• ເພງສັນລະເສີນ 25:7
    ຄຳພີໄບເບິນສະບັບແປໂລກໃໝ່

    •  7 ພະ​ເຢໂຫວາ​ເອີ້ຍ ຂໍ​ພະອົງ​ລືມ​ຄວາມ​ຜິດ​ທີ່​ລູກ​ເຮັດ​ຕັ້ງແຕ່​ຕອນ​ຍັງ​ໜຸ່ມ.

      ຂໍ​ພະອົງ​ຈື່​ລູກ​ຍ້ອນ​ພະອົງ​ມີ​ຄວາມ​ຮັກ​ທີ່​ໝັ້ນຄົງ+

      ແລະ​ຍ້ອນ​ພະອົງ​ເປັນ​ພະເຈົ້າ​ທີ່​ດີ​ຫຼາຍ.+

  • ເພງສັນລະເສີນ 79:8, 9
    ຄຳພີໄບເບິນສະບັບແປໂລກໃໝ່

    •  8 ຂໍ​ພະອົງ​ຢ່າ​ເອົາ​ໂທດ​ພວກເຮົາ ຍ້ອນ​ຄວາມ​ຜິດ​ທີ່​ປູ່ຍ່າຕານາຍ​ຂອງ​ພວກເຮົາ​ໄດ້​ເຮັດ.+

      ຂໍ​ພະອົງ​ເມດຕາ​ພວກເຮົາ​ໄວ​ໆ​+

      ຍ້ອນ​ພວກເຮົາ​ທຸກຍາກ​ລຳບາກ​ຫຼາຍ.

       9 ພະເຈົ້າ​ຜູ້​ຊ່ວຍ​ໃຫ້​ລອດ​ຂອງ​ພວກເຮົາ​ເອີ້ຍ+ ຂໍ​ພະອົງ​ຊ່ວຍ​ພວກເຮົາ​ແດ່

      ເພື່ອ​ເຫັນ​ແກ່​ຊື່​ທີ່​ຍິ່ງໃຫຍ່​ຂອງ​ພະອົງ.

      ຂໍ​ພະອົງ​ຊ່ວຍ​ພວກເຮົາ​ແລະ​ຍົກ​ໂທດ​ໃຫ້​ພວກເຮົາ*​ເພື່ອ​ເຫັນ​ແກ່​ຊື່​ຂອງ​ພະອົງ.+

  • ເອເຊກຽນ 20:9
    ຄຳພີໄບເບິນສະບັບແປໂລກໃໝ່

    • 9 ແຕ່​ເຮົາ​ອົດ​ໄວ້​ຍ້ອນ​ເຫັນ​ແກ່​ຊື່​ຂອງ​ເຮົາ. ເຮົາ​ບໍ່​ຢາກ​ໃຫ້​ຊື່​ນີ້​ຖືກ​ດູຖູກ​ຕໍ່​ໜ້າ​ຄົນ​ຊາດ​ຕ່າງ​ໆ​ທີ່​ເຂົາເຈົ້າ​ອາໄສ​ຢູ່​ນຳ.+ ຕອນ​ທີ່​ເຮົາ​ພາ​ເຂົາເຈົ້າ*​ອອກ​ມາ​ຈາກ​ເອຢິບ ເຮົາ​ເຮັດ​ໃຫ້​ເຂົາເຈົ້າຮູ້ຈັກ​ເຮົາ​ຕໍ່​ໜ້າ​ຊາດ​ຕ່າງ​ໆ​.+