3 “ຕັ້ງແຕ່​ປີ​ທີ 13 ທີ່​ກະສັດ​ໂຢ​ສີ​ຢາ+​ລູກ​ຊາຍ​ຂອງ​ອາໂມນ​ປົກຄອງ​ຢູດາ​ຈົນ​ຮອດ​ທຸກ​ມື້​ນີ້​ກໍ​ໄດ້ 23 ປີ​ແລ້ວ ພະ​ເຢໂຫວາ​ໄດ້​ເວົ້າ​ກັບ​ຂ້ອຍ​ຕະຫຼອດ ແລະ​ຂ້ອຍ​ກໍ​ເວົ້າ​ກັບ​ພວກ​ເຈົ້າ​ເທື່ອ​ແລ້ວ​ເທື່ອ​ອີກ* ແຕ່​ພວກ​ເຈົ້າ​ກໍ​ບໍ່​ຍອມ​ຟັງ.+

15 ເຮົາ​ໄດ້​ສົ່ງ​ພວກ​ຜູ້​ພະຍາກອນ​ທີ່​ເປັນ​ຜູ້​ຮັບ​ໃຊ້​ຂອງ​ເຮົາ​ມາ​ຫາ​ພວກ​ເຈົ້າ​ເທື່ອ​ແລ້ວ​ເທື່ອ​ອີກ*+​ເພື່ອ​ບອກ​ວ່າ ‘ຂໍ​ໃຫ້​ພວກ​ເຈົ້າ​ແຕ່​ລະ​ຄົນ​ເຊົາ​ເຮັດ​ຊົ່ວ+​ແລະ​ໃຫ້​ເຮັດ​ສິ່ງ​ທີ່​ຖືກ​ຕ້ອງ! ຢ່າ​ໄປ​ຮັບ​ໃຊ້​ແລະ​ນະມັດສະການ​ພະເຈົ້າ​ອື່ນ​ເພື່ອ​ພວກ​ເຈົ້າ​ຈະ​ໄດ້​ຢູ່​ໃນ​ແຜ່ນດິນ​ທີ່​ເຮົາ​ເອົາ​ໃຫ້​ພວກ​ເຈົ້າ​ແລະ​ປູ່ຍ່າຕານາຍ​ຂອງ​ພວກ​ເຈົ້າ.’+ ແຕ່​ພວກ​ເຈົ້າ​ບໍ່​ໄດ້​ສົນໃຈ​ແລະ​ບໍ່​ຟັງ​ຄວາມ​ເຮົາ​ເລີຍ.