8 ເຮເຊກີຢາ​ຖາມ​ເອຊາຢາ​ວ່າ: “ມີ​ຫຍັງ​ຢືນຢັນ+ວ່າ​ພະ​ເຢໂຫວາ​ຈະ​ປົວ​ຂ້ອຍ​ໃຫ້​ເຊົາ​ແລະ​ອີກ 3 ມື້​ຂ້ອຍ​ຈະ​ໄດ້​ໄປ​ວິຫານ​ຂອງ​ພະ​ເຢໂຫວາ?” 9 ເອຊາຢາ​ຕອບ​ວ່າ: “ພະ​ເຢໂຫວາ​ຈະ​ໃຫ້​ທ່ານ​ເຫັນ​ສິ່ງ​ຕໍ່​ໄປ​ນີ້​ເພື່ອ​ຢືນຢັນ​ວ່າ​ພະ​ເຢໂຫວາ​ຈະ​ເຮັດ​ຕາມ​ທີ່​ເພິ່ນ​ໄດ້​ເວົ້າ. ທ່ານ​ຢາກ​ໃຫ້​ເງົາ​ທີ່​ຢູ່​ຂັ້ນໄດ*ຍ້າຍ​ໄປ​ທາງໜ້າ 10 ຂັ້ນ​ຫຼື​ຢາກ​ໃຫ້​ຖອຍກັບຫຼັງ 10 ຂັ້ນ?”+ 10 ເຮເຊກີຢາ​ເວົ້າ​ວ່າ: “ເງົາ​ນີ້ຍ້າຍໄປ​ທາງໜ້າ 10 ຂັ້ນ​ໄດ້​ຢູ່​ແລ້ວ ແຕ່​ມັນ​ຖອຍຫຼັງ​ກັບ​ມາ 10 ຂັ້ນ​ບໍ່​ໄດ້​ດອກ.” 11 ຜູ້ພະຍາກອນ​ເອຊາຢາ​ຈຶ່ງ​ອະທິດຖານ​ຫາ​ພະ​ເຢໂຫວາ ແລະ​ເພິ່ນ​ໄດ້​ເຮັດ​ໃຫ້​ເງົາ​ທີ່​ສ່ອງ​ໃສ່​ຂັ້ນໄດ​ຂອງ​ອາຮາດ​ຖອຍກັບຫຼັງ 10 ຂັ້ນ ຫຼັງ​ຈາກ​ທີ່​ເງົາ​ນັ້ນ​ສ່ອງ​ກາຍ​ໄປ​ແລ້ວ.+