ຫ້ອງສະໝຸດອອນລາຍຂອງວັອດສ໌ທາວເວີ້

ອົບພະຍົບ 9:16

ຄຳພີໄບເບິນສະບັບແປໂລກໃໝ່
- 16 ແຕ່ທີ່ເຮົາຍັງບໍ່ທັນຂ້າເຈົ້າເທື່ອກໍຍ້ອນວ່າ ເຮົາຢາກໃຫ້ເຈົ້າເຫັນລິດເດດຂອງເຮົາແລະຢາກໃຫ້ຄົນທົ່ວໂລກຮູ້ຈັກຊື່ຂອງເຮົາ.+

ອົບພະຍົບ 15:13, 14

ຄຳພີໄບເບິນສະບັບແປໂລກໃໝ່
- 13 ດ້ວຍຄວາມຮັກທີ່ໝັ້ນຄົງ ພະອົງໄດ້ນຳໜ້າປະຊາຊົນທີ່ພະອົງໄຖ່ແລ້ວ.+
  ພະອົງຈະຊີ້ນຳເຂົາເຈົ້າໄປບ່ອນບໍລິສຸດດ້ວຍລິດເດດຂອງພະອົງ.
  
  14 ຜູ້ຄົນຕ້ອງໄດ້ຍິນ+ແລະພວກເຂົາຈະຢ້ານຈົນໂຕສັ່ນ.
  ພວກຟີລິດສະຕີນຈະເຈັບປວດຫຼາຍ.

ໂຢຊວຍ 2:9, 10

ຄຳພີໄບເບິນສະບັບແປໂລກໃໝ່
- 9 ລາວເວົ້າວ່າ: “ຂ້ອຍເຊື່ອວ່າພະເຢໂຫວາຈະເອົາແຜ່ນດິນນີ້ໃຫ້ພວກເຈົ້າ+ ແລະພວກເຮົາກໍຢ້ານພວກເຈົ້າຫຼາຍ.+ ທຸກຄົນທີ່ຢູ່ນີ້ກໍພາກັນຢ້ານພວກເຈົ້າຈົນໂຕສັ່ນ.+ 10 ຍ້ອນພວກເຮົາໄດ້ຍິນວ່າຕອນທີ່ພວກເຈົ້າອອກມາຈາກເອຢິບ ພະເຢໂຫວາໄດ້ແຍກທະເລແດງອອກເພື່ອໃຫ້ພວກເຈົ້າຂ້າມມາໄດ້.+ ພວກເຮົາຍັງໄດ້ຍິນວ່າພວກເຈົ້າໄດ້ຂ້າສີໂຮນ+ກັບໂອກ+ທີ່ເປັນກະສັດຂອງພວກອາໂມ ຢູ່ຟາກນັ້ນ*ຂອງແມ່ນ້ຳຈໍແດນ.