ພວກຜູ້ຕັດສິນ
2 ທູດສະຫວັນຂອງພະເຢໂຫວາ+ໄດ້ອອກຈາກກິນການ+ໄປໂບກີມ ແລະເວົ້າກັບພວກອິດສະຣາເອນວ່າ: “ເຮົາພາພວກເຈົ້າອອກຈາກເອຢິບມາຮອດແຜ່ນດິນທີ່ເຮົາສັນຍາໄວ້ກັບປູ່ຍ່າຕານາຍຂອງພວກເຈົ້າແລ້ວ.+ ເຮົາໄດ້ບອກພວກເຈົ້າວ່າ ‘ເຮົາຈະບໍ່ມີທາງເຮັດຜິດສັນຍາທີ່ເຮົາໄດ້ເຮັດກັບພວກເຈົ້າ.+ 2 ສ່ວນພວກເຈົ້າກໍຫ້າມເຮັດສັນຍາກັບຄົນຕ່າງຊາດທີ່ຢູ່ໃນແຜ່ນດິນນີ້+ ແລະຕ້ອງທຳລາຍແທ່ນບູຊາຂອງພວກເຂົາ.’+ ແຕ່ພວກເຈົ້າພັດບໍ່ເຊື່ອຟັງເຮົາ.+ ເປັນຫຍັງພວກເຈົ້າຄືເຮັດແນວນີ້? 3 ເຮົາຈຶ່ງເວົ້າວ່າ ‘ເຮົາຈະບໍ່ຊ່ວຍພວກເຈົ້າຂັບໄລ່ພວກເຂົາອອກໄປ.+ ພວກເຂົາຈະວາງກັບດັກຈັບພວກເຈົ້າ+ ແລະພວກເຂົາຈະລໍ້ພວກເຈົ້າໃຫ້ໄປຂາບໄຫວ້ພະເຈົ້າຂອງພວກເຂົາ.’”+
4 ເມື່ອທູດສະຫວັນຂອງພະເຢໂຫວາເວົ້າແນວນັ້ນໃຫ້ພວກອິດສະຣາເອນຟັງ ເຂົາເຈົ້າກໍພາກັນຮ້ອງໄຫ້ສຽງດັງ. 5 ເຂົາເຈົ້າຈຶ່ງເອີ້ນບ່ອນນັ້ນວ່າໂບກີມ* ແລ້ວກໍເອົາເຄື່ອງບູຊາຕ່າງໆໃຫ້ພະເຢໂຫວາຢູ່ຫັ້ນ.
6 ເມື່ອໂຢຊວຍໃຫ້ພວກອິດສະຣາເອນກັບເມືອ ເຂົາເຈົ້າກໍແຍກຍ້າຍກັນໄປຢູ່ດິນມູນຂອງໂຕເອງ.+ 7 ເຂົາເຈົ້າຮັບໃຊ້ພະເຢໂຫວາຕະຫຼອດຊີວິດຂອງໂຢຊວຍ ແລະຕະຫຼອດຊີວິດຂອງພວກຜູ້ນຳທີ່ອາຍຸຍືນກວ່າໂຢຊວຍ ເຊິ່ງໄດ້ເຫັນສິ່ງດີຕ່າງໆທີ່ພະເຢໂຫວາເຮັດເພື່ອພວກອິດສະຣາເອນ.+ 8 ແລ້ວໂຢຊວຍທີ່ເປັນລູກຊາຍຂອງນູນແລະເປັນຜູ້ຮັບໃຊ້ຂອງພະເຢໂຫວາກໍຕາຍຕອນອາຍຸ 110 ປີ.+ 9 ພວກອິດສະຣາເອນເອົາສົບຂອງລາວໄປຝັງໄວ້ຢູ່ເມືອງຕິມນັດເຂເຣັດ*+ ເຊິ່ງຢູ່ໃນເຂດທີ່ໂຢຊວຍໄດ້ຮັບເປັນມໍລະດົກໃນເຂດພູຂອງຕະກູນເອຟຣາຢິມທີ່ຢູ່ທາງເໜືອຂອງພູກາອາດ.+ 10 ຫຼັງຈາກນັ້ນ ຄົນທີ່ມີຊີວິດຢູ່ໃນສະໄໝຂອງໂຢຊວຍກໍຕາຍໝົດ. ຄົນລຸ້ນໃໝ່ທີ່ເກີດມາເປັນຄົນທີ່ບໍ່ຮູ້ຈັກພະເຢໂຫວາ ແລະບໍ່ຮູ້ກ່ຽວກັບສິ່ງທີ່ເພິ່ນເຮັດເພື່ອພວກອິດສະຣາເອນເລີຍ.
11 ພວກອິດສະຣາເອນເຮັດສິ່ງທີ່ພະເຢໂຫວາເຫັນວ່າຊົ່ວ ແລະໄປນະມັດສະການພະບາອານ.+ 12 ເຂົາເຈົ້າປະຖິ້ມພະເຢໂຫວາທີ່ເປັນພະເຈົ້າຂອງປູ່ຍ່າຕານາຍຂອງເຂົາເຈົ້າ ແລະເປັນຜູ້ທີ່ພາເຂົາເຈົ້າອອກມາຈາກເອຢິບ.+ ເຂົາເຈົ້າໄປນະມັດສະການພະເຈົ້າອື່ນໆເຊິ່ງເປັນພະເຈົ້າຂອງຊາດຕ່າງໆທີ່ຢູ່ອ້ອມຂ້າງ.+ ເຂົາເຈົ້າໄປຂາບໄຫວ້ພະເຈົ້າເຫຼົ່ານັ້ນ ແລະເຮັດໃຫ້ພະເຢໂຫວາໃຈຮ້າຍຫຼາຍ.+ 13 ເຂົາເຈົ້າປະຖິ້ມພະເຢໂຫວາແລະໄປຂາບໄຫວ້ຮູບພະບາອານກັບຮູບພະອັດຊະໂຕເຣດ.*+ 14 ພະເຢໂຫວາໃຈຮ້າຍໃຫ້ພວກອິດສະຣາເອນຫຼາຍ. ເພິ່ນຈຶ່ງປ່ອຍໃຫ້ພວກສັດຕູມາໂຈມຕີແລະປຸ້ນເອົາເຄື່ອງຂອງຂອງເຂົາເຈົ້າໄປ. + ເພິ່ນມອບ*ເຂົາເຈົ້າໄວ້ໃນມືພວກສັດຕູທີ່ຢູ່ອ້ອມຂ້າງ+ ແລະເຂົາເຈົ້າກໍຕ້ານທານສັດຕູບໍ່ໄດ້ອີກຕໍ່ໄປ.+ 15 ບໍ່ວ່າເຂົາເຈົ້າຈະໄປໃສ ພະເຢໂຫວາກໍຂັດຂວາງເຂົາເຈົ້າ ແລະເຂົາເຈົ້າກໍເຈິຄວາມຈິບຫາຍຄືກັບທີ່ພະເຢໂຫວາເວົ້າໄວ້+ ແລະຄືກັບທີ່ພະເຢໂຫວາສາບານໄວ້ກັບເຂົາເຈົ້າ.+ ພວກອິດສະຣາເອນທຸກລຳບາກຫຼາຍ.+ 16 ພະເຢໂຫວາຈຶ່ງເລືອກພວກຜູ້ຕັດສິນໃຫ້ມາຊ່ວຍເຂົາເຈົ້າໃຫ້ລອດຈາກພວກສັດຕູທີ່ມາປຸ້ນ.+
17 ແຕ່ພວກອິດສະຣາເອນບໍ່ຟັງພວກຜູ້ຕັດສິນ. ຄືກັບແມ່ຈ້າງ ເຂົາເຈົ້າຂາຍໂຕໃຫ້ພະເຈົ້າອື່ນແລະຂາບໄຫວ້ພະເຈົ້າເຫຼົ່ານັ້ນ. ເຖິງວ່າປູ່ຍ່າຕານາຍຂອງເຂົາເຈົ້າເຊື່ອຟັງຄຳສັ່ງຂອງພະເຢໂຫວາ+ ແຕ່ເຂົາເຈົ້າພັດປະຖິ້ມແນວທາງຊີວິດຂອງປູ່ຍ່າຕານາຍຂອງເຂົາເຈົ້າໄວຫຼາຍ. ເຂົາເຈົ້າບໍ່ເຊື່ອຟັງພະເຈົ້າ. 18 ເມື່ອເຂົາເຈົ້າຮ້ອງຄາງຍ້ອນຜູ້ອື່ນກົດຂີ່+ແລະເຮັດກັບເຂົາເຈົ້າແບບໂຫດຮ້າຍ ພະເຢໂຫວາກໍອີ່ຕົນ+ເຂົາເຈົ້າ. ພະເຢໂຫວາຈຶ່ງເລືອກພວກຜູ້ຕັດສິນມາຊ່ວຍເຂົາເຈົ້າ.+ ພະເຢໂຫວາຈະຢູ່ນຳຜູ້ຕັດສິນແຕ່ລະຄົນຕະຫຼອດຊີວິດຂອງຜູ້ນັ້ນ ແລະຊ່ວຍພວກອິດສະຣາເອນໃຫ້ລອດຈາກມືຂອງພວກສັດຕູ.
19 ແຕ່ຫຼັງຈາກຜູ້ຕັດສິນຕາຍໄປ ພວກອິດສະຣາເອນແຮ່ງເຮັດຊົ່ວໜັກກວ່າປູ່ຍ່າຕານາຍຂອງເຂົາເຈົ້າອີກ. ເຂົາເຈົ້າໄປນະມັດສະການແລະຂາບໄຫວ້ພະເຈົ້າອື່ນໆ.+ ເຂົາເຈົ້າບໍ່ຍອມເຊົາເຮັດແນວນັ້ນແລະຍັງຫົວແຂງຕໍ່ໄປ. 20 ພະເຢໂຫວາຈຶ່ງໃຈຮ້າຍຫຼາຍໃຫ້ພວກອິດສະຣາເອນ+ແລະບອກວ່າ: “ຄົນພວກນີ້ບໍ່ເຮັດຕາມສັນຍາ+ທີ່ເຮົາເຮັດກັບປູ່ຍ່າຕານາຍຂອງເຂົາເຈົ້າ ແລະບໍ່ໄດ້ເຊື່ອຟັງເຮົາ.+ 21 ຄັນຊັ້ນ ຊາດຕ່າງໆທີ່ຍັງຢູ່ນຳເຂົາເຈົ້າເຊິ່ງໂຢຊວຍຍັງບໍ່ທັນໄດ້ຂັບໄລ່ອອກໄປເທື່ອ ເຮົາຈະບໍ່ຊ່ວຍເຂົາເຈົ້າຂັບໄລ່ອອກໄປແມ່ນແຕ່ຊາດດຽວ.+ 22 ເຮົາຈະເຮັດແນວນີ້ເພື່ອທົດສອບພວກອິດສະຣາເອນວ່າ ເຂົາເຈົ້າຈະໃຊ້ຊີວິດຕາມແນວທາງຂອງພະເຢໂຫວາ+ຄືກັບປູ່ຍ່າຕານາຍຂອງເຂົາເຈົ້າຫຼືບໍ່.” 23 ຊາດຕ່າງໆທີ່ພະເຢໂຫວາບໍ່ໄດ້ຊ່ວຍໂຢຊວຍຂັບໄລ່ອອກໄປນັ້ນຈຶ່ງຢູ່ນຳເຂົາເຈົ້າຕໍ່ໄປ. ເພິ່ນບໍ່ໄດ້ຂັບໄລ່ຊາດເຫຼົ່ານັ້ນອອກໄປໄວໆ.