28 ພວກ​ເຈົ້າ​ຄິດ​ແນວ​ໃດ? ສົມມຸດ​ວ່າ​ຜູ້​ຊາຍ​ຄົນ​ໜຶ່ງ​ມີ​ລູກ 2 ຄົນ. ລາວ​ບອກ​ລູກກົກ​ວ່າ ‘ລູກ ມື້​ນີ້​ໄປ​ເຮັດ​ວຽກ​ຢູ່​ສວນ​ໝາກ​ລະແຊັງ​ເດີ້.’ 29 ລູກ​ຕອບ​ວ່າ ‘ບໍ່​ໄປ’ ແຕ່​ຕໍ່​ມາ​ລູກກົກ​ປ່ຽນ​ໃຈ​ແລ້ວ​ກໍ​ໄປ. 30 ຜູ້​ຊາຍ​ຄົນ​ນັ້ນ​ບອກ​ລູກ​ຜູ້​ທີ 2 ໃຫ້​ໄປ​ເຮັດ​ວຽກ​ຢູ່​ສວນ​ຄື​ກັນ. ລູກ​ຜູ້​ນີ້​ຕອບ​ວ່າ ‘ເຈົ້າ ລູກ​ຈະ​ໄປ’ ແຕ່​ພັດ​ບໍ່​ໄປ. 31 ລູກ 2 ຄົນ​ນີ້ ຜູ້​ໃດ​ເຮັດ​ຕາມ​ທີ່​ພໍ່​ຕ້ອງການ?” ເຂົາເຈົ້າ​ຕອບ​ວ່າ: “ລູກກົກ.” ພະ​ເຢຊູ​ບອກ​ເຂົາເຈົ້າ​ວ່າ: “ຂ້ອຍ​ຈະ​ບອກ​ໃຫ້​ຮູ້​ວ່າ ຄົນ​ເກັບ​ພາສີ​ແລະ​ໂສເພນີ​ຈະ​ມີ​ສ່ວນ​ໃນ​ການ​ປົກຄອງ​ຂອງ​ພະເຈົ້າ​ກ່ອນ​ພວກ​ເຈົ້າ​ອີກ.