11 ພະ​ເຢໂຫວາ​ໄດ້​ສ້າງ​ຟ້າ ໂລກ ທະເລ ແລະ​ທຸກ​ຢ່າງ​ທີ່​ຢູ່​ໃນ​ສິ່ງ​ເຫຼົ່າ​ນັ້ນ​ພາຍ​ໃນ 6 ມື້ ແລະ​ໃນ​ມື້​ທີ 7 ເພິ່ນ​ໄດ້​ພັກ​ຜ່ອນ.+ ຍ້ອນ​ແນວ​ນັ້ນ ພະ​ເຢໂຫວາ​ຈຶ່ງ​ອວຍພອນ​ໃຫ້​ວັນ​ຊະບາໂຕ​ເປັນ​ມື້​ສັກສິດ.

6 ພະ​ເຢໂຫວາ ພະອົງ​ຜູ້​ດຽວ​ເທົ່າ​ນັ້ນ​ທີ່​ເປັນ​ພະເຈົ້າ​ທ່ຽງແທ້.+ ພະອົງ​ເປັນ​ຜູ້​ສ້າງ​ສະຫວັນ​ທີ່​ກວ້າງ​ໃຫຍ່​ແລະທຸກ​ສິ່ງ​ທີ່​ຢູ່​ໃນ​ສະຫວັນ ພະອົງ​ສ້າງ​ໂລກ​ແລະ​ທຸກ​ສິ່ງ​ທີ່​ຢູ່​ໃນ​ໂລກ ພະອົງ​ສ້າງ​ທະເລ​ແລະ​ທຸກ​ສິ່ງ​ທີ່​ຢູ່​ໃນ​ທະເລ. ພະອົງ​ເຮັດ​ໃຫ້​ທຸກ​ສິ່ງ​ມີ​ຊີວິດ​ຢູ່​ຕໍ່​ໄປ​ໄດ້ ແລະ​ທຸກ​ສິ່ງ​ໃນ​ສະຫວັນ​ໝູບ​ໜ້າ​ລົງ​ນະມັດສະການ​ພະອົງ.