23 ເມື່ອ​ພວກ​ທະຫານ​ຄຶງ​ພະ​ເຢຊູ​ໄວ້​ເທິງ​ເສົາ​ແລ້ວ ເຂົາເຈົ້າ​ກໍ​ເອົາ​ເສື້ອ​ຄຸມ​ຂອງ​ເພິ່ນ​ມາ​ແບ່ງ​ເປັນ 4 ສ່ວນ ແລ້ວ​ເອົາ​ໄປ​ຄົນ​ລະ​ສ່ວນ. ແຕ່​ເມື່ອ​ເຂົາເຈົ້າ​ຈັບ​ເອົາ​ເສື້ອ​ໂຕ​ທາງ​ໃນ​ມາ ກໍ​ເຫັນ​ວ່າ​ເສື້ອ​ນັ້ນ​ບໍ່​ມີ​ຮອຍ​ຕໍ່ ຍ້ອນ​ຕ່ຳ​ເປັນ​ຜືນ​ດຽວ​ໝົດ​ໂຕ. 24 ເຂົາເຈົ້າ​ຈຶ່ງ​ເວົ້າ​ວ່າ: “ຢ່າ​ຈີກ​ເສື້ອ​ໂຕ​ນີ້ ໃຫ້​ຈົກ​ສະຫຼາກ​ເອົາ​ວ່າ​ໃຜ​ຊິ​ໄດ້.”+ ເລື່ອງ​ນີ້​ເປັນ​ໄປ​ຕາມ​ທີ່​ຂຽນ​ໄວ້​ໃນ​ພະຄຳພີ​ທີ່​ວ່າ: “ເຂົາເຈົ້າ​ເອົາ​ເຄື່ອງນຸ່ງ​ຂອງ​ລູກ​ມາ​ແບ່ງ​ກັນ ແລະ​ເອົາ​ເສື້ອ​ຜ້າ​ຂອງ​ລູກ​ມາ​ຈົກ​ສະຫຼາກ.”+ ພວກ​ທະຫານ​ກໍ​ເຮັດ​ແບບ​ນັ້ນ​ແທ້​ໆ​.