YOFUNJEDHA 28
Musimbenga viuireleni Yohova na Yesu
N’nga munovwa a-vi fwinyu auva-ani yotuva yobaleya maningi? Pyo-oira fuka ira munosangalala maningi thitho munosimba fwinyuo namwasa ouva-ani yotuva. Yohova na Yesu tatoniva-a yotuva yapereso yavadhulu kwaranya inango iliyothene. N’nga yotuva yen’na chini, n’nga ninathonyi-edhe a-vi ira ninosimba?
1. N’nga ninathonyi-edhe a-vi ira ninosimba viniirele Nlungu na Kristu?
Bibilya linolanyedha ira “uliwethene unam’roromele [Yesu]” unooda kaana ingumi yo-omala. (Juwau 3:16) N’nga ninaire a-vi vyevi? Ninothonyi-edha ira ninororomela Yesu mwavyosakula na vinoira i-yo. (Yakobo 2:17) Irana vyevi, unonikami-a kala vauxamwali olimba na Yesu thitho Babee Yohova.—Muleri Juwau 14:21.
2. N’nga ndi mwambo uvi wavakundu unonikami-a simba viniirele Yohova na Yesu?
Va ma-iyu omari-a, Yesu atoawandela anama-arele vyoonga ndhila inango inathonyi-edhele i-yo ira ninosimba kuto wavelenle liye. Liye atoromi-a mwambo wavakundu oi Bibilyani unoitaniwa ira “Yodya ya Namaulo ya Mbwiye.” Mwambo wen’na unoitaniwa thitho ira Ithuulelo ya wukwa wa Kristu. (1 Akoritiyo 11:20) Voromi-a mwambo wen’na, Yesu afuna ira arumiwee na Makristau aimbarimbari othene tathuulelenga ira liye atonikwela. Ee-no atoniwandela ira: “Mwiirengana vyevi vondithuulela miyo.” (Luka 22:19) Nafwanyeyanga va Ithuuleloni, ninothonyi-edha ira ninosimba udhivela ulukulu unithonyi-edhe Yohova na Yesu.
FUNJEDHANI VINJINJI
Muone ndhila dhinango dhinathonyi-edhelenyo ira munosimba udhivela ulukulu wanithonyi-edhele Yohova na Yesu. Muone thitho mwasiwa ira fwanyeya va mwambo othuulela wukwa wa Kristu, kofuneya maningi.
3. Vinaire i-yo vothonyi-edha simba
Nifwanafwani-e ira mutu mwinango atouvulumuchani vyabwina nyo m’ma-injeni. N’nga munovipwaza novidiwala vyauireleni mutuo? Venango munodhilimbi-edha ira vyongo vyothonyi-edha m’simba?
Ninodha kaana ingumi yo-omala namwasa oi Yohova utoniriyela rima. Muleri 1 Juwau 4:8-10, mwamala mutapamye vyofuka vyo-arelavi:
Mwasiwa ngwan’ni ninoonga ira kuto wa Yesu chotuva yavakundu?
N’nga nyo munovwa a-vi mwathuulela vyauirileni Yohova na Yesu?
N’nga ninathonyi-edhe a-vi ira ninosimba vyaniirele Yohova na Yesu? Muleri 2 Akoritiyo 5:15 na 1 Juwau 4:11; 5:3. Mwamala leri lemba lilothene mutapanye yofuka yo-arelai:
Movwelana na lembali, n’nga ninathonyi-edhe a-vi simba?
4. Musazi-edhenga Yesu
Ninothonyi-edha thitho simba nasazi-edhanga Yesu. Muleri 1 Pedru 2:21, mwamala mutapamye yofuka yo-arelai:
N’nga munathonyi-edhe a-vi ira muno-arela mwapolepole manyalo a Yesu?
Pau ino-indi-edhiwa basa va ithuulelo inoimelela tutu la Yesu lolongomana lavelenle liye malo mwaatu. Thitho vinyu unoimelela sangiree
5. Mufwanyeenga va ithuuleloni ya wukwa wa Kristu
Ira mwiidhiwe vyaireile va mwambo oroma wa Yodya ya Namaulo ya Mbwiye, muleri Luka 22:14, 19, 20. Mwamala mutapamye vyofuka vyo-arelavi:
Chini yaireile va Yodya ya Namaulo ya Mbwiye?
N’nga pau na vinyu vinoimelelan’ni?—Muone versu 19 na 20.
Ifunelo ya Yesu voromi-a mwambo wa ithuulelo, yali yoi anamafunjedhee tauirenga fendo imbo-i va yawa iliyothene vadambo lakwide liye. Ngumwasiwa yawa iliyothene a Mboni dha Yohova tanoira mwambo wothuulela wukwa wa Kristu movwelana na mwaongile liye. Ira mwiidhiwe vinjinji vyoonga mwambo ofuneya maningula, muonele VIDIYO. Mwamala mutapamye yofuka yo-arelai.
N’nga vamwambo wa Ithuulelo vanoireyan’ni?
Yesu anodhiveliwana madhu a Nlungu, anolaleela milanyu yapama, thitho anokami-a atu
ATU ENANGO ANOONGA IRA: “Ndatowachela wale Yesu kala mbwiye thitho namavulumuchanga. Ee-no kandinofunave ira yongo inango.”
N’nga muna-indi-edhe a-vi basa lemba la Juwau 3:16 na Yakobo 2:17 vofuna m’kami-a zindiyela ira vatokala vinjinji vinaire mutu ira adhavumuluwe?
MAKUNDO OGWANDELA
Naroromelanga Yesu nofwanyeya vamwambo wa ithuulelo ya wukwawee, ninothonyi-edha ira ninosimba vyaniirele liye.
Vyofuka vyowelela
N’nga ninathonyi-edhe a-vi ira ninororomela Yesu?
N’nga munathonyi-edhe a-vi ira munosimba vyauirileni Yohova na Yesu?
Mwasiwa ngwan’ni munofwanela fwanyeya vamwambo wa ithuulelo ya wukwa wa Kristu?
IDHIWANI VINJINJI
N’nga wukwa wa Kristu unonilimbi-a ira n’ni?
Idhiwani vinjinji vyoonga iroromelo thitho munaithonyi-edhele i-yo.
“Muzisonyeza Kuti Mumakhulupirira Malonjezo a Yehova” (Nsanja ya Olonda, Outubro wa 2016)
Muleri mwasa oi “Ndikuona Kuti Ndine Woyera Komanso Ndili Ndi Moyo Waphindu,” ira muone mwemo funjedha vyoonga kuto wa Kristu mwakami-edhele aliwa i-yana mwinango.
“Baibulo Limasintha Anthu” (Nsanja ya Olonda, 1 wa Agosto wa 2011)
Muone ira mwasiwa ngwan’ni atu oyeva baa-i mbanodya pau na umwa vinyu vamwambo wa ithuulelo.