ກະສັດສະບັບທີໜຶ່ງ
6 ໃນປີທີ 480 ຫຼັງຈາກພວກອິດສະຣາເອນອອກຈາກເອຢິບ+ ເຊິ່ງແມ່ນປີທີ 4 ທີ່ກະສັດໂຊໂລໂມນປົກຄອງອິດສະຣາເອນ ໃນເດືອນຊິບ*+ (ນັ້ນແມ່ນເດືອນທີ 2) ໂຊໂລໂມນໄດ້ເລີ່ມສ້າງວິຫານຂອງພະເຢໂຫວາ.*+ 2 ວິຫານ*ທີ່ກະສັດໂຊໂລໂມນສ້າງໃຫ້ພະເຢໂຫວາຍາວ 60 ສອກ* ກວ້າງ 20 ສອກ* ແລະສູງ 30 ສອກ.*+ 3 ຫ້ອງທີ່ຢູ່ທາງເຂົ້າ+ທາງໜ້າກວ້າງ 20 ສອກ*ເຊິ່ງເທົ່າກັບຄວາມກວ້າງຂອງວິຫານ.* ຕັ້ງແຕ່ປະຕູທາງໜ້າຂອງຫ້ອງທີ່ຢູ່ທາງເຂົ້າຈົນຮອດປະຕູທາງໜ້າຂອງວິຫານ*ຍາວ 10 ສອກ.*
4 ລາວເຮັດປ່ອງຢ້ຽມຂອງວິຫານໃຫ້ມີຂອບນ້ອຍລົງໆ.*+ ປ່ອງຢ້ຽມເຫຼົ່ານີ້ຖ້າເບິ່ງຈາກທາງນອກຈະນ້ອຍກວ່າເບິ່ງຢູ່ທາງໃນ. 5 ລາວໄດ້ເຮັດຝາອີກຊັ້ນໜຶ່ງອ້ອມວິຫານທີ່ມີຫ້ອງບໍລິສຸດແລະຫ້ອງບໍລິສຸດທີ່ສຸດ+ ແລະຕາມຝານັ້ນລາວກໍຂັ້ນເປັນຫຼາຍໆຫ້ອງ.+ 6 ຊັ້ນທີ 1 ຂອງຫ້ອງກວ້າງ 5 ສອກ* ຊັ້ນທີ 2 ກວ້າງ 6 ສອກ* ແລະຊັ້ນທີ 3 ກວ້າງ 7 ສອກ.* ແຕ່ລະຊັ້ນ ລາວເຮັດເປັນພັກເພື່ອຈະເອົາໄມ້ໄປຢອງໃສ່ໄດ້ໂດຍທີ່ບໍ່ຕ້ອງເຈາະຝາຂອງວິຫານ.+
7 ເຂົາເຈົ້າສ້າງວິຫານດ້ວຍຫີນໃຫຍ່ໆທີ່ຕັດເປັນກ້ອນໄວ້ແລ້ວ +ເພື່ອຈະບໍ່ໄດ້ຍິນສຽງຄ້ອນຕີ ສຽງຂວານ ຫຼືສຽງເຄື່ອງມືຕ່າງໆທີ່ເປັນເຫຼັກໃນຕອນທີ່ສ້າງ. 8 ທາງເຂົ້າຂອງຊັ້ນທີ 1 ແມ່ນຢູ່ທາງທິດໃຕ້*ຂອງວິຫານ+ແລະມີຂັ້ນໄດຂຶ້ນໄປຊັ້ນທີ 2 ແລະຊັ້ນທີ 3. 9 ລາວໄດ້ສ້າງວິຫານ*ຈົນແລ້ວ.+ ລາວເອົາໄມ້ຊີດ້າ*ມາເຮັດເປັນຂື່ແລະເອົາໄມ້ແປ້ນທີ່ເປັນໄມ້ຊີດ້າມາມຸງຫຼັງຄາ.+ 10 ຢູ່ຕາມຝາອ້ອມວິຫານ ລາວຂັ້ນເປັນຫຼາຍໆຫ້ອງ+ ແຕ່ລະຫ້ອງສູງ 5 ສອກ*ແລະຕໍ່ກັບວິຫານດ້ວຍໄມ້ຊີດ້າ.
11 ໃນຕອນນັ້ນ ພະເຢໂຫວາເວົ້າກັບໂຊໂລໂມນວ່າ: 12 “ຖ້າເຈົ້າໃຊ້ຊີວິດຕາມກົດໝາຍຂອງເຮົາ ເຮັດຕາມການຕັດສິນຂອງເຮົາ ແລະເຊື່ອຟັງຄຳສັ່ງທຸກຢ່າງຂອງເຮົາ+ ເຈົ້າຈະໄດ້ເຫັນຄຳສັນຍາທີ່ເຮົາເຮັດກັບດາວິດພໍ່ຂອງເຈົ້າເກີດຂຶ້ນແທ້.+ 13 ເຮົາຈະຢູ່ໃນວິຫານທີ່ເຈົ້າກຳລັງສ້າງ. ນີ້ໝາຍຄວາມວ່າ ເຮົາຈະຢູ່ກັບພວກອິດສະຣາເອນທີ່ເປັນປະຊາຊົນຂອງເຮົາ+ແລະຈະບໍ່ປະຖິ້ມເຂົາເຈົ້າ.”+
14 ໂຊໂລໂມນສ້າງວິຫານຈົນແລ້ວ. 15 ລາວຕິດໄມ້ຊີດ້າອ້ອມຝາວິຫານທັງໝົດຕັ້ງແຕ່ພື້ນຈົນຮອດເພດານ ແລະປູພື້ນດ້ວຍໄມ້ຈູນິເປີ້.*+ 16 ຈາກຝາທາງຫຼັງຂອງວິຫານ ລາວແທກອອກມາ 20 ສອກ* ແລະເອົາໄມ້ຊີດ້າຂັ້ນຕັ້ງແຕ່ພື້ນຈົນຮອດເພດານເພື່ອເຮັດເປັນຫ້ອງບໍລິສຸດທີ່ສຸດ.+ 17 ສ່ວນ 40 ສອກ*ທີ່ຢູ່ທາງໜ້າຂອງຫ້ອງນີ້ແມ່ນຫ້ອງບໍລິສຸດ.*+ 18 ສຳລັບຝາທາງໃນທີ່ເປັນໄມ້ຊີດ້າ ລາວແກະສະຫຼັກຮູບໝາກໄມ້ທີ່ເປັນໜ່ວຍນ້ອຍໆມົນໆ+ແລະຮູບດອກໄມ້ບານ+ໃສ່. ຝາທາງໃນເປັນໄມ້ຊີດ້າທັງໝົດແລະແນມບໍ່ເຫັນກ້ອນຫີນ.
19 ໂຊໂລໂມນສ້າງຫ້ອງບໍລິສຸດທີ່ສຸດ+ເພື່ອເອົາຫີບສັນຍາຂອງພະເຢໂຫວາໄວ້ຢູ່ຫັ້ນ.+ 20 ຫ້ອງບໍລິສຸດທີ່ສຸດຍາວ 20 ສອກ* ກວ້າງ 20 ສອກ ແລະສູງ 20 ສອກ.+ ລາວເອົາຄຳແທ້ໂອບຫ້ອງນີ້ແລະເອົາໄມ້ຊີດ້າມາຫຸ້ມແທ່ນບູຊາ.+ 21 ໂຊໂລໂມນເອົາຄຳແທ້+ໂອບທາງໃນວິຫານທັງໝົດແລະເອົາໂສ້ຄຳຕັນໄວ້ທາງໜ້າຫ້ອງບໍລິສຸດທີ່ສຸດ.+ ຫ້ອງນັ້ນໂອບດ້ວຍຄຳຄືກັນ. 22 ລາວເອົາຄຳໂອບວິຫານ*ທັງໝົດແລະຍັງເອົາຄຳໂອບແທ່ນບູຊາ+ທີ່ຢູ່ໃກ້ກັບຫ້ອງບໍລິສຸດທີ່ສຸດນຳອີກ.
23 ໂຊໂລໂມນເອົາໄມ້ແປກ*ມາເຮັດເຄຣູບ+ 2 ອົງ ແຕ່ລະອົງສູງ 10 ສອກ*+ ແລ້ວເອົາໄປຕັ້ງໄວ້ໃນຫ້ອງບໍລິສຸດທີ່ສຸດ. 24 ປີກແຕ່ລະເບື້ອງຂອງເຄຣູບແທກໄດ້ 5 ສອກ.* ສົ້ນປີກເບື້ອງໜຶ່ງຫາສົ້ນປີກອີກເບື້ອງໜຶ່ງແທກໄດ້ 10 ສອກ.* 25 ເຄຣູບອີກອົງໜຶ່ງກໍແທກໄດ້ 10 ສອກ*ຄືກັນ. ເຄຣູບ 2 ອົງນີ້ມີຮູບຮ່າງແລະຂະໜາດສ່ຳກັນ. 26 ເຄຣູບອົງໜຶ່ງສູງ 10 ສອກ*ແລະເຄຣູບອີກອົງໜຶ່ງກໍສູງສ່ຳກັນ. 27 ແລ້ວໂຊໂລໂມນກໍເອົາເຄຣູບ 2 ອົງນີ້+ໄປຕັ້ງໄວ້ໃນຫ້ອງບໍລິສຸດທີ່ສຸດ. ເຄຣູບ 2 ອົງນີ້ພືປີກອອກ. ປີກເບື້ອງໜຶ່ງຂອງເຄຣູບອົງໜຶ່ງຈຸຝາເບື້ອງນີ້ ແລະປີກເບື້ອງໜຶ່ງຂອງເຄຣູບອີກອົງໜຶ່ງຈຸຝາເບື້ອງນັ້ນ ແລະປີກອີກເບື້ອງໜຶ່ງຂອງທັງສອງອົງຈຸກັນຢູ່ເຄິ່ງກາງຫ້ອງບໍລິສຸດທີ່ສຸດ. 28 ໂຊໂລໂມນເອົາຄຳໂອບເຄຣູບ 2 ອົງນີ້.
29 ໂຊໂລໂມນໄດ້ແກະສະຫຼັກຮູບເຄຣູບ+ ຮູບຕົ້ນປາມ+ ແລະຮູບດອກໄມ້ບານ+ໃສ່ເຕັມຝາໃນຫ້ອງບໍລິສຸດທີ່ສຸດແລະຝາໃນຫ້ອງບໍລິສຸດ. 30 ໂຊໂລໂມນເອົາຄຳເປັນແຜ່ນຕິດໃສ່ພື້ນຂອງຫ້ອງບໍລິສຸດທີ່ສຸດແລະຫ້ອງບໍລິສຸດ. 31 ຝາທີ່ຂັ້ນ 2 ຫ້ອງນີ້ມີ 5 ສ່ວນເທົ່າກັນ. 1 ສ່ວນຂອງຝານັ້ນແມ່ນທາງເຂົ້າຫ້ອງບໍລິສຸດທີ່ສຸດ. ທາງເຂົ້ານີ້ມີປະຕູໄມ້ແປກ ເສົາທີ່ຕິດກັບຝາ ແລະຂອບປະຕູ. 32 ລາວແກະສະຫຼັກຮູບເຄຣູບ ຮູບຕົ້ນປາມ ແລະຮູບດອກໄມ້ບານໃສ່ປະຕູໄມ້ແປກທັງສອງບານ. ລາວເອົາຄຳໂອບປະຕູທັງສອງບານ ໂອບຮູບເຄຣູບ ແລະໂອບຮູບຕົ້ນປາມນຳ. 33 ສຳລັບປະຕູທາງເຂົ້າຂອງຫ້ອງບໍລິສຸດ ລາວເອົາໄມ້ແປກມາເຮັດຂອບປະຕູເຊິ່ງເປັນສ່ວນທີ 4.* 34 ລາວເອົາໄມ້ຈູນິເປີ້ມາເຮັດປະຕູ 2 ບານ ແລະປະຕູແຕ່ລະບານກໍພັບໄດ້.+ 35 ລາວແກະສະຫຼັກຮູບເຄຣູບ ຮູບຕົ້ນປາມ ແລະຮູບດອກໄມ້ບານໃສ່ປະຕູແລ້ວເອົາແຜ່ນຄຳມາໂອບໃສ່ຮູບທີ່ແກະສະຫຼັກນັ້ນ.
36 ລາວສ້າງກຳແພງອ້ອມເດີ່ນທາງໃນ+ທີ່ມີຫີນເປັນກ້ອນຢອງກັນ 3 ຊັ້ນແລະມີຊັ້ນໜຶ່ງເປັນໄມ້ຊີດ້າ.+
37 ໃນເດືອນຊິບຂອງປີທີ 4 ທີ່ໂຊໂລໂມນປົກຄອງ ລາວໄດ້ວາງຮາກຖານວິຫານຂອງພະເຢໂຫວາ.+ 38 ໃນເດືອນບູເຣ* (ເຊິ່ງແມ່ນເດືອນທີ 8) ຂອງປີທີ 11 ທີ່ໂຊໂລໂມນປົກຄອງ ລາວໄດ້ສ້າງວິຫານແລ້ວຕາມລາຍລະອຽດທຸກຢ່າງ.+ ລາວໃຊ້ເວລາ 7 ປີເພື່ອສ້າງວິຫານ.