N’nga munaire a-vi ira banja linyu likale losangalala?—Ikundu 2

A-ima chotuva yokumela wa Yohova thitho liye unofuna ira anamabala tasamalelenga mwapama yotuva yei. Yohova unovelela malangi-o azelu anakami-e anamabala ira taode irana vyevi. Malangi-oe anokami-a thitho a-ima idhiwa vinaire aliwa ira banja likalenga losangalala.

1. N’nga Yohova unovelela malangi-o oi a-vi wa anamabala?

Yohova unofuna ira anamabala tadhiveliwengana maningi a-imiwa thitho tadhilimbi-edhenga kaana hora yowaredha naaliwa. Liye unofuna thitho ira anamabala tavunelenga a-imiwa va vyongo vyothakala thitho ta-indi-edhenga basa makundo a Bibilyani voafunji-a. (Sanganiko 1:8) Liye unolangi-a anamabala ira: “Mwaalele [a-iminyu] noafunji-a mathuulelo [a Yohova].” (Muleri Aefeso 6:4.) Yohova unosangalala maningi anamabala ta-indi-edhanga basa malangi-oe volela a-imiwa thitho akala katina-iyedha atu enango izo yolela a-imiwa.

2. N’nga Yohova unovelela malangi-o oi a-vi waa-ima?

Yohova unolangi-a a-ima ira: “Muvwelenga anamabalinyu.” (Muleri Akolose 3:20.) A-ima talemezanga thitho vwela anamabaliwa, anomsangalali-a Yohova thitho anamabaliwa. (Sanganiko 23:22-25) Yesu angali mwana atovelela ifwanafwani-o yapama maningi vamwasa wen’na. Angalive ira ali olongomana liye anovwela nolemeza anamabalee.—Luka 2:51, 52.

3. N’nga munaire a-vi ira atu othene abanjani mwinyu takale vauxamwali wapama na Nlungu?

Akala muli anamabala, pyo-okaikeli-a ira munofuna ira a-iminyu tamdhiveliwengana Yohova ninga munoirelanyo. N’nga munaire a-vi ira vyevyo viodeye? Muirenga vinoonga Bibilya. Voi linoonga ira: ‘Waakaathi-e [Madhu a Yohova] rimani mwaa-imaa. Waawandelenga madhu enala wakala vandhevaa na vowenda ndhila.’ (Dotornomio 6:7) Madhu oi “akaathi-a” anothapulela funji-a mutu likundo n’nangolee mowelelawelela. Venango mwafuna kami-a a-iminyu ira ta-adiwale likumdo n’nangolee, mwanoawandela likundolo mowelelawelela. Moi e-no likundo lavalembali ndi loi, hora dhothene munofwanela kaana hora yofunji-a a-iminyu vyokuza Yohova. Vinokala pama maningi kaangana hora sumana lililothene nyo funjedhanga vyokuza Yohova ninga banja. Akala kamuna a-ima, funjedha Madhu a Nlungu sumana lililothene unoukami-ani ira mukale vauxamwali wapama na Yohova.

FUNJEDHANI VINJINJI

4. Mufunji-enga a-iminyu mwaudhivela

Funji-a mwana kai basa lowaredhana. N’nga Bibilya linaukami-eni a-vi? Muleri Yakobo 1:19, 20, mwamala mutapanye vyofuka vyo-arelavi:

• N’nga anamabala anathonyi-edhe a-vi udhivela taonganga naa-imiwa?

• Mwasiwa ngwan’ni anamabala tathakaleliwa katinofwanela langa a-imiwa vahora yeniyo?a

5. Muvunelenga a-iminyu

Ira muvunele a-iminyu, munofwanela m’mwandela mwaninyu uliothene myasa yokuza vyamararuo. Venango munooda kaana manyadho tapanya naa-iminyu va myasa yen’na. Muonele VIDIYO, mwamala mutapanye vyofuka vyo-arelavi.

VIDIYO: Mumange nyumbinyu yolimba muvunelenga a-iminyu va vyongo vyothakala (2:58)

• Mwasiwa ngwan’ni anamabala enango anorucheya tapanya naa-imiwa va myasa yokuza mararuo?

• N’nga anamabala enango ta-indi-edhe basa ndhila ivi vowandela a-imiwa va myasa yamararuo?

Bibilya latoongelatu ira ilambo ya Satanai vyongo vinongo dhowanave thakala. Muleri 2 Timoteo 3:1, 13, mwamala mutapanye yofuka yo-arelai:

• Atu enango othakala taongiwile va versu 13 anoirela vyauwalanga a-ima va myasa yokuza mararuo. N’nga mwasiwa ngwan’ni anamabala anofwanela funji-a a-imiwa va myasa yokuza mararuo thitho mwemo munadhivunelele aliwa waatu anoira vyauwalanga ninga vyevi?

N’nga mutoidhiwa?

Amboni dha Yohova anogawela mabukhu na vyongo vinango vyokami-a anamabala ira tafunji-engana a-imiwa va myasa yokuza vyamararuo thitho ira taavunele waatu ale anofuna airela vyauwalanga. Mwaifwanafwani-o, muone:

• Tetezani Ana Anu (vidiyo)

• Phunzirani kwa Mphunzitsi Waluso, mutu 10 na 32

• ○ “Kuphunzitsa Mwana Wanu Nkhani Zokhudza Kugonana” (Galamukani! wa No. 5 2016)

6. Mulemezenga anamabalinyu

VIDIYO: Kodi Ndingatani Kuti Ndizilankhulana Bwino Ndi Makolo Anga? (2:19)

• Mwasiwa ngwan’ni mwana venango zombwe unofwanela onga mwalemezo na anamabalee?

• N’nga zombwe unathonyi-edhe a-vi ira unolemeza anamabalee aonganga naaliwa?

Muleri Sanganiko 1:8, mwamala mutapanye yofuka yo-arelai:

• N’nga zombwe unofwanela iran’ni anamabalee tamva-a malangi-o?

7. Mukaengana hora yofunjedha Bibilya ninga banja

Mabanja a Mboni dha Yohova anodhilimbi-edha kaana hora sumana iliyothene ira tafunjedhe Bibilya vambo-i. N’nga ndi vyongo viivi vinairenyo volambela winyu wa vabanjani? Muonele VIDIYO, mwamala mutapanye vyofuka vyo-arelavi.

VIDEO: Kulambira kwa Pabanja—Mavuto Amene Amakhalapo Komanso Madalitso Ake (8:04)

• N’nga banja linaire a-vi ira liirenga lambela wavabanjani sumana lililothene?

• N’nga namabala unaire a-vi ira lembela wavabanjani ukelenga osangalali-a thitho okami-a?—Muone Iruthitruthi yavakapani yeniyo ili maromelo wa yofujedhai.

• N’nga chini inairi-e ira banja linyu liimwanena funjedha vambo-i Madhu a Nlungu?

Walelene wu Isaraeli, Yohova anodedi-edhela ira banja lililothene likaengana hora yotapanya malemba hora dhothene. Muleri Dotornomio 6:6, 7, mwamala mutapanye yofuka yo-arelai:

• N’nga muna-indi-edhe a-vi basa likundo lava lembali?

Vyevyo vinairenyo volambela wavabanjani:

• Kozeela migumano yapingo.

• Leri thitho tapanya myasa ya Bibilyani yeniyo inasangalali-e banjalinyu.

• Akala mutokaana a-ima baxarini venango sasaedhani vyowaredhana vya a-ima vyava jw.org.

• Akala a-iminyu mbaazombwe, mutapanye naaliwa myasa yokuza azombwe yava jw.org.

• Muirenga masika oonga myasa ya Bibilyani naa-iminyu.

• Muonelenga vidiyo yava jw.org notapanya vili vidiyonimo.

MAKUNDO OGWANDELA

Yohova unofuna ira anamabala taadhiveliwengana maningi a-imiwa, afunji-a thitho avunela. Liye unofuna ira a-ima talemezenga novwela anamabaliwa thitho ira banja lothene limlambelenga movwelana.

Vyofuka vyowelela

• N’nga anamabala anaire a-vi ira tafunji-e thitho vunela a-imiwa?

• N’nga a-ima anathonyi-edhe a-vi ira anolemeza anamabaliwa?

• N’nga banja linaganyali a-vi lakaangana hora yolambela vambo-i sumana lililothene?

IDHIWANI VINJINJI

N’nga ndi makaalelo avi enao anakami-e mwaninyu ira aulukule pama?

“Makhalidwe 6 Amene Muyenera Kuphunzitsa Ana Anu” (Galamukani! wa No. 2 2019)

Muone malangi-o anovelela Bibilya waatu ale anosamalela andimuwa oulula.

“Kodi Baibulo Limanena Zotani pa Nkhani Yosamalira Makolo Achikulire?” (Mwasa wavasaiti)

Muone yamkami-idhe baba unango wenuo a-aidhi moda mwalelele liye a-ima ira akale baba wapama.

Yehova Anandiphunzitsa Kulera Bwino (5:58)

Muone vyevyo vinakami-e ababa ira tavwelanenga maningi naa-imiwa aalombwana.

“Kodi Bambo Angatani Kuti Azigwirizana Kwambiri Ndi Mwana Wake Wamwamuna?” (Nsanja ya Olonda, 1 wa Novembro wa 2011)