18 ຫົວ​ໜ້າ​ທະຫານ​ປ້ອງກັນ​ໂຕ​ກະສັດ​ໄດ້​ຈັບ​ເສຣາຢາ​+ທີ່​ເປັນ​ປະໂລຫິດ​ໃຫຍ່ ເຊຟານີຢາ+ທີ່​ເປັນ​ຜູ້​ຊ່ວຍປະໂລຫິດ​ໃຫຍ່ ແລະ​ຄົນ​ຍາມ​ປະຕູ 3 ຄົນ​ໄປ​ນຳ.+ 19 ນອກ​ຈາກ​ນັ້ນ ລາວ​ຍັງ​ໄດ້​ຈັບ​ຂ້າລາຊະການ​ຄົນ​ໜຶ່ງ​ທີ່​ເປັນ​ຜູ້​ບັນຊາ​ການ​ທະຫານ ທີ່​ປຶກສາ 5 ຄົນ​ຂອງ​ກະສັດ​ທີ່​ຍັງ​ຢູ່​ໃນ​ເມືອງ​ເຢຣູຊາເລັມ ເລຂາ​ຂອງ​ຫົວ​ໜ້າ​ກອງ​ທັບ​ທີ່​ຮັບຜິດຊອບ​ເກນຄົນ​ເຂົ້າ​ມາ​ເປັນ​ທະຫານ ແລະ​ປະຊາຊົນ 60 ຄົນ​ທີ່​ຍັງ​ຢູ່​ໃນ​ເມືອງ. 20 ເນບູຊາຣາດານ​+ທີ່​ເປັນ​ຫົວ​ໜ້າ​ທະຫານ​ປ້ອງກັນ​ໂຕ​ກະສັດ​ຈັບ​ຄົນ​ເຫຼົ່ານີ້​ໄປ​ໃຫ້​ກະສັດ​ບາບີໂລນ​ຢູ່​ເມືອງ​ຣິບລາ.+ 21 ກະສັດ​ບາບີໂລນ​ໄດ້​ຂ້າ​ເຂົາ​ເຈົ້າ​ຢູ່​ເມືອງ​ຣິບລາ​ໃນ​ເຂດ​ຮາມັດ.+ ພວກ​ຢູດາ​ຈຶ່ງຖືກ​ໄລ່ອອກ​ຈາກ​ແຜ່ນດິນ​ຂອງ​ໂຕເອງ ແລະ​ຖືກ​ຈັບ​ໄປ​ເປັນ​ຊະເລີຍ.+