• ເພງສັນລະເສີນ 8:3, 4
    ຄຳພີໄບເບິນສະບັບແປໂລກໃໝ່

    •  3 ເມື່ອ​ລູກ​ແນມ​ເບິ່ງ​ທຸກ​ສິ່ງ​ທີ່​ພະອົງ​ສ້າງ*​ຢູ່​ເທິງ​ທ້ອງຟ້າ

      ແລະ​ເບິ່ງ​ເດືອນ​ກັບ​ດາວ​ທີ່​ພະອົງ​ສ້າງ​ໄວ້ ລູກ​ກໍ​ຄິດ​ໃນ​ໃຈ​ວ່າ+

       4 ເປັນຫຍັງ​ພະອົງ​ຈຶ່ງ​ສົນໃຈ​ມະນຸດ​ທີ່​ບໍ່​ມີຄ່າ

      ແລະ​ເປັນຫຍັງ​ພະອົງ​ຈຶ່ງ​ຢາກ​ເບິ່ງແຍງ​ມະນຸດ​ເຫຼົ່ານີ້?+

  • ເອຊາຢາ 40:22
    ຄຳພີໄບເບິນສະບັບແປໂລກໃໝ່

    • 22 ມີ​ຜູ້​ໜຶ່ງ​ຢູ່​ເທິງ​ໜ່ວຍໂລກ​ທີ່​ເປັນ​ວົງມົນ+

      ແລະ​ຄົນ​ທີ່​ຢູ່​ໃນ​ໂລກ​ເປັນ​ຄື​ກັບ​ຕັກກະແຕນ.

      ເພິ່ນ​ພື​ທ້ອງຟ້າ​ອອກ​ຄື​ກັບ​ພື​ຜ້າ​ທີ່​ບາງ​ໆ​

      ແລະ​ເພິ່ນ​ກາງ​ທ້ອງຟ້າ​ອອກ​ຄື​ກັບ​ກາງ​ເຕັ້ນ​ເພື່ອ​ໃຫ້​ຄົນ​ຢູ່.+

  • ໂຣມ 1:20
    ຄຳພີໄບເບິນສະບັບແປໂລກໃໝ່

    • 20 ເຖິງ​ວ່າ​ມະນຸດ​ເບິ່ງ​ບໍ່​ເຫັນ​ພະເຈົ້າ ແຕ່​ເມື່ອ​ສັງເກດ​ເບິ່ງ​ສິ່ງທີ່​ເພິ່ນ​ສ້າງ​ໄວ້ ພວກ​ເຮົາ​ກໍ​ຈະ​ເຫັນ​ຄຸນລັກສະນະ​ຕ່າງ​ໆ​ຂອງ​ເພິ່ນ​ຢ່າງ​ຈະ​ແຈ້ງ. ພວກ​ເຮົາ​ສາມາດ​ຮູ້​ຈັກ​ເພິ່ນ​ຫຼາຍ​ຂຶ້ນ​ຈາກ​ສິ່ງ​ທີ່​ເພິ່ນ​ສ້າງ.+ ສິ່ງ​ເຫຼົ່າ​ນີ້​ສະແດງ​ໃຫ້​ເຫັນ​ລິດເດດ​ຂອງ​ເພິ່ນ​ທີ່​ມີ​ຢູ່​ຕະຫຼອດ​ໄປ+ ແລະ​ພິສູດ​ວ່າ​ເພິ່ນ​ເປັນ​ພະເຈົ້າ​ແທ້​ໆ​.+ ຖ້າ​ຄົນ​ເຮົາ​ສັງເກດ​ເບິ່ງ​ສິ່ງ​ເຫຼົ່າ​ນີ້​ແລ້ວ ເຂົາເຈົ້າ​ກໍ​ຖຽງ​ບໍ່​ໄດ້​ວ່າ​ບໍ່​ມີ​ພະເຈົ້າ.