16 ແລ້ວ​ພວກ​ຟາຣີຊາຍ​ກັບ​ພວກ​ຊາດູກາຍ​ກໍ​ເຂົ້າ​ມາ​ທົດສອບ​ພະ​ເຢຊູ ເຂົາເຈົ້າ​ຂໍ​ໃຫ້​ເພິ່ນ​ເຮັດ​ການ​ອັດສະຈັນ​ໃນ​ທ້ອງຟ້າ​ໃຫ້​ເຂົາເຈົ້າ​ເຫັນ.+ 2 ພະ​ເຢຊູ​ບອກ​ເຂົາເຈົ້າ​ວ່າ: “ຕອນ​ແລງ ພວກ​ເຈົ້າ​ມັກ​ເວົ້າ​ວ່າ ‘ອາກາດ​ດີ​ຍ້ອນ​ຟ້າ​ເປັນ​ສີ​ແດງ’ 3 ແລະ​ຕອນ​ເຊົ້າ​ພວກ​ເຈົ້າ​ກໍ​ເວົ້າ​ວ່າ ‘ມື້​ນີ້​ຝົນ​ຊິ​ຕົກ​ແລະ​ອາກາດ​ຊິ​ໜາວ ຍ້ອນ​ຟ້າ​ເປັນ​ສີ​ແດງ​ແລະ​ມືດ​ຄຶ້ມ.’ ພວກ​ເຈົ້າ​ເບິ່ງ​ທ້ອງຟ້າ​ອອກ ແຕ່​ສິ່ງ​ທີ່​ກຳລັງ​ເກີດ​ຂຶ້ນ​ນີ້ ພວກ​ເຈົ້າ​ພັດ​ເບິ່ງ​ບໍ່​ອອກ​ວ່າ​ມັນ​ໝາຍເຖິງ​ຫຍັງ.