ຫ້ອງສະໝຸດອອນລາຍຂອງວັອດສ໌ທາວເວີ້

ກິດຈະການ 22:3

ຄຳພີໄບເບິນສະບັບແປໂລກໃໝ່
- 3 “ຂ້ອຍເປັນຄົນຢິວ+ ເກີດຢູ່ເມືອງຕາໂຊໃນແຂວງກີລີເກຍ+ ແຕ່ຂ້ອຍມາຮຽນກັບຄາມາລີເອັນໃນເມືອງນີ້.+ ຂ້ອຍຖືກສອນຢ່າງເຄັ່ງຄັດຕາມກົດໝາຍທີ່ປູ່ຍ່າຕານາຍໄດ້ເຮັດມາ+ ແລະຂ້ອຍເອງກໍກະຕືລືລົ້ນໃນການຮັບໃຊ້ພະເຈົ້າຄືກັບພວກເຈົ້າທຸກຄົນທີ່ຢູ່ນີ້.+

ຟີລິບປອຍ 3:4-6

ຄຳພີໄບເບິນສະບັບແປໂລກໃໝ່
- 4 ແຕ່ຖ້າຜູ້ໃດມີເຫດຜົນທີ່ຈະວາງໃຈໃນສິ່ງທີ່ມະນຸດວາງໃຈ ຂ້ອຍກໍມີຄືກັນ.
  
  ຖ້າມີຜູ້ໃດຄິດວ່າລາວມີເຫດຜົນທີ່ຈະວາງໃຈໃນສິ່ງທີ່ມະນຸດວາງໃຈ ຂ້ອຍກໍແຮ່ງມີຫຼາຍກວ່າອີກ. 5 ຂ້ອຍຮັບສິນຕັດຕອນອາຍຸໄດ້ 8 ມື້.+ ຂ້ອຍເປັນຄົນອິດສະຣາເອນໃນຕະກູນເບັນຢາມິນ. ຂ້ອຍເປັນຄົນເຮັບເຣີແທ້ທີ່ເກີດຈາກພໍ່ແມ່ຄົນເຮັບເຣີ.+ ຂ້ອຍເປັນຟາຣີຊາຍທີ່ເຮັດຕາມກົດໝາຍຂອງໂມເຊຢ່າງເຄັ່ງຄັດ.+ 6 ຍ້ອນຂ້ອຍເອົາຈິງເອົາຈັງຫຼາຍ ຂ້ອຍຈຶ່ງຂົ່ມເຫງປະຊາຄົມຄລິດສະຕຽນ.+ ຂ້ອຍເຮັດຕາມກົດໝາຍຂອງໂມເຊແບບບໍ່ມີບ່ອນຕິເລີຍ.