ເອເຊກຽນ
1 ໃນວັນທີ 5 ເດືອນທີ 4 ຂອງປີທີ 30 ຂ້ອຍຢູ່ແຄມແມ່ນ້ຳເກບາ+ກັບປະຊາຊົນທີ່ເປັນຊະເລີຍ.+ ຕອນນັ້ນ ທ້ອງຟ້າໄດ້ເປີດອອກແລະຂ້ອຍໄດ້ເຫັນນິມິດຫຼາຍເລື່ອງຈາກພະເຈົ້າ. 2 ໃນວັນທີ 5 ຂອງເດືອນນັ້ນ ເຊິ່ງເປັນປີທີ 5 ທີ່ກະສັດເຢໂຮຢາກິນຖືກຈັບໄປເປັນຊະເລີຍ+ 3 ພະເຢໂຫວາໄດ້ເວົ້າກັບຂ້ອຍເອເຊກຽນ*ລູກຊາຍຂອງປະໂລຫິດບູຊີຢູ່ແຄມແມ່ນ້ຳເກບາໃນແຜ່ນດິນຂອງຄົນການເດອາ.+ ຕອນນັ້ນ ພະລັງ*ຂອງພະເຢໂຫວາມາຢູ່ນຳຂ້ອຍ.+
4 ຂ້ອຍເລີ່ມເຫັນນິມິດ. ໃນນິມິດນັ້ນມີພາຍຸທີ່ແຮງໆ+ພັດມາຈາກທິດເໜືອ ແລະມີຂີ້ເຝື້ອກ້ອນໃຫຍ່ໆກ້ອນໜຶ່ງແລະມີໄຟເຫຼື້ອມແມບໆ.*+ ມີແສງແຈ້ງໆຢູ່ອ້ອມຂີ້ເຝື້ອນັ້ນ ແລະຢູ່ທາງກາງໄຟມີສິ່ງໜຶ່ງທີ່ເຫຼື້ອມໆຄືເງິນປະສົມກັບຄຳ.+ 5 ໃນໄຟນັ້ນມີສິ່ງທີ່ຄ້າຍຄືກັບສິ່ງທີ່ມີຊີວິດ 4 ອົງ+ ແລະແຕ່ລະອົງມີຮູບຮ່າງຄ້າຍຄືກັບຄົນ. 6 ແຕ່ລະອົງມີໜ້າ 4 ໜ້າ ແລະມີປີກ 4 ປີກ. + 7 ຕີນຂອງເຂົາເຈົ້າຢຽດຊື່ແລະເຫຼື້ອມຄືກັບທອງແດງທີ່ຂັດເປັນເງົາແລ້ວ.+ ຝາຕີນຂອງເຂົາເຈົ້າຄືກັບຝາຕີນຂອງງົວນ້ອຍ. 8 ເຂົາເຈົ້າມີມືຄືກັບມືຄົນຢູ່ກ້ອງປີກທັງສີ່ປີກ. ແຕ່ລະອົງມີ 4 ໜ້າແລະມີປີກ. 9 ແຕ່ລະອົງຍົກປີກ 2 ປີກຂຶ້ນແລະປາຍປີກກໍຈຸກັນ. ເມື່ອຈະໄປທິດທາງໃດ ເຂົາເຈົ້າກໍໄປໄດ້ໂດຍທີ່ບໍ່ຕ້ອງປິ່ນໂຕໄປນຳ.+
10 ທັງສີ່ອົງມີໜ້າແບບນີ້: ໜ້າທີ່ຢູ່ທາງໜ້າເປັນໜ້າຄົນ ໜ້າທີ່ຢູ່ເບື້ອງຂວາເປັນໜ້າສິງ+ ໜ້າທີ່ຢູ່ເບື້ອງຊ້າຍເປັນໜ້າງົວໂຕຜູ້+ ແລະໜ້າທີ່ຢູ່ທາງຫຼັງເປັນໜ້ານົກອິນຊີ.+ 11 ແຕ່ລະອົງຍົກປີກ 2 ປີກຂຶ້ນແລະປາຍປີກກໍຈຸກັນ ແລະອີກ 2 ປີກກໍປົກໂຕໄວ້.+
12 ພະລັງຂອງພະເຈົ້າໃຫ້ໄປທິດທາງໃດ ເຂົາເຈົ້າກໍໄປຕາມນັ້ນ+ໂດຍທີ່ບໍ່ຕ້ອງປິ່ນໂຕໄປນຳ. 13 ເຂົາເຈົ້າເປັນຄືກັບຖ່ານທີ່ມີໄຟລຸກຢູ່ ແລະມີບາງສິ່ງທີ່ຄືກັບກະບອງໄຟລອຍໄປລອຍມາລະຫວ່າງເຂົາເຈົ້າ ແລະມີແສງຟ້າແມບອອກມາຈາກໄຟ.+ 14 ເມື່ອເຂົາເຈົ້າບິນໄປບິນມາກໍເປັນຄືກັບແສງຟ້າແມບ.
15 ຕອນທີ່ຂ້ອຍກຳລັງແນມເບິ່ງສິ່ງທີ່ມີຊີວິດເຫຼົ່ານີ້ທີ່ມີ 4 ໜ້າ ຂ້ອຍເຫັນກົງລໍ້ຢູ່ທາງຂ້າງແຕ່ລະອົງ. ກົງລໍ້ເຫຼົ່ານີ້ຢູ່ເທິງພື້ນ.+ 16 ກົງລໍ້ທັງສີ່ມີລັກສະນະຄືກັນ. ມັນເຫຼື້ອມຄືແກ້ວຄຣິດໂຊໄລທ໌ ແລະແຕ່ລະອັນມີກົງລໍ້ອີກອັນໜຶ່ງຢູ່ໄຂວ່ກັນ.* 17 ມັນເຄື່ອນທີ່ໄປໄດ້ທັງສີ່ທິດໂດຍທີ່ບໍ່ຕ້ອງປິ່ນໄປທາງນັ້ນ. 18 ມັນມີຂອບສູງໆທີ່ເປັນຕາງຶດແລະມີຕາອ້ອມຢູ່ເຕັມຂອບ.+ 19 ເມື່ອສິ່ງທີ່ມີຊີວິດເຄື່ອນທີ່ ມັນກໍເຄື່ອນທີ່ໄປນຳ. ເມື່ອເຂົາເຈົ້າລອຍຂຶ້ນ ມັນກໍລອຍຂຶ້ນຄືກັນ.+ 20 ພະລັງຂອງພະເຈົ້າໃຫ້ສິ່ງທີ່ມີຊີວິດໄປທິດທາງໃດ ເຂົາເຈົ້າກໍໄປ. ຄັນເຂົາເຈົ້າລອຍຂຶ້ນ ກົງລໍ້ກໍລອຍຂຶ້ນ ຍ້ອນພະລັງຂອງພະເຈົ້າທີ່ຢູ່ນຳສິ່ງທີ່ມີຊີວິດກໍຢູ່ນຳກົງລໍ້ຄືກັນ. 21 ເມື່ອສິ່ງທີ່ມີຊີວິດເຄື່ອນທີ່ ກົງລໍ້ກໍເຄື່ອນທີ່ໄປນຳ. ເມື່ອເຂົາເຈົ້າຢຸດ ມັນກໍຢຸດ. ເມື່ອເຂົາເຈົ້າລອຍຂຶ້ນ ມັນກໍລອຍຂຶ້ນ ຍ້ອນພະລັງຂອງພະເຈົ້າທີ່ຢູ່ນຳສິ່ງທີ່ມີຊີວິດກໍຢູ່ນຳກົງລໍ້ຄືກັນ.
22 ຢູ່ເທິງຫົວຂອງສິ່ງທີ່ມີຊີວິດມີບາງຢ່າງຄືກັບແຜ່ນນ້ຳກ້ອນທີ່ເຫຼື້ອມໆ.+ 23 ຢູ່ກ້ອງແຜ່ນນັ້ນ ປີກຂອງເຂົາເຈົ້າຢຽດຂຶ້ນຊື່ໆ*ແລະປາຍປີກກໍຈຸກັນ. ແຕ່ລະອົງມີປີກປົກໂຕ. ເຂົາເຈົ້າມີ 2 ປີກປົກເບື້ອງໜຶ່ງ ແລະອີກ 2 ປີກປົກອີກເບື້ອງໜຶ່ງ. 24 ສຽງທີ່ມາຈາກປີກຂອງເຂົາເຈົ້າດັງຄືກັບສຽງນ້ຳທີ່ໄຫຼແຮງໆ ແລະດັງຄືກັບສຽງຂອງພະເຈົ້າຜູ້ມີລິດເດດສູງສຸດ.+ ຕອນທີ່ເຂົາເຈົ້າເຄື່ອນທີ່ກໍມີສຽງຄືກັບສຽງກອງທັບ. ເມື່ອເຂົາເຈົ້າຢຸດ ເຂົາເຈົ້າເອົາປີກລົງ.
25 ມີສຽງຢູ່ເທິງແຜ່ນທີ່ຢູ່ເທິງຫົວເຂົາເຈົ້າ. (ຕອນທີ່ເຂົາເຈົ້າຢຸດ ເຂົາເຈົ້າເອົາປີກລົງ.) 26 ຢູ່ເທິງແຜ່ນທີ່ຢູ່ເທິງຫົວເຂົາເຈົ້າມີສິ່ງໜຶ່ງທີ່ຄ້າຍຄືກັບບັນລັງ+ທີ່ເຮັດຈາກແກ້ວໄພລິນ.+ ຜູ້ທີ່ນັ່ງເທິງບັນລັງນັ້ນມີຮູບຮ່າງຄ້າຍຄືກັບຄົນ.+ 27 ຕັ້ງແຕ່ແອວຂອງເພິ່ນຂຶ້ນໄປເຫຼື້ອມຄືເງິນປະສົມກັບຄຳ+ ແລະຕັ້ງແຕ່ແອວລົງມາກໍມີແສງຄືກັບໄຟ.+ ມີແສງທີ່ເຫຼື້ອມໆຢູ່ອ້ອມໂຕເພິ່ນ 28 ຄືກັບສາຍຮຸ້ງ+ຢູ່ຂີ້ເຝື້ອຫຼັງຈາກຝົນຕົກແລ້ວ. ແສງທີ່ເຫຼື້ອມໆເປັນຄືກັບແສງລັດສະໝີຂອງພະເຢໂຫວາ.+ ເມື່ອເຫັນແບບນັ້ນ ຂ້ອຍກໍໝູບໜ້າລົງພື້ນ ແລ້ວຂ້ອຍກໍໄດ້ຍິນສຽງເວົ້າ.