20 ພະ​ເຢໂຫວາ​ເວົ້າ​ກັບ​ອາໂຣນ​ອີກ​ວ່າ: “ເຈົ້າ​ຈະ​ບໍ່​ໄດ້​ຮັບ​ດິນ​ເປັນມໍລະດົກຄື​ກັບ​ພວກ​ອິດສະຣາເອນ​ຕະກູນ​ອື່ນ​ໆ​ໄດ້​ຮັບ+ ແຕ່ເຮົາ​ຈະ​ເບິ່ງ​ແຍງ​ເຈົ້າແລະ​ໃຫ້​ເຈົ້າ​ມີສິ່ງ​ຈຳເປັນຕ່າງ​ໆ​.*+

24 ເພາະ 1 ສ່ວນ 10 ທີ່​ພວກ​ອິດສະຣາເອນ​ເອົາ​ມາ​ໃຫ້​ພະ​ເຢໂຫວາ​ນັ້ນ ເຮົາ​ເອົາ​ໃຫ້​ເປັນ​ມໍລະດົກ​ຂອງ​ພວກເລວີ. ຍ້ອນ​ແນວ​ນີ້ ເຮົາ​ຈຶ່ງ​ບອກ​ພວກເລວີ​ວ່າ ‘ພວກ​ເຈົ້າ​ຈະ​ບໍ່​ໄດ້​ຮັບ​ດິນ​ເປັນ​ມໍລະດົກ ຄື​ກັບ​ພວກ​ອິດສະຣາເອນ​ຕະກູນ​ອື່ນ​ໆ​ໄດ້​ຮັບ.’”+

9 ຍ້ອນ​ແນວ​ນີ້ ພວກ​ເລວີ​ຈຶ່ງ​ບໍ່​ໄດ້​ຮັບ​ສ່ວນ​ແບ່ງ​ຫຼື​ມໍລະດົກ​ຄື​ກັບ​ຕະກູນ​ອື່ນ​ໆ​. ພະ​ເຢໂຫວາ​ຈະ​ຈັດ​ກຽມສິ່ງ​ຈຳເປັນໃຫ້​ເຂົາ​ເຈົ້າ*ຕາມ​ທີ່​ພະ​ເຢໂຫວາພະເຈົ້າ​ຂອງ​ພວກ​ເຈົ້າ​ເຄີຍ​ບອກ​ໄວ້.+

28 ທຸກ​ໆ​ 3 ປີ ເຈົ້າ​ຕ້ອງ​ເອົາ 1 ສ່ວນ 10 ຂອງ​ຜົນລະປູກ​ຂອງ​ເຈົ້າ​ໃນ​ປີ​ນັ້ນ​ມາ​ໄວ້​ໃນ​ເມືອງ​ຂອງ​ເຈົ້າ+ 29 ແລ້ວ​ຄົນ​ເລວີ​ທີ່​ບໍ່​ໄດ້​ຮັບ​ສ່ວນ​ແບ່ງ​ຫຼື​ດິນ​ມູນ​ຄື​ກັບ​ເຈົ້າ ຄົນ​ຕ່າງ​ຊາດ​ທີ່​ຢູ່​ນຳ​ເຈົ້າ ລູກ​ກຳພ້າ​ພໍ່* ແລະ​ແມ່​ໝ້າຍ​ທີ່​ຢູ່​ໃນ​ເມືອງ​ຂອງ​ເຈົ້າ​ຈະ​ໄດ້​ກິນ​ຈົນ​ອີ່ມ.+ ເມື່ອ​ເຈົ້າ​ເຮັດ​ແນວ​ນີ້ ພະເຢໂຫວາ​ພະເຈົ້າ​ຂອງ​ເຈົ້າ​ຈະ​ອວຍພອນ​ເຈົ້າ​ໃນ​ທຸກ​ສິ່ງ​ທີ່​ເຈົ້າ​ເຮັດ.”+

14 ມີ​ແຕ່​ຕະກູນ​ເລວີ​ເທົ່າ​ນັ້ນ​ທີ່​ບໍ່​ໄດ້​ດິນ​ເປັນ​ມໍລະດົກ.+ ມໍລະດົກ​ຂອງ​ເຂົາ​ເຈົ້າ​ແມ່ນ​ເຄື່ອງ​ບູຊາ​ທີ່​ພວກ​ອິດສະຣາເອນ​ເອົາ​ມາ​ໃຫ້​ພະ​ເຢໂຫວາ​ພະເຈົ້າ​ຂອງ​ເຂົາ​ເຈົ້າ​ຕາມ​ທີ່​ເພິ່ນ​ໄດ້​ສັນຍາ​ໄວ້.+