• ເອຊາຢາ 42:9
    ຄຳພີໄບເບິນສະບັບແປໂລກໃໝ່

    •  9 ສິ່ງ​ຕ່າງ​ໆ​ທີ່​ເຮົາ​ເຄີຍ​ບອກ​ໄວ້​ແຕ່​ດົນ​ໄດ້​ເກີດ​ຂຶ້ນ​ແລ້ວ.

      ຕອນນີ້ ເຮົາ​ຈະ​ບອກ​ເລື່ອງ​ໃໝ່​ທີ່​ຈະ​ເກີດ​ຂຶ້ນ​ໃນ​ອະນາຄົດ.

      ເຮົາ​ຈະ​ບອກ​ເຈົ້າ​ໃຫ້​ຮູ້​ກ່ອນ​ທີ່​ມັນ​ຈະ​ເກີດ​ຂຶ້ນ.”+

  • ເອຊາຢາ 46:9, 10
    ຄຳພີໄບເບິນສະບັບແປໂລກໃໝ່

    •  9 ໃຫ້​ຈື່​ສິ່ງ​ຕ່າງ​ໆ​ທີ່​ເຮົາ​ເຄີຍ​ເຮັດ​ແຕ່​ກີ້.*

      ເຮົາ​ແມ່ນ​ພະເຈົ້າ​ແລະ​ບໍ່​ມີ​ພະເຈົ້າ​ອື່ນ.

      ເຮົາ​ແມ່ນ​ພະເຈົ້າ​ແລະ​ບໍ່​ມີ​ໃຜ​ຄື​ເຮົາ.+

      10 ຕັ້ງແຕ່​ທຳອິດ​ເຮົາ​ບອກ​ລ່ວງ​ໜ້າ​ວ່າ​ຜົນ​ອອກ​ມາ​ຈະ​ເປັນ​ແນວໃດ

      ແລະ​ຕັ້ງແຕ່​ດົນ​ແລ້ວ ເຮົາ​ໄດ້​ບອກ​ລ່ວງ​ໜ້າ​ກ່ຽວກັບ​ສິ່ງ​ຕ່າງ​ໆ​ທີ່​ຍັງ​ບໍ່​ທັນ​ເກີດ​ຂຶ້ນ.+

      ເຮົາ​ບອກ​ວ່າ ‘ເຮົາ​ຕັດສິນໃຈ*​ແນວໃດ​ມັນ​ກໍ​ຈະ​ເປັນ​ຕາມ​ນັ້ນ+

      ແລະ​ເຮົາ​ຈະ​ເຮັດ​ຕາມ​ທີ່​ເຮົາ​ຕ້ອງການ.’+

  • ເອຊາຢາ 48:5
    ຄຳພີໄບເບິນສະບັບແປໂລກໃໝ່

    •  5 ເຮົາ​ຈຶ່ງ​ບອກ​ພວກເຈົ້າ​ຕັ້ງແຕ່​ດົນ​ແລ້ວ.

      ເຮົາ​ບອກ​ພວກເຈົ້າ​ຕະຫຼອດ​ກ່ອນ​ທີ່​ມັນ​ຈະ​ເກີດ​ຂຶ້ນ

      ເພື່ອ​ພວກເຈົ້າ​ຈະ​ບໍ່​ເວົ້າ​ວ່າ ‘ຮູບ​ບູຊາ​ຂອງ​ພວກ​ເຮົາ​ເຮັດ​ສິ່ງ​ນີ້.

      ຮູບ​ແກະ​ສະ​ຫຼັກ​ແລະ​ຮູບ​ຫຼໍ່​ທີ່​ເປັນ​ເຫຼັກ​ຂອງ​ພວກ​ເຮົາ​ສັ່ງ​ໃຫ້​ເຮັດ​ແບບ​ນີ້.’