruma mwanee vailambo yavathi?

1. Adamu ali mutu olongomana, oi kavwenle Nlungu. Namwasa oi atodawa, atu othene tanodawa thitho tanokwa

2. Yesu ali mutu olongomana, oi atovwela Nlungu. Namwasa wa vyairile liye, atu othene tanodha kala olongomana thitho katinodhakwa

4. Wukwa wa Yesu unokami-a atu othene

VIDIYO: N’chifukwa Chiyani Yesu Anafa?—Ikundo 2 (2:00)

• N’nga wukwa wa mutu m’mbo-i unakami-e a-vi atu othene?

Muleri 1 Timoteo 2:5, 6, mwamala mutapanye yofuka yo-arelai:

• Adamu ali mutu olongomana mbwenye namwasa oi atoodawa, atu othene tanodawa thitho wukwa. Naliyene thitho Yesu ali mutu olongomana. N’nga vyaodeile a-vi ira avelele “kuto okwakwanela”?

5. Kuto chotuva iuva-idheni Yohova

Mutu uliwethene uli vauxamwali na Yohova unoona ira kuto chotuva im’saka-edhele Nlungu. Mwaifwanafwani-o, muleri Agalata 2:20, mwamala mutapanye yofuka yo-arelai:

• N’nga rumiwi Paulo athonyi-edhe a-vi ira kuto yali yotuva yam’saka-edhele Nlungu?

Adamu angadawile, liye na a-imee othene tanofwanela wukwa. Mbwenye Yohova atoruma Mwanee ira adhanikwele naifunelo yoi nyo mudhakaena ingumi yodhowa nodhowa.

Mwaleringa maversu o-arelala, thuulelani moda mwavwela Yohova mwaona liye mwanee agumanangana nyarwa. Muleri Juwau 19:1-7, 16-18, mwamala mutapanye yofuka yo-arelai:

• N’nga munovwa a-vi mwathuulela vyauireleni Yohova na Yesu?

MAKUNDO OGWANDELA

Namwasa oi Yesu utonikwela, Yohova unonilevelela vyodawa vi-u thitho nitokaana ngari yodhakaana ingumi yodhowa nodhowa.

Vyofuka vyowelela

• Mwasiwa ngwan’ni Yesu atokwa?

• N’nga ingumi ya Yesu yolongomana ikanle a-vi kuto okwakwanela?

• N’nga wukwa wa Yesu unoukami-ani a-vi?

IDHIWANI VINJINJI

Muone mwasee ninoonga ira ingumi yolongomana ya Yesu ndi kuto yoniombola.

“Kodi Nsembe ya Yesu Imawombola Bwanji ‘Anthu Ambiri?” (Mwasa wavasaiti)

Mwiidhiwe vinairenyo ira muvulumuchiwe wu vyodawa na wukwa.

“Kodi Yesu Amatipulumutsa?—Bwanji?” (Mwasa wavasaiti)

N’nga Yohova unolevelela mutu airile vyodawa vilukulu?

“Kuyankha mafunso a M’Baibulo” (Nsanja ya Olonda, 1 wa Maio wa 2013)

Muone mwemo funjedha vyoonga kuto wa Yesu mwakami-edhele aliwa mutu mwinango chinja makalelwe.

“Si Inenso Kapolo Wachiwawa” (Mwasa wavasaiti)

1. N’nga ninathonyi-edhe a-vi ira ninosimba viniirele Nlungu na Kristu?

Bibilya linolanyedha ira “uliwethene unam’roromele [Yesu]” unooda kaana ingumi yo-omala. (Juwau 3:16) N’nga ninaire a-vi vyevi? Ninothonyi-edha ira ninororomela Yesu mwavyosakula na vinoira i-yo. (Yakobo 2:17) Irana vyevi, unonikami-a kala vauxamwali olimba na Yesu thitho Babee Yohova.—Muleri Juwau 14:21.