Musakulenga mwazelu atu owaredhana

Afwi-u avarimani anonikami-a ira nisangalalenga thitho tanonilimbi-a nagumanana nyarwa. Mbwenye Bibilya linoniwenjeli-a ira niirenga polepole nasakulanga atu owaredhana. N’nga munasakule a-vi atu apama oi muawaredhengana? Munoira pama thuulela vyofuka vili chindovi.

1. N’nga vyoira vyaatu anosakulanyo awaredhana vinaukuzeni a-vi?

I-yo atu ninotukulela vyoira vyaatu anowaredhana i-yo. Vyevi vinothapulela ira ninooda tukulela makalelo apama venango othakala aatu anowaredhana i-yo vambo-ive venango va iternetini. Moi Bibilya linoonga ira: “Mutu owenda naatu azelu unodha kala wazelu, mbwenye oira vyongo naatu ovutha [atu enao ta-anodhiveliwana Yohova] unodha gumanana nyarwa.” (Sanganiko 13:20) Mwawaredhanga naatu anodhiveliwana thitho lambela Yohova, anoukami-ani ira nyo thitho mukale vauxamwali na Yohova, thitho ira musakulenga vyoira mwazelu. Mbwenye waredha maningi naatu a-anodhiveliwana Yohova, unoiri-a ira mu-iye mdhiveliwana. Ngumwasiwa Bibilya linonilimbi-a ira nisakulenga mwazelu atu owaredhana. Nawaredhanga naatu oi tanodhiveliwana Nlungu, ninotukulela vyoira viwa vyapama, naaliwene thitho tanotukulela vyoira vi-u vyapama. Ee-no “ninodhowanave didili-ana nolimbi-ana.”—1 Atezalonika 5:11.

2. N’nga Yohova unavwe a-vi akala nitosakula waredha naatu othakala?

Yohova unosakula mwapolepole atu anofuna liye ira takale axamwalee. Bibilya linoonga ira liye “unodhiveliwana atu odhongowa rima.” (Sanganiko 3:32) N’nga Yohova unavwe a-vi akala nitosakula waredha naatu oi katinomdhiveliwana? Liye unosukwala maningi. (Muleri Yakobo 4:4.) Mbwenye Yohova unosangalala maningi thitho unonisakula ira nikale afwee, narambelanga waredha naatu amakalelo othakala. Nosakula axamwali ale anomdhiveliwana.—Salimo 15:1-4.

FUNJEDHANI VINJINJI

3. Murambelenga waredha naatu amakalelo othakala

Atu amakalelo othakala katinodhiveliwana Nlungu thitho katino-arela makundwee va ingumiiwa. Muonele VIDIYO, mwamala mutapanye yofuka yo-arelai.

VIDIYO: Muzipewa Kugwirizana Ndi Anthu Amakhalidwe Oipa (6:17)

• N’nga ninarome a-vi waredha naatu a makalelo othakala mo-ozindiyela?

Muleri 1 Akoritiyo 15:33, mwamala mutapanye vyofuka vyo-arelavi:

• N’nga ngu mutu wa makalelo a-vi oi kanakale fwinyu wapama? Mwasiwa ngwan’ni munoonga e-no?

Muleri Salimo 119:63, mwamala mutapanye yofuka yo-arelai:

• N’nga munofwanela sakula atu oi a-vi ira takale afwinyu?

4. Atu a-iyanena i-yo vyongo vinango anooda kala afwi-u apama

Bibilya linoonga vya Davide na Yonatani, enao tali axamwali avarimani. Aliwa tanoovwelana maningi angalive ira Yonatani ali ndimuwa kwaranya Davide, thitho ali mwana mwene. Muleri 1 Samueli 18:1, mwamala mutapanye yofuka yo-arelai:

• N’nga mwasiwa ngwan’ni afwi-u katinofwanela kalave anofwanafwana na-iyo tunga venango vyongo vinango?

Muleri Aroma 1:11, 12, mwamala mutapanye yofuka yo-arelai:

• N’nga atu tanodhiveliwana Yohova tanolimbi-ana a-vi?

Muvidiyonimu muone mwemo zombwe unango mwafwaidhe liye afwee tatamu lathamenle aliwa. Muonele VIDIYO, mwamala mutapanye vyofuka vyo-arelavi.

VIDIYO: Mukhoza Kupeza Mabwenzi Kulikonse (5:06)

• Mwasiwa ngwan’ni anamabala a Akil tanookumbanya namwasa waatu awaredhana liye xikolani?

• N’nga chini yam’mwiri-idhe ira Akil arome vwelana naatu enala?

• N’nga chini yamkami-idhe ira afwanye afwee?

5. N’nga chini inaukami-eni ira mufwanye afwinyu apama?

VIDIYO: Kondi Mnzako Weniweni ungamudziwe Bwanji? (4:14)

Muleri Sanganiko 18:24 na 27:17, mwamala mutapanye vyofuka vyo-arelavi:

• N’nga axamwali aimbarimbari anokami-ana mundhila dhivi?

• N’nga nyo mutokaana afwinyu apama ninga enala? Akala kamuna afwinyu ninga enala n’nga munaire a-vi ira muakaena?

Muleri Afilipi 2:4, mwamala muwakule yofuka yo-arelai:

• Ira mukaena afwinyu apama, nyo thitho munofwanela kala mutu wapama oi atu enango tanodhiveliwa uwaredhanani. N’nga munaire a-vi vyevi?

MAKUNDO OGWANDELA

Nasakulanga pama afwi-u owaredhana ninomsangalali-a Yohova, na i-yene thitho ninokala osangalala.

Vyofuka vyowelela

• N’nga Yohova unavwe a-vi akala mutosakula waredha naatu othakala?

• N’nga ninofwanela rambela waredhana atu oi a-vi?

• N’nga munaire a-vi ira mufwanye afwinyu apama owaredhana?

IDHIWANI VINJINJI

Muone mwemo afwi-u apama munanikami-edhele aliwa nagumanana nyarwa.

“Pezani Anzanu Apamtima Mapeto Asanafike” (Nsanja ya Olonda, Novembro wa 2019)

Muone vinairenyo ira mukaena afwinyu apama.

“Kodi Ndingapeze Bwanji Anzanga Abwino?” (Mayankho a Zimene Achinyamata amafunsa—Buku Loyamba, mutu 8)

N’nga munofwanela idhiwa vyoi a-vi va mwasa owaredhana atu va internetini?

Mizichita Zinthu Mosamala Mukamacheza ndi Anzanu pa Intaneti (4:12)

Mu mwasa oi “ndanoofunafuna ndingana baba” muone mwasee baba unango atothuulela vyochinja waredhana atu enango.

“Baibulo Limasintha” (Nsanja ya Olonda, 1 wa Abril wa 2012)