N’nga a Mboni dha Yohova mbamakristau aimbarimbari?

I-yo a Mboni dha Yohova ninororomela ira nili Makristau aimbarimbari. Mwasiwa ngwan’ni ninoonga e-no? Namwasa wa unokumela vinororomela i-yo, dhina linoidhiweyana i-yo thitho udhivela unothonyi-edhana i-yo.

1. N’nga vinororomela a Mboni dha Yohova vinokumela wani?

Yesu atoonga ira: “Madhu [a Nlungu] mbaimbarimbari.” (Juwau 17:17) Mofwanafwana na Yesu, vinororomela a Mboni dha Yohova vinokumela M’madhu a Nlungu. Mofwanafwani-a, kathuulelani vyairile a Mboni dha Yohova enao voroma taitaniwa ira anamafunjedha Bibilya. Mu yawa ya 1870 gulu la anamafunjedha Bibilyala latoroma funjedha Bibilya mopwasedha ira tavwecheche vinofunji-a aliwa. Aliwa tatooroma roromela vinofunji-a Bibilya angalive ira vyaroromela aliwavyo vyano-iyana na vyafunji-a mareligiau enango. Ee-no tatooroma wandela atu enango makundo aimbarimbari tafwanya aliwa Bibilyanimo.a

2. Mwasiwa ngwan’ni ninoidhiweya na dhina loi Mboni dha Yohova?

Yohova unoitana atu tanomlabela ira Mboni dhee namwasa oi tanoonga imbarimbari yoonga liye. (Aebere 11:4–12:1) Mofwanafwani-a, walelene Nlungu atoowandela arumiwee ira: “Nyo muli mboni dhanga.” (Muleri Esaya 43:10.) Naliyene Yesu thitho unoitaniwa “Mboni yororomeleya.” (Apokalipse 1:5) Ee-no muyawa ya 1931 natoroma idhiweya na dhina loi Mboni dha Yohova. Idhiweya na dhina leli ndingari ilukulu.

3. N’nga a Mboni dha Yohova tanosazi-edha a-vi Yesu va mwasa othonyi-edhana udhivela?

Yesu anowadhiveliwa maningi anamafunjedhee voi anowaona ninga abalee aimbarimbari. (Muleri Marku 3:35.) Ee-no a Mboni dha Yohova naaliwene thitho tibanja limbo-i lovwelana lavailambo yethene yavathi. Gumwasiwa ninoonga ira nili abali na arongola. (Filimoni 1, 2) Ninovwela thitho lamulo loi: “Dhiveliwanani gulu lothene laabali.” (1 Pedru 2:17) A Mboni dha Yohova tanothonyi-edha ira tanodhiveliwana abaliwa mundhila dhinjinji. Mofwanafwani-a, Makristau afwiwa vailambo yothene yavathi tagumanana nyarwa tanowakami-a.

FUNJEDHANI VINJINJI

4. Vinororomela i-yo vinokumela Bibilyani

Yesu atoongelatu ira arumiwee tanodha vwechecha imbarimbari ya Bibilyani mwavang’ono navang’ono. Muleri Danieli 12:4, mwamala mutapanye yofuka yo-arelai:

• Movwelana na lembali n’nga arumiwi a Nlungu tanodha idhuwan’ni tadhowanave sakasaka makundo a Bibilyani?

Muone vyaira anamafunjedha Bibilya thangani-avo Charles Russell, vofunjedha Madhu a Nlungu. Muonele VIDIYO, mwamala mutapanye yofuka yo-arelai.

VIDIYO: Anayambiranso Kufufuza Choonadi cha M’Baibulo (7:45)

• Vidiyonimu, n’nga Charles Russell na anamafunjedha Bibilya afwee ta-arela ndhila iivi vofunjedha Bibilya?

N’nga mutoidhiwa?

Hora dhinango ninooda chinja vyongo vyaroromela i-yo. Mwasiwa ngwan’ni ninoonga e-no? Dhuwa lakuma linowala mwavang’ono navang’ono. Mofwanafwana na vyevi, Nlungu unonikami-a vwechecha madhwee mwavang’ono navang’ono. (Muleri Sanganiko 4:18.) Bibilya kalinochinja, mbwenye nalivwechecha pama ninochinja vyaroromela i-yo.

5. Ninoira vyongo movwelana nadhinali-u

VIDIYO: Dzina Lofotokoza Ntchito Yathu (2:40)

• N’nga dhina loi Mboni dha Yohova tofwanelela namwasa wan’ni?

Mwasiwa ngwan’ni Yohova unosakula atu ira takale Mboni dhee? Namwasa oi unofuna ira takami-enga atu idhiwa ira liye ngu Nlungu waimbarimbari. Vili e-no namwasa oi atu takadhi tafunji-anga vyonama vyoonga liye. Dhoweni nioneni vyonama vinli.

Mareligiau enango tanofunji-a ira Nlungu unofuna ira ni-indi-edhenga basa vifwano volambela. N’nga vyevyo pyaimbarimabari? Muleri Levitiku 26:1, mwamala mutapanye vyofuka vyo-arelavi:

• N’nga imbarimbari chiivi? N’nga Yohova unovwa a-vi atu talambelanga vifwano?

Anamasongolela enango amareligiau tanofunji-a ira Yesu ngu Nlungu. N’nga vyevyo pyaimbarimabari? Muleri Juwau 20:17, mwamala mutapanye vyofuka vyo-arelavi:

• N’nga imbarimbari chiivi? N’nga Yesu ngu Nlungu?

• N’nga munovwa a-vi mwathuulela ira Yohova unotumiza Mboni dhee ira dhilaleele imbarimbari yoonga liye vambo-i na Mwanee?

6. Ninodhiveliwana unango na fwee

Bibilya linoonga ira Makristau tanofwanela kala ovwelana ninga vyano vyatutu lamutu. Muleri 1 Akoritiyo 12:25, 26, mwamala mutapanye vyofuka vyo-arela:

• N’nga Makristau aimbarimbari tanoiran’ni taona ira Makristau afwiwa tanoona nyarwa?

• N’nga nyo muoni vyoi a-vi vamwasa wamwemo Mboni dha Yohova munotonyi-edhelana aliwa udhivela?

A Mboni dha Yohova tagumanana nyarwa ilambo inango, a Mboni afwiwa ilambo yothene yavathi tanovilimbi-edha akami-a mombaranya. Ira muone ifwanafwani-o ya vyevi, muonele VIDIYO. Mwamala mutapanye yofuka yo-arelai.

VIDIYO: A Mboni Anathandizana pa Nthawi ya Mphepo ya Mkuntho ya Hurricane Matthew (5:29)

• N’nga vinoira a Mboni dha Yohova vokami-ana vinothonyi-edha a-vi ira tanodhivelana unango na fwee?

MAKUNDO OGWANDELA

A Mboni dha Yohova mbamakristau aimbarimbari. Nili banja limbo-i lavailambo yothene yavathi thitho vinororomela i-yo vinokumela Bibilyani. Nino wandela atu enango imbarimbari yooonga vya Yohova.

Vyofuka vyowelela

• Mwasiwa ngwan’ni natooroma idhiweya na dhina loi Mboni dha Yohova?

• N’nga ninoira a-vi vyongo na Makristau afwi-u?

• N’nga nyo munothuulela ira a Mboni dha Yohova mbamakristau aimbarimbari?

IDHIWANI VINJINJI

Idhiwani vinjinji vyoonga limbili li-u.

Mboni za Yehova Zinasonyeza Chikhulupiriro, Gawo 1: Kutuluka mu Mdima (1:00:53)

Muone vifwanafwani-edho vyothonyi-edha mwemo Mboni dha Yohova muirile aliwa vofuna konda mafunji-edho onama.

Anthu a Mulungu Amalemekeza Dzina Lake (7:08)

Mufwanye vyowakula vya vyofuka vinanyo vyoonga a Mboni dha Yohova.

“Mafunso Ofunsidwa Kawirikawiri” (thakuru lavasaiti)

Stephen anoodhiveliwana ira vyauwalanga. Muleri mwasula ira mufwanye vyaoni liye vyaira a Mboni dha Yohova vyakami-edhele aliwa chinja.

“Moyo Wanga Unkangoipiraipirabe” (Nsanja ya Olonda ya, 1 wa Julho wa 2015)