• ເອັດຊະຣາ 9:6
    ຄຳພີໄບເບິນສະບັບແປໂລກໃໝ່

    • 6 ຂ້ອຍ​ອະທິດຖານ​ວ່າ: “ພະເຈົ້າ​ເອີ້ຍ ລູກ​ຮູ້ສຶກ​ອາຍ​ຫຼາຍ ລູກ​ຄິດ​ວ່າບໍ່ສົມຄວນ​ທີ່​ຈະ​ອະທິດຖານ​ຫາ​ພະອົງ. ພະເຈົ້າ​ເອີ້ຍ ຄວາມ​ຜິດ​ຂອງ​ພວກ​ເຮົາມີຫຼາຍ​ແທ້​ໆ​ຈົນ​ກອງ​ສູງ​ສ່ຳ​ຟ້າ.+

  • ດານີເອນ 9:7
    ຄຳພີໄບເບິນສະບັບແປໂລກໃໝ່

    • 7 ພະ​ເຢໂຫວາ ພະອົງ​ເຮັດ​ສິ່ງ​ທີ່​ຖືກຕ້ອງ​ສະເໝີ ແຕ່​ພວກ​ເຮົາ​ພັດ​ເຮັດ​ສິ່ງ​ທີ່​ເປັນ​ຕາ​ອາຍ​ຈົນ​ຮອດ​ທຸກ​ມື້​ນີ້. ພະອົງ​ເຮັດ​ໃຫ້​ຄົນ​ຢູດາ ຄົນ​ໃນ​ເມືອງ​ເຢຣູຊາເລັມ ແລະ​ພວກ​ອິດສະຣາເອນ​ທຸກ​ຄົນ​ກະຈັດ​ກະຈາຍ​ກັນ​ໄປ​ຢູ່​ທຸກ​ດິນແດນ​ທັງ​ໃກ້​ແລະ​ໄກ ຍ້ອນ​ເຂົາເຈົ້າ​ບໍ່​ສັດຊື່​ຕໍ່​ພະອົງ.+

  • ໂຮເຊອາ 9:10
    ຄຳພີໄບເບິນສະບັບແປໂລກໃໝ່

    • 10 ຕອນ​ທີ່​ເຮົາ​ເຈິ​ອິດສະຣາເອນ ເຂົາເຈົ້າ​ເປັນ​ຄື​ກັບ​ໝາກ​ລະແຊັງ​ຢູ່​ບ່ອນ​ກັນດານ.+

      ຕອນ​ທີ່​ເຮົາ​ເຫັນ​ປູ່ຍ່າຕານາຍ​ຂອງ​ເຂົາ​ເຈົ້າ ເຂົາເຈົ້າ​ເປັນ​ຄື​ໝາກເດື່ອ​ຊຸດ​ທຳອິດ​ຢູ່​ຕົ້ນ.

      ແຕ່​ເຂົາເຈົ້າ​ໄປ​ນະມັດສະການ​ພະ​ບາອານ​ທີ່​ຢູ່​ເປໂອ.+

      ເຂົາເຈົ້າ​ອຸທິດ​ໂຕເອງ​ໃຫ້​ສິ່ງ​ທີ່​ເປັນ​ຕາ​ໜ້າ​ອາຍ*+

      ແລະ​ເຂົາເຈົ້າ​ກໍ​ກາຍ​ເປັນ​ສິ່ງ​ທີ່​ເປັນ​ຕາ​ຂີ້ດຽດ​ຄື​ກັບ​ພະເຈົ້າ​ທີ່​ເຂົາເຈົ້າ​ນະມັດສະການ.