ປະຖົມມະການ
46 ອິດສະຣາເອນພາທຸກຄົນໃນຄອບຄົວແລະເອົາຊັບສົມບັດທຸກຢ່າງທີ່ມີ ແລ້ວອອກເດີນທາງໄປ. ເມື່ອຮອດເບເອເຊບາ+ ລາວໄດ້ເອົາເຄື່ອງບູຊາໃຫ້ພະເຈົ້າຂອງອີຊາກພໍ່ຂອງລາວ.+ 2 ເມື່ອຮອດຕອນກາງຄືນ ພະເຈົ້າມາເວົ້າກັບອິດສະຣາເອນໂດຍທາງນິມິດ*ວ່າ: “ຢາໂຄບ ຢາໂຄບເອີ້ຍ!” ລາວຕອບວ່າ: “ໂດຍ ລູກຢູ່ນີ້!” 3 ເພິ່ນເວົ້າວ່າ: “ເຮົາແມ່ນພະເຈົ້າທ່ຽງແທ້ ເຮົາເປັນພະເຈົ້າຂອງພໍ່ເຈົ້າ.+ ບໍ່ຕ້ອງຢ້ານເດີ້ທີ່ຈະໄປເອຢິບ ຍ້ອນວ່າເຮົາຈະໃຫ້ລູກຫຼານຂອງເຈົ້າກາຍເປັນຊາດໃຫຍ່ຢູ່ຫັ້ນ.+ 4 ເຮົາຈະໄປເອຢິບນຳເຈົ້າ ແລະຈະພາເຈົ້າກັບມາຈາກຫັ້ນ.+ ເມື່ອເຈົ້າຕາຍ ໂຢເຊັບກໍຈະຢູ່ຄຽງຂ້າງເຈົ້າ.”*+
5 ແລ້ວຢາໂຄບກໍເດີນທາງອອກຈາກເບເອເຊບາ. ພວກລູກຊາຍຂອງຢາໂຄບ*ໃຫ້ພໍ່ແລະລູກກັບເມຍຂີ່ກວຽນທີ່ຟາໂຣ*ສົ່ງມາໃຫ້. 6 ເຂົາເຈົ້າເອົາຝູງສັດແລະຊັບສົມບັດທີ່ສະສົມຢູ່ການາອານໄປນຳ. ແລ້ວຢາໂຄບກັບລູກຫຼານຂອງລາວທຸກຄົນກໍໄປເອຢິບ. 7 ລາວພາລູກຫຼານທຸກຄົນໄປຮອດເອຢິບ ທັງລູກຊາຍກັບລູກສາວແລະຫຼານຊາຍກັບຫຼານສາວ.
8 ນີ້ແມ່ນລາຍຊື່ຂອງລູກຫຼານອິດສະຣາເອນທີ່ຍ້າຍມາຢູ່ເອຢິບ.+ ເຂົາເຈົ້າແມ່ນລູກຊາຍຂອງຢາໂຄບ. ຊື່ຂອງເຂົາເຈົ້າມີດັ່ງນີ້. ລູກກົກຂອງຢາໂຄບຊື່ຣູເບັນ.+
9 ຣູເບັນມີລູກຊາຍຊື່ຮາໂນກ ປານລູ ເຮຊະໂຣນ ແລະກາມີ.+
10 ຊີເມໂອນ+ມີລູກຊາຍຊື່ເຢມູເອນ ຢາມິນ ໂອຮາດ ຢາກິນ ໂຊຮາ ແລະຊາອູນ+ທີ່ເປັນລູກຂອງຜູ້ຍິງຄົນການາອານ.
11 ເລວີ+ມີລູກຊາຍຊື່ເກໂຊນ ໂກຮາດ ແລະເມຣາຣີ.+
12 ຢູດາ+ມີລູກຊາຍຊື່ເອຣະ ໂອນານ ເຊລາ+ ເປເຣດ+ ແລະເຊຣາ.+ ແຕ່ເອຣະກັບໂອນານ ຕາຍຢູ່ແຜ່ນດິນການາອານ.+
ເປເຣດມີລູກຊາຍຊື່ເຮຊະໂຣນ ແລະຮາມູນ.+
13 ອິດຊາຄາມີລູກຊາຍຊື່ໂຕລາ ປູວາ ອີໂອບ ແລະຊິມໂຣນ.+
14 ເຊບູລູນ+ມີລູກຊາຍຊື່ເສເຣັດ ເອໂລນ ແລະຢາເລເອນ.+
15 ຄົນເຫຼົ່ານີ້ກັບດີນາແມ່ນລູກທີ່ເລອາມີກັບຢາໂຄບໃນປາດັນອາລຳ.+ ລູກຫຼານຊາຍຍິງທີ່ເກີດຈາກເລອາມີທັງໝົດ 33 ຄົນ.
16 ຄາດ+ມີລູກຊາຍຊື່ຊິຟີໂອນ ຮັກກີ ຊູນີ ເອັດຊະໂບນ ເອຣີ ອາໂຣດ ແລະອາເລລີ.+
17 ອາເຊ+ມີລູກຊາຍຊື່ອິມນ້າ ອີຊະວາ ອີຊະວີ ເບຣິອາ ແລະມີລູກສາວຜູ້ໜຶ່ງຊື່ເຊຣາ.
ເບຣິອາມີລູກຊາຍຊື່ເຮເບ ແລະມັນກີເອນ.+
18 ຄົນເຫຼົ່ານີ້ແມ່ນລູກຊາຍແລະຫຼານທີ່ຊີລະປາ+ມີກັບຢາໂຄບ ລວມທັງໝົດມີ 16 ຄົນ. ຊີລະປາເປັນສາວໃຊ້ທີ່ລາບານຍົກໃຫ້ເລອາລູກສາວຂອງລາວ.
19 ລູກຊາຍທີ່ຢາໂຄບມີກັບຣາເຄນຊື່ໂຢເຊັບ+ ແລະເບັນຢາມິນ.+
20 ໂຢເຊັບມີລູກກັບອາເສນັດໃນແຜ່ນດິນເອຢິບຊື່ມານາເຊ+ ແລະເອຟຣາຢິມ.+ ອາເສນັດ+ເປັນລູກສາວຂອງໂປຕີເຟຣາເຊິ່ງເປັນປະໂລຫິດຈາກເມືອງໂອນ.*
21 ເບັນຢາມິນ+ມີລູກຊາຍຊື່ເບລາ ເບເຄ ອາຊະເບັນ ເກຣາ+ ນາອາມານ ເອຮີ ໂຣເຊ ມູບປີມ ຮຸບປີມ+ ແລະອາດ.+
22 ຄົນເຫຼົ່ານີ້ແມ່ນລູກຊາຍແລະຫຼານທີ່ຣາເຄນມີກັບຢາໂຄບ ລວມທັງໝົດມີ 14 ຄົນ.
24 ນັບທາລີ+ມີລູກຊາຍຊື່ຢາເຊເອນ ກູນີ ເຢດເຊ ແລະຊິນເລັມ.+
25 ຄົນເຫຼົ່ານີ້ແມ່ນລູກຊາຍແລະຫຼານທີ່ບິນຮາມີກັບຢາໂຄບ ລວມທັງໝົດມີ 7 ຄົນ. ບິນຮາເປັນສາວໃຊ້ທີ່ລາບານຍົກໃຫ້ຣາເຄນລູກສາວຂອງລາວ.
26 ລູກຫຼານຂອງຢາໂຄບທີ່ໄປຢູ່ເອຢິບນຳລາວ ລວມທັງໝົດແລ້ວມີ 66 ຄົນ. ໃນນີ້ບໍ່ໄດ້ນັບເອົາລູກໃພ້.+ 27 ໂຢເຊັບມີລູກຊາຍທີ່ເກີດຢູ່ເອຢິບ 2 ຄົນ. ຄົນໃນຄອບຄົວຂອງຢາໂຄບທີ່ມາເອຢິບ ລວມທັງໝົດມີ 70 ຄົນ.+
28 ຢາໂຄບສົ່ງຢູດາ+ໄປກ່ອນ ເພື່ອບອກໂຢເຊັບໃຫ້ຮູ້ວ່າເຂົາເຈົ້າກຳລັງໄປໂກເຊັນ. ເມື່ອເຂົາເຈົ້າມາຮອດໂກເຊັນ+ 29 ໂຢເຊັບກໍຂຶ້ນລົດມ້າມາຫາອິດສະຣາເອນພໍ່ຂອງລາວຢູ່ໂກເຊັນ. ເມື່ອເຫັນໜ້າພໍ່ ລາວກໍກອດແລະຮ້ອງໄຫ້ກັບພໍ່ດົນເຕີບ. 30 ອິດສະຣາເອນເວົ້າກັບໂຢເຊັບວ່າ: “ຕອນນີ້ ພໍ່ໄດ້ເຫັນໜ້າລູກແລະຮູ້ວ່າລູກຍັງມີຊີວິດຢູ່ ພໍ່ກໍນອນຕາຍຕາຫຼັບແລ້ວ.”
31 ໂຢເຊັບກໍບອກກັບພວກອ້າຍນ້ອງແລະຄອບຄົວຂອງພໍ່ວ່າ: “ຂ້ອຍຊິໄປບອກຟາໂຣ+ວ່າ ‘ພວກອ້າຍນ້ອງແລະຄອບຄົວຂອງພໍ່ຂ້ອຍທີ່ມາແຕ່ການາອານໄດ້ມາຮອດແລ້ວ.+ 32 ເຂົາເຈົ້າເປັນຄົນລ້ຽງແກະ+ແລະເປັນຄົນລ້ຽງສັດຕ່າງໆ.+ ເຂົາເຈົ້າເອົາຝູງສັດແລະຊັບສົມບັດທັງໝົດມານຳ.’+ 33 ເມື່ອຟາໂຣເອີ້ນພວກເຈົ້າໄປຖາມວ່າ ‘ພວກເຈົ້າເຮັດວຽກຫຍັງ?’ 34 ໃຫ້ພວກເຈົ້າຕອບວ່າ ‘ຜູ້ຮັບໃຊ້ຂອງທ່ານເປັນຄົນລ້ຽງສັດ ຕັ້ງແຕ່ນ້ອຍໆຈົນຮອດຕອນນີ້. ພວກເຮົາເປັນຄົນລ້ຽງສັດຄືກັບປູ່ຍ່າຕານາຍຂອງພວກເຮົາ.’+ ແລ້ວພວກເຈົ້າຈະໄດ້ຢູ່ໃນໂກເຊັນ+ຢ່າງສະຫງົບສຸກ ເພາະວ່າຄົນເອຢິບຊັງຄົນລ້ຽງແກະ.”+