24 ແຕ່​ກະສັດ​ດາວິດ​ບອກ​ໂອເຣນານ​ວ່າ: “ບໍ່​ໄດ້ ຂ້ອຍ​ຈະ​ຊື້​ເອົາ​ໃນ​ລາຄາ​ເຕັມ. ຂ້ອຍ​ຈະ​ເອົາ​ເຄື່ອງ​ຂອງ​ເຈົ້າ​ລ້າ​ໆ​ແລ້ວ​ເອົາ​ໄປ​ໃຫ້​ພະ​ເຢໂຫວາ​ຫຼື​ໄປ​ເຜົາ​ເປັນ​ເຄື່ອງ​ບູຊາ​ບໍ່​ໄດ້​ດອກ.”+ 25 ດາວິດ​ຈຶ່ງ​ຈ່າຍ​ຄ່າ​ດິນ​ຕອນ​ນັ້ນ​ໃຫ້​ໂອເຣນານ​ເປັນ​ຄຳ​ໜັກ 600 ເຊເກນ.* 26 ດາວິດ​ໄດ້​ສ້າງ​ແທ່ນ​ບູຊາ+​ໃຫ້​ພະ​ເຢໂຫວາ​ຢູ່​ຫັ້ນ​ແລະ​ເຜົາ​ເຄື່ອງ​ບູຊາ​ເຜົາ​ກັບ​ເຄື່ອງ​ບູຊາ​ສ້າງ​ຄວາມ​ສະຫງົບ​ສຸກ​ໃຫ້​ເພິ່ນ. ແລ້ວ​ດາວິດ​ກໍ​ອະທິດຖານ​ຫາ​ພະ​ເຢໂຫວາ​ແລະ​ເພິ່ນ​ໄດ້​ຕອບ​ລາວ​ໂດຍ​ໃຫ້​ໄຟ+​ຕົກ​ລົງ​ມາ​ຈາກ​ຟ້າ​ເພື່ອ​ເຜົາເຄື່ອງ​ບູຊາ​ທີ່​ຢູ່​ເທິງ​ແທ່ນ​ນັ້ນ. 27 ຈາກ​ນັ້ນ ພະ​ເຢໂຫວາ​ໄດ້​ສັ່ງ​ທູດສະຫວັນ+​ໃຫ້​ເອົາ​ດາບ​ໃສ່​ຝັກ​ໄວ້. 28 ເມື່ອ​ດາວິດ​ເຫັນ​ວ່າ​ພະ​ເຢໂຫວາ​ຕອບ​ຄຳ​ອະທິດຖານ​ຂອງ​ລາວ​ຢູ່​ລານ​ຟາດ​ເຂົ້າ​ຂອງ​ໂອເຣນານ​ຄົນ​ເຢບຸດ ລາວ​ກໍ​ເຜົາ​ເຄື່ອງ​ບູຊາ​ໃຫ້​ເພິ່ນ​ຢູ່​ຫັ້ນ​ຕໍ່​ໆ​ໄປ.