• ປະຖົມມະການ 10:19
    ຄຳພີໄບເບິນສະບັບແປໂລກໃໝ່

    • 19 ເຂດ​ຂອງ​ພວກ​ການາອານ​ເລີ່ມ​ຕັ້ງ​ແຕ່​ຊີໂດນ​ໄປ​ຈົນ​ຮອດ​ເກລາ+ທີ່​ຢູ່​ໃກ້​ກັບ​ຄາຊາ+ເຊິ່ງ​ກວມ​ໄປ​ຮອດ​ເມືອງ​ໂຊໂດມ ເມືອງ​ໂກໂມຣາ+ ເມືອງ​ອັດມາ ແລະ​ເມືອງ​ເຊໂບຢິມ+​ທີ່​ຢູ່​ໃກ້​ລາຊາ.

  • ພະບັນຍັດ 4:38
    ຄຳພີໄບເບິນສະບັບແປໂລກໃໝ່

    • 38 ເພິ່ນ​ໄດ້​ຂັບ​ໄລ່​ຊາດ​ຕ່າງ​ໆ​ທີ່ມີ​ຄົນ​ຫຼາຍ​ກວ່າ ແລະ​ມີ​ກຳລັງ​ຫຼາຍ​ກວ່າ​ອອກ​ໄປ​ຈາກ​ແຜ່ນດິນ​ທີ່​ຈະ​ໃຫ້​ພວກ​ເຈົ້າ​ເປັນ​ມໍລະດົກ ເພື່ອ​ຈະ​ໃຫ້​ພວກ​ເຈົ້າ​ເຂົ້າ​ໄປ​ຢູ່​ຄື​ກັບ​ທີ່​ເປັນ​ຢູ່​ຕອນ​ນີ້.+

  • ໂຢຊວຍ 1:4
    ຄຳພີໄບເບິນສະບັບແປໂລກໃໝ່

    • 4 ເຂດ​ຂອງ​ພວກ​ເຈົ້າ​ຈະ​ນັບ​ຕັ້ງ​ແຕ່​ບ່ອນ​ກັນດານ​ໄປ​ຈົນ​ຮອດ​ເຂດ​ພູ​ເລບານອນ ໄປ​ຈົນ​ຮອດ​ແມ່​ນ້ຳ​ໃຫຍ່​ເອິຟາຣາດ ເຊິ່ງ​ເປັນ​ແຜ່ນດິນ​ຂອງ​ພວກ​ເຮດ+ ແລະ​ໄປ​ຈົນ​ຮອດ​ທະເລ​ທາງ​ທິດຕາເວັນຕົກ.*+

  • ໂຢຊວຍ 14:1
    ຄຳພີໄບເບິນສະບັບແປໂລກໃໝ່

    • 14 ຫຼັງ​ຈາກ​ທີ່​ພວກ​ອິດສະຣາເອນ​ໄດ້​ຍຶດ​ເອົາ​ແຜ່ນດິນ​ຂອງ​ພວກ​ການາອານ​ແລ້ວ ປະໂລຫິດ​ເອເລອາຊາ ໂຢຊວຍ​ລູກ​ຊາຍ​ຂອງ​ນູນ ແລະ​ພວກ​ຫົວ​ໜ້າ​ໃນ​ຈຸ້ມເຈື້ອ​ຂອງ​ຕະກູນ​ຕ່າງ​ໆ​ຂອງ​ອິດສະຣາເອນ​ກໍ​ໄດ້​ແບ່ງ​ດິນ​ນັ້ນ​ໃຫ້​ເຂົາ​ເຈົ້າ​ເປັນ​ມູນ.+

  • ເຢເຣມີຢາ 3:19
    ຄຳພີໄບເບິນສະບັບແປໂລກໃໝ່

    • 19 ແລ້ວ​ເຮົາ​ກໍ​ຄິດ​ວ່າ ‘ເຮົາ​ໄດ້​ໃຫ້​ເຈົ້າ​ເປັນ​ຄື​ກັບ​ລູກ​ຊາຍ​ຂອງ​ເຮົາ.* ເຮົາ​ໄດ້​ເອົາ​ແຜ່ນດິນ​ທີ່​ເປັນ​ຕາ​ຢູ່​ໃຫ້​ເຈົ້າ ເຊິ່ງ​ເປັນ​ແຜ່ນດິນ​ທີ່​ງາມ​ທີ່​ສຸດ​ເມື່ອ​ທຽບ​ກັບ​ແຜ່ນດິນ​ຂອງ​ຊາດ​ຕ່າງ​ໆ​.’*+ ເຮົາ​ຍັງ​ຄິດ​ອີກ​ວ່າ​ເຈົ້າ​ຈະ​ເອີ້ນ​ເຮົາ​ວ່າ ‘ພໍ່​ເອີ້ຍ’ ແລະ​ເຈົ້າ​ຈະ​ບໍ່​ປະຖິ້ມ​ເຮົາ.