ປະຖົມມະການ
23 ຊາຣາຕາຍຕອນອາຍຸ 127 ປີ.+ 2 ຊາຣາຕາຍຢູ່ເມືອງກີຣິອາດອາຣະບາ+ ເຊິ່ງມີອີກຊື່ໜຶ່ງວ່າເມືອງເຮັບໂຣນ+ໃນແຜ່ນດິນການາອານ.+ ອັບຣາຮາມຮ້ອງໄຫ້ເສຍໃຈຫຼາຍຍ້ອນຊາຣາ. 3 ແລ້ວອັບຣາຮາມກໍລຸກອອກຈາກສົບຂອງເມຍ ແລະເວົ້າກັບລູກຫຼານຂອງເຮດ+ວ່າ: 4 “ຂ້ອຍເປັນຄົນຕ່າງຊາດທີ່ອາໄສຢູ່ນຳພວກເຈົ້າ.+ ຂໍໃຫ້ຂ້ອຍມີດິນຈັກຕອນໜຶ່ງເພື່ອຈະເປັນບ່ອນຝັງສົບໄດ້ບໍ? ແລ້ວຂ້ອຍຈະເອົາສົບຂອງເມຍໄປຝັງໄວ້ຫັ້ນ.” 5 ລູກຫຼານຂອງເຮດຕອບອັບຣາຮາມວ່າ: 6 “ທ່ານເອີ້ຍ ທ່ານເປັນເຖິງຫົວໜ້າທີ່ພະເຈົ້າເລືອກ*+ ທ່ານເຫັນວ່າບ່ອນໃດດີທີ່ຈະຝັງສົບເມຍຂອງທ່ານກໍເລືອກເອົາໂລດ. ພວກເຮົາທຸກຄົນຍິນດີເອົາດິນໃຫ້ທ່ານເພື່ອຝັງສົບເມຍ.”
7 ອັບຣາຮາມລຸກຂຶ້ນແລະກົ້ມຄຳນັບລູກຫຼານຂອງເຮດ+ 8 ແລ້ວເວົ້າກັບເຂົາເຈົ້າວ່າ: “ຖ້າພວກເຈົ້າເຫັນດີໃຫ້ຂ້ອຍມີບ່ອນຝັງສົບເມຍຂອງຂ້ອຍ ຂໍໃຫ້ພວກເຈົ້າໄປເວົ້າກັບເອຟະໂຣນລູກຊາຍຂອງໂຊຮາ 9 ໃຫ້ຂາຍຖ້ຳຢູ່ມັກເປລາໃຫ້ຂ້ອຍ. ຖ້ຳນັ້ນຢູ່ສຸດດິນຂອງລາວ. ຂໍໃຫ້ລາວຂາຍໃຫ້ຂ້ອຍໃນລາຄາເຕັມ+ ແລ້ວຂ້ອຍຈະມີດິນໄວ້ເປັນບ່ອນຝັງສົບ.”+
10 ຕອນນັ້ນ ເອຟະໂຣນນັ່ງຢູ່ນຳກັນກັບລູກຫຼານຂອງເຮດ. ເອຟະໂຣນຄົນເຮດກໍເລີຍຕອບອັບຣາຮາມໃຫ້ລູກຫຼານຂອງເຮດ ແລະທຸກຄົນທີ່ຢູ່ປະຕູເມືອງ+ໄດ້ຍິນນຳກັນວ່າ: 11 “ຟັງຂ້ອຍເດີ້ທ່ານເອີ້ຍ. ບໍ່ຕ້ອງຊື້ກໍໄດ້. ຂ້ອຍຈະເອົາດິນກັບຖ້ຳນັ້ນໃຫ້ທ່ານເລີຍ. ຂ້ອຍຈະເອົາດິນຕອນນັ້ນໃຫ້ທ່ານຕໍ່ໜ້າລູກຫຼານຂອງຂ້ອຍ ເພື່ອໃຫ້ທ່ານຝັງສົບເມຍຂອງທ່ານ.” 12 ອັບຣາຮາມກໍກົ້ມຄຳນັບຕໍ່ໜ້າທຸກຄົນທີ່ຢູ່ຫັ້ນ 13 ແລະເວົ້າກັບເອຟະໂຣນໃຫ້ທຸກຄົນຢູ່ຫັ້ນໄດ້ຍິນວ່າ: “ເອົາຈັ່ງຊີ້ເນາະ ຂ້ອຍຈະຊື້ນຳເຈົ້າຕາມລາຄາຂອງດິນ. ເອົາເງິນໄປໂລດ ແລ້ວຂ້ອຍຈະໄດ້ຝັງສົບເມຍຂອງຂ້ອຍຢູ່ຫັ້ນ.”
14 ເອຟະໂຣນຕອບອັບຣາຮາມວ່າ: 15 “ທ່ານເອີ້ຍ ດິນນັ້ນລາຄາ 400 ເຊເກນ* ແຕ່ວ່າມັນກໍບໍ່ສຳຄັນຫຍັງດອກ. ເອົາສົບເມຍຂອງທ່ານໄປຝັງຢູ່ຫັ້ນໂລດ.” 16 ເມື່ອອັບຣາຮາມໄດ້ຍິນແນວນັ້ນ ລາວກໍເອົາເງິນໃຫ້ເອຟະໂຣນ ຕາມຈຳນວນເງິນທີ່ເອຟະໂຣນໄດ້ເວົ້າຕໍ່ໜ້າພວກລູກຫຼານເຮດ. ເງິນ 400 ເຊເກນ*ນີ້ເປັນນ້ຳໜັກຕາມຕາຊິງທີ່ພວກພໍ່ຄ້າໃຊ້.+ 17 ດິນຂອງເອຟະໂຣນຢູ່ມັກເປລາເຊິ່ງຢູ່ໃກ້ມາມເຣ. ດິນຕອນນັ້ນມີທັງຖ້ຳແລະປ່າໄມ້ເຊິ່ງຖືກຮັບຮອງວ່າ 18 ເປັນຂອງອັບຣາຮາມທີ່ໄດ້ຊື້ຈາກລູກຫຼານຂອງເຮດຕໍ່ໜ້າທຸກຄົນທີ່ຢູ່ປະຕູເມືອງ. 19 ຫຼັງຈາກນັ້ນ ອັບຣາຮາມໄດ້ເອົາສົບຂອງຊາຣາໄປຝັງໄວ້ໃນຖ້ຳຢູ່ທົ່ງມັກເປລາທີ່ຢູ່ໃກ້ມາມເຣ ເຊິ່ງຢູ່ເມືອງເຮັບໂຣນໃນແຜ່ນດິນການາອານ. 20 ພວກລູກຫຼານເຮດກໍໄດ້ໂອນດິນແລະຖ້ຳໃຫ້ອັບຣາຮາມເພື່ອເປັນບ່ອນຝັງສົບ.+