YOFUKA 7
N’nga Bibilya laongilen’ni vyokhuza malamboano?
“Ziza linodha dhimbinuela ziza n’nango thitho umwene unodha dhimbinuela umwene unango . . . Vyongo vyothene vyevi kuroma wa nyarwa dhilukhulu.”
“Unodha kala anamaongela anjinji onama thitho anodha dimeli-a atu anjinji. Namwasa owenjedheleya o-ovwela malamulo, udhivela waatu anjinji unodha towa.”
“Mwadhavwa khondo na limbili la khondo, kamudhaove. Vyevi vinofwanela ireya, mbwenye magomela anodha kala ta-anafiye.”
“Unodha ireya vindharandhara vyakopolo thitho unodha kala misau na ndhala mamburo o-iyana-iyana. Unodha kala vyongo vyoophi-a thitho dhulu unodha oneya vizindiyelo vyodabwi-a.”
“Mbwenye uidhiwe ira malambo omari-a anodha kala hora yavakhundu na yorucha. Atu anodha kala odhidhiveliwana okhene, odhiveliwana kobiri, ogaya, odhigweli-a, onyoza, o-ovwela anamabala, o-osimba, o-ororomeleya, o-odhiveliwana abaliwa, o-ofuna vwelana naatu enango, oongela afwiwa vyothakala, o-odhikhondi-a, oophi-a, o-odhiveliwana vyapama, oirela afwiwa vyongo vyothakala, o-ovwa vyoonga vyaatu enango, osimbwa dhiulukhuli-a, odhiveliwana vyosangalali-a malo modhiveliwana Nlungu, thitho ooneya ninga odhivelela wa Nlungu mbwenye anokhonda ira kopolo yodhiveleliyo iyachinje.”