YOFUKA 6
N’nga Bibilya laongilen’ni vyokhuza Mesiya?
ULOSI
“We Betelehemu Eufrati, . . . mwa we munodha khuma wenuo unofuna dhakala namatonga wa Israeli.”
Mika 5:2
KWAKWANELI-EDHIWAWEE
“Yesu angabaliwile wu Betelehemu wau Yudeya vahora ya utongi wa mwene Herodi, alombwana ororomela nyenyedi okhumela makhumelo adhuwa tatoodha wu Yerusalemu.”
ULOSI
“Aliwa anaagaana nguwo dhanga, thitho anaaira vyolotela va nguwo dhanga.”
Salimo 22:18
KWAKWANELI-EDHIWAWEE
“Anyakhondwao tangam’khomele Yesu vaimurini, tatootukula nguwee yaundhe noigawa vikhundu 4, . . . Mbwenye nguwee ya mwariyo kiyana vogumani-a, yasaka nyiwile khumela dhulu fiya vathi. Ee-no aliwa tatootapanya ira: ‘Nguila kaniikhaule, mbwenye niire vyolotela ira niidhiwe unofwanela itukula.’”
ULOSI
“Liye unobarela makhuvee othene thitho kavali nalimbo-ene laundhiwile.”
Salimo 34:20
KWAKWANELI-EDHIWAWEE
“Mbwenye tangafiile vali Yesu, katam’mundhile mendo namwasa oi ali angakwide wale.”
ULOSI
“Liye atoolathiwa namwasa wa vyodawa vi-u.”
Esaya 53:5
KWAKWANELI-EDHIWAWEE
“M’mbo-i mwa anyakhondwao atoom’latha mbarunimu na mwalango thitho hora yeniyene vatookhuma sangiri na ma-inje.”
ULOSI
“Aliwa tatoondipagali kobiri 30 dhafero.”
Zakariya 11:12, 13
KWAKWANELI-EDHIWAWEE
“Adhamale m’mbo-i mwaanamafunjedha 12 ale, aidhiweya ira Yudasi Isikarioti, atoodhowa wa andimuwa a sembe, noafuka ira: ‘N’nga munodha ndiva-a n’ni ndam’velela wa nyo?’ Aliwa tatoom’kokomeza ira anodha m’va-a kobiri 30 dhafero.”