ຫ້ອງສະໝຸດອອນລາຍຂອງວັອດສ໌ທາວເວີ້

ຈົດເຊັນບັນຊີ 32:33

ຄຳພີໄບເບິນສະບັບແປໂລກໃໝ່
- 33 ໂມເຊເອົາເມືອງກັບແຜ່ນດິນຕ່າງໆຂອງສີໂຮນ+ກະສັດຂອງຄົນອາໂມແລະຂອງໂອກ+ກະສັດຂອງຄົນບາຊານໃຫ້ຕະກູນຄາດກັບຕະກູນຣູເບັນ+ ແລະເຄິ່ງໜຶ່ງຂອງຕະກູນມານາເຊ+ເຊິ່ງເປັນຕະກູນທີ່ມາຈາກລູກຊາຍຂອງໂຢເຊັບ.

ພະບັນຍັດ 3:12, 13

ຄຳພີໄບເບິນສະບັບແປໂລກໃໝ່
- 12 ດິນທັງໝົດທີ່ພວກເຮົາຍຶດໄດ້ແລະແບ່ງກັນມີດັ່ງນີ້: ດິນທາງທິດເໜືອຂອງເມືອງອາໂຣເອ+ທີ່ຢູ່ໃກ້ໆຮ່ອມພູ*ອາໂນນ ເຊິ່ງລວມເຖິງເຄິ່ງໜຶ່ງຂອງເຂດທີ່ມີພູຫຼາຍໆໜ່ວຍໃນກິລຽດ. ຂ້ອຍເອົາເມືອງຕ່າງໆທີ່ຢູ່ບ່ອນນັ້ນໃຫ້ຕະກູນຣູເບັນກັບຕະກູນຄາດ.+ 13 ສ່ວນທີ່ເຫຼືອຂອງເຂດກິລຽດແລະເຂດບາຊານທັງໝົດຂອງກະສັດໂອກ ຂ້ອຍໄດ້ຍົກໃຫ້ເຄິ່ງໜຶ່ງຂອງຕະກູນມານາເຊ.+ ດິນທີ່ຢູ່ອາໂກບທີ່ເປັນຂອງບາຊານເຄີຍເປັນຂອງພວກເຣຟາຢິມ.

ໂຢຊວຍ 13:8

ຄຳພີໄບເບິນສະບັບແປໂລກໃໝ່
- 8 ຕະກູນຣູເບັນ ຕະກູນຄາດ ແລະອີກເຄິ່ງໜຶ່ງຂອງຕະກູນມານາເຊໄດ້ແຜ່ນດິນທີ່ຢູ່ທາງທິດຕາເວັນອອກຂອງແມ່ນ້ຳຈໍແດນເປັນມໍລະດົກແລ້ວ ຕາມທີ່ໂມເຊຜູ້ຮັບໃຊ້ຂອງພະເຢໂຫວາໄດ້ເອົາໃຫ້ເຂົາເຈົ້າ.+