4 ຂ້ອຍ​ເຮັດ​ວຽກ​ທີ່​ຍິ່ງໃຫຍ່​ຫຼາຍ​ຢ່າງ.+ ຂ້ອຍ​ສ້າງ​ວັງ​ໃຫ້​ໂຕເອງ​ຫຼາຍ​ຫຼັງ+​ແລະ​ເຮັດ​ສວນ​ໝາກ​ລະແຊັງ​ຫຼາຍ​ບ່ອນ.+ 5 ຂ້ອຍ​ສ້າງ​ສວນ​ຫຼາຍ​ບ່ອນ​ໃຫ້​ໂຕເອງ​ແລະ​ປູກ​ຕົ້ນໄມ້​ກິນ​ໝາກ​ທຸກ​ຊະນິດ. 6 ຂ້ອຍ​ສ້າງ​ສະ​ນ້ຳ​ຫຼາຍ​ສະ​ເພື່ອ​ຫົດ​ເບ້ຍ​ໄມ້​ຕ່າງ​ໆ​ໃນ​ປ່າ​ຂອງ​ຂ້ອຍ. 7 ຂ້ອຍ​ມີ​ຄົນ​ຮັບ​ໃຊ້​ທັງ​ຜູ້​ຊາຍ​ແລະ​ຜູ້​ຍິງ+ ແລະ​ຂ້ອຍ​ກໍ​ມີ​ຄົນ​ຮັບ​ໃຊ້​ທີ່​ເກີດ​ຢູ່​ໃນ​ເຮືອນ​ຂອງ​ຂ້ອຍ. ຂ້ອຍ​ຊື້​ຝູງ​ສັດ​ບັກ​ຫຼາຍ​ໆ​ ທັງ​ຝູງ​ງົວ ຝູງ​ແກະ ແລະ​ຝູງ​ແບ້.+ ຂ້ອຍ​ມີ​ຝູງ​ສັດ​ຫຼາຍ​ກວ່າ​ຄົນ​ທີ່​ເຄີຍ​ຢູ່​ໃນ​ເມືອງ​ເຢຣູຊາເລັມ​ກ່ອນ​ຂ້ອຍ. 8 ຂ້ອຍ​ສະສົມ​ເງິນ​ຄຳ​ສຳລັບ​ໂຕເອງ+​ເຊິ່ງ​ເປັນ​ຊັບ​ສົມບັດ*​ທີ່​ຂ້ອຍ​ໄດ້​ມາ​ຈາກ​ພວກ​ກະສັດ​ແລະ​ຈາກ​ແຂວງ​ຕ່າງ​ໆ​.+ ຂ້ອຍ​ມີ​ນັກຮ້ອງ​ຊາຍ​ຍິງ​ຫຼາຍ​ຄົນ​ແລະ​ຂ້ອຍ​ກໍ​ມີ​ສິ່ງ​ທີ່​ເຮັດ​ໃຫ້​ມະນຸດ​ມ່ວນ​ຫຼາຍ​ເຊິ່ງ​ກໍ​ຄື​ຜູ້​ຍິງ. ຂ້ອຍ​ມີ​ເມຍ*​ຫຼາຍ​ຄົນ.