ກະສັດສະບັບທີໜຶ່ງ
5 ເມື່ອຮີຣາມກະສັດເມືອງຕີເຣ+ໄດ້ຍິນວ່າໂຊໂລໂມນຖືກແຕ່ງຕັ້ງໃຫ້ເປັນກະສັດແທນພໍ່ ລາວຈຶ່ງສົ່ງຄົນໄປຫາໂຊໂລໂມນ ຍ້ອນຮີຣາມເປັນໝູ່ກັບດາວິດ*ມາດົນແລ້ວ.+ 2 ໂຊໂລໂມນຝາກຄວາມໄປຫາຮີຣາມວ່າ:+ 3 “ທ່ານກໍຮູ້ດີວ່າດາວິດພໍ່ຂອງຂ້ອຍບໍ່ສາມາດສ້າງວິຫານເພື່ອສັນລະເສີນຊື່ຂອງພະເຢໂຫວາພະເຈົ້າຂອງເພິ່ນໄດ້ ເພາະເພິ່ນຕ້ອງເຮັດສົງຄາມຍ້ອນວ່າມີພວກສັດຕູມາໂຈມຕີທຸກດ້ານ ຈົນໃນທີ່ສຸດ ພະເຢໂຫວາໄດ້ຊ່ວຍເພິ່ນໃຫ້ຊະນະພວກສັດຕູ.*+ 4 ແຕ່ຕອນນີ້ພະເຢໂຫວາພະເຈົ້າຂອງຂ້ອຍໄດ້ຊ່ວຍຂ້ອຍໃຫ້ມີຄວາມສະຫງົບສຸກ*ໃນທຸກດ້ານ.+ ບໍ່ມີໃຜຕໍ່ຕ້ານຂ້ອຍແລະບໍ່ມີສິ່ງທີ່ບໍ່ດີເກີດຂຶ້ນເລີຍ.+ 5 ດັ່ງນັ້ນ ຂ້ອຍຈຶ່ງຕັ້ງໃຈທີ່ຈະສ້າງວິຫານເພື່ອສັນລະເສີນຊື່ຂອງພະເຢໂຫວາພະເຈົ້າຂອງຂ້ອຍຕາມທີ່ພະເຢໂຫວາໄດ້ສັນຍາກັບດາວິດພໍ່ຂອງຂ້ອຍໄວ້ວ່າ ‘ລູກຊາຍຂອງເຈົ້າຜູ້ທີ່ເຮົາຈະໃຫ້ເປັນກະສັດຕໍ່ຈາກເຈົ້າຈະເປັນຜູ້ສ້າງວິຫານເພື່ອສັນລະເສີນຊື່ຂອງເຮົາ.’+ 6 ຕອນນີ້ ຂໍໃຫ້ຄົນຂອງທ່ານໄປຕັດໄມ້ຊີດ້າ*ຢູ່ເລບານອນ+ແລ້ວສົ່ງມາໃຫ້ຂ້ອຍ. ຄົນຂອງຂ້ອຍກັບຄົນຂອງທ່ານຈະເຮັດວຽກນຳກັນແລະຂ້ອຍຈະຈ່າຍຄ່າຈ້າງໃຫ້ຄົນຂອງທ່ານຕາມທີ່ທ່ານຕັ້ງໄວ້ ທ່ານກໍຮູ້ວ່າພວກເຮົາຕັດຕົ້ນໄມ້ບໍ່ເກັ່ງສ່ຳກັບຄົນຊີໂດນ.”+
7 ເມື່ອຮີຣາມໄດ້ຍິນສິ່ງທີ່ໂຊໂລໂມນເວົ້າ ລາວກໍດີໃຈຫຼາຍແລະເວົ້າວ່າ: “ຂໍໃຫ້ພະເຢໂຫວາໄດ້ຮັບການສັນລະເສີນຍ້ອນເພິ່ນໄດ້ໃຫ້ດາວິດມີລູກຊາຍທີ່ສະຫຼາດປົກຄອງປະຊາຊົນທີ່ມີຈຳນວນຫຼາຍ.”+ 8 ຮີຣາມຈຶ່ງຝາກຄວາມໄປບອກໂຊໂລໂມນວ່າ: “ຂ້ອຍຮູ້ເລື່ອງທີ່ທ່ານສົ່ງຄົນມາບອກແລ້ວ. ຂ້ອຍຈະເຮັດຕາມທຸກຢ່າງທີ່ທ່ານຂໍໃນເລື່ອງໄມ້ຊີດ້າແລະໄມ້ຈູນິເປີ້.*+ 9 ຄົນຂອງຂ້ອຍຈະຕັດໄມ້ມາຈາກເລບານອນແລ້ວເອົາໄປທະເລ. ເຂົາເຈົ້າຈະມັດທ່ອນໄມ້ໃສ່ກັນເປັນແພແລ້ວລ່ອງລົງໄປຫາຈຸດທີ່ທ່ານຈະເອົາໄມ້. ຄົນຂອງຂ້ອຍຈະແກ້ທ່ອນໄມ້ຢູ່ຫັ້ນເພື່ອທ່ານຈະເອົາໄມ້ໄປໄດ້. ໃຫ້ທ່ານສົ່ງຂອງກິນຕາມທີ່ຂ້ອຍຂໍມາໃຫ້ຄົນໃນວັງຂອງຂ້ອຍ+ເພື່ອເປັນການແລກປ່ຽນ.”
10 ຮີຣາມໄດ້ສົ່ງໄມ້ຊີດ້າແລະໄມ້ຈູນິເປີ້ໄປໃຫ້ຕາມທີ່ໂຊໂລໂມນຕ້ອງການ. 11 ທຸກໆປີໂຊໂລໂມນໄດ້ສົ່ງເຂົ້າວີດ* 20.000 ໂຄເຣ* ແລະນ້ຳມັນໝາກກອກທີ່ດີໆ 20 ໂຄເຣ*ໄປໃຫ້ຄອບຄົວຂອງຮີຣາມ.+ 12 ພະເຢໂຫວາໄດ້ໃຫ້ສະຕິປັນຍາກັບໂຊໂລໂມນຕາມທີ່ເພິ່ນໄດ້ສັນຍາກັບລາວ.+ ມີຄວາມສະຫງົບສຸກລະຫວ່າງຮີຣາມກັບໂຊໂລໂມນ ແລະທັງສອງໄດ້ເຮັດສັນຍາກັນ.
13 ກະສັດໂຊໂລໂມນໄດ້ສັ່ງຜູ້ຊາຍ 30.000 ຄົນທົ່ວອິດສະຣາເອນໃຫ້ມາເຮັດວຽກ.+ 14 ໂຊໂລໂມນໄດ້ສົ່ງເຂົາເຈົ້າໄປເຮັດວຽກຢູ່ເລບານອນເທື່ອລະ 10.000 ຄົນ. ເຂົາເຈົ້າເຮັດວຽກ 1 ເດືອນແລ້ວກໍກັບເມືອຢູ່ນຳຄອບຄົວ 2 ເດືອນ. ອາໂດນີຣາມ+ເປັນຫົວໜ້າຂອງເຂົາເຈົ້າ. 15 ໂຊໂລໂມນມີກຳມະກອນ 70.000 ຄົນແລະຄົນທີ່ໄປຕັດຫີນ+ຢູ່ເທິງພູ+ 80.000 ຄົນ. 16 ນອກຈາກນັ້ນ ໂຊໂລໂມນຍັງມີພວກຫົວໜ້າ+ 3.300 ຄົນທີ່ເບິ່ງແຍງຄົນທີ່ເຮັດວຽກ. 17 ກະສັດໄດ້ສັ່ງພວກຄົນເຮັດວຽກໃຫ້ໄປເຈາະຫີນທີ່ໃຫຍ່ໆແລະລາຄາແພງ+ ແລ້ວກໍຕັດເປັນກ້ອນ+ເພື່ອເອົາມາເປັນຮາກຖານ+ຂອງວິຫານ. 18 ຄົນເຮັດວຽກຂອງໂຊໂລໂມນກັບຄົນເຮັດວຽກຂອງຮີຣາມແລະພວກເກບານ+ໄດ້ເຮັດວຽກເຈາະຫີນແລ້ວຕັດເປັນຮູບຊົງ ແລະເຂົາເຈົ້າໄດ້ກຽມໄມ້ແລະຫີນເພື່ອສ້າງວິຫານ.