ສຸພາສິດ
10 ນີ້ແມ່ນສຸພາສິດຂອງໂຊໂລໂມນ.+
ລູກທີ່ສະຫຼາດເຮັດໃຫ້ພໍ່ມີຄວາມສຸກ+
ແຕ່ລູກທີ່ໂງ່ເຮັດໃຫ້ແມ່ເສຍໃຈ.
2 ຊັບສົມບັດທີ່ໄດ້ມາຍ້ອນການເຮັດຊົ່ວຈະບໍ່ມີປະໂຫຍດຫຍັງ
ແຕ່ການເຮັດດີຈະຊ່ວຍໃຫ້ລອດຈາກຄວາມຕາຍ.+
3 ພະເຢໂຫວາຈະບໍ່ປ່ອຍໃຫ້ຄົນທີ່ເຮັດສິ່ງທີ່ຖືກຕ້ອງຫິວໂຫຍ+
ແລະເພິ່ນຈະບໍ່ຍອມໃຫ້ຄົນຊົ່ວໄດ້ສິ່ງທີ່ລາວຢາກໄດ້.
5 ລູກຊາຍທີ່ສະຫຼາດລວບລວມຜົນລະປູກໃນລະດູຮ້ອນ
ແຕ່ລູກຊາຍທີ່ເຮັດໃຫ້ອັບອາຍພັດນອນຫຼັບເສີຍໃນລະດູເກັບກ່ຽວ.+
6 ຄົນທີ່ເຮັດສິ່ງທີ່ຖືກຕ້ອງຈະໄດ້ຮັບພອນ+
ແຕ່ປາກຂອງຄົນຊົ່ວບໍ່ເວົ້າເຖິງຄວາມຮຸນແຮງຂອງໂຕເອງ.
7 ຊື່ສຽງຂອງຄົນດີຈະຖືກຈື່ຈຳແລະຖືກເວົ້າເຖິງໃນທາງທີ່ດີ+
ແຕ່ຊື່ສຽງຂອງຄົນຊົ່ວຈະຖືກລືມ ເນົ່າເປື່ອຍ ແລະຫາຍໄປ.+
10 ຄົນທີ່ຍິກຕາແບບມີເລ່ລ່ຽມເຮັດໃຫ້ເກີດຄວາມເສຍໃຈ+
ແລະຄົນທີ່ເວົ້າແບບບໍ່ຄິດຈະເຈິບັນຫາ.+
11 ປາກຂອງຄົນທີ່ເຮັດສິ່ງທີ່ຖືກຕ້ອງເປັນແຫຼ່ງຂອງຊີວິດ+
ແຕ່ປາກຂອງຄົນຊົ່ວບໍ່ເວົ້າເຖິງຄວາມຮຸນແຮງຂອງໂຕເອງ.+
12 ຄວາມກຽດຊັງເຮັດໃຫ້ຜິດຖຽງກັນ
ແຕ່ຄວາມຮັກປົກປິດຄວາມຜິດທັງໝົດໄວ້.+
13 ສະຕິປັນຍາອອກມາຈາກປາກຂອງຄົນທີ່ມີຄວາມເຂົ້າໃຈ+
ແຕ່ໄມ້ແສ້ຢູ່ເທິງຫຼັງຂອງຄົນທີ່ບໍ່ຮູ້ຈັກຄິດ.+
14 ຄົນສະຫຼາດຖືວ່າຄວາມຮູ້ມີຄ່າຫຼາຍ+
ແຕ່ປາກຂອງຄົນໂງ່ເຮັດໃຫ້ລາວເຂົ້າໄປໃກ້ຄວາມຈິບຫາຍ.+
15 ຄວາມລວຍ*ຂອງຄົນລວຍເປັນຄືກັບເມືອງທີ່ມີກຳແພງອ້ອມ
ແຕ່ຄວາມທຸກຂອງຄົນທຸກເປັນຄືກັບຊາກຫັກພັງ.+
16 ວຽກງານຂອງຄົນທີ່ເຮັດສິ່ງທີ່ຖືກຕ້ອງເຮັດໃຫ້ໄດ້ຊີວິດ
ແຕ່ການກະທຳຂອງຄົນຊົ່ວເຮັດໃຫ້ເກີດບາບ.+
17 ຄົນທີ່ໃສ່ໃຈຟັງຄຳສັ່ງສອນຊ່ວຍໃຫ້ໄດ້ຊີວິດ*
ແຕ່ຄົນທີ່ບໍ່ສົນໃຈຟັງຄຳຕັກເຕືອນພາຄົນອື່ນໄປຜິດທາງ.
18 ຄົນທີ່ປິດບັງຄວາມກຽດຊັງໄວ້ມັກເວົ້າຕົວະ+
ແລະຄົນທີ່ມັກແພ່ຂ່າວລື*ທີ່ບໍ່ດີກໍເປັນຄົນໂງ່.
19 ຄົນທີ່ເວົ້າຫຼາຍໂພດຈະເຮັດຜິດແນ່ນອນ+
ແຕ່ຄົນທີ່ຄວບຄຸມຄຳເວົ້າຂອງໂຕເອງໄດ້ກໍເປັນຄົນຮອບຄອບ.+
20 ຄຳເວົ້າຂອງຄົນທີ່ເຮັດສິ່ງທີ່ຖືກຕ້ອງເປັນຄືກັບເງິນທີ່ດີທີ່ສຸດ+
ແຕ່ຄວາມຄິດ*ຂອງຄົນຊົ່ວບໍ່ມີຄ່າຫຍັງເລີຍ.
21 ຄຳເວົ້າຂອງຄົນທີ່ເຮັດສິ່ງທີ່ຖືກຕ້ອງເຮັດໃຫ້ຫຼາຍຄົນໄດ້ຮັບປະໂຫຍດ*+
ແຕ່ຄົນໂງ່ຕາຍຍ້ອນບໍ່ຮູ້ຈັກຄິດ.+
22 ພອນຈາກພະເຢໂຫວາເຮັດໃຫ້ຮັ່ງມີ+
ແລະເພິ່ນບໍ່ໄດ້ເຮັດໃຫ້ຄົນທີ່ໄດ້ຮັບພອນເຫຼົ່ານັ້ນເຈິຄວາມຍາກລຳບາກ.*
23 ການໄປເຮັດຜິດກັບຄົນອື່ນ*ເປັນເລື່ອງມ່ວນສຳລັບຄົນໂງ່
ແຕ່ສະຕິປັນຍາມີໄວ້ສຳລັບຄົນທີ່ມີຄວາມເຂົ້າໃຈ.+
24 ຄົນຊົ່ວຈະຕ້ອງເຈິສິ່ງທີ່ລາວຢ້ານ
ແຕ່ຄົນທີ່ເຮັດສິ່ງທີ່ຖືກຕ້ອງຈະໄດ້ຕາມທີ່ລາວຫວັງໄວ້.+
25 ເມື່ອພາຍຸພັດມາ ຄົນຊົ່ວກໍຈະຖືກທຳລາຍ+
ແຕ່ຄົນທີ່ເຮັດສິ່ງທີ່ຖືກຕ້ອງເປັນຄືກັບຮາກຖານທີ່ໝັ້ນຄົງຕະຫຼອດໄປ.+
26 ຄືກັບນ້ຳສົ້ມສາຍຊູທີ່ເຮັດໃຫ້ເຂັດແຂ້ວແລະຄືກັບຄວັນໄຟທີ່ເຮັດໃຫ້ແສບຕາ
ຄົນຂີ້ຄ້ານກໍເປັນແບບນັ້ນສຳລັບເຈົ້ານາຍຂອງລາວ.
28 ຄວາມຫວັງ*ຂອງຄົນທີ່ເຮັດສິ່ງທີ່ຖືກຕ້ອງເຮັດໃຫ້ລາວມີຄວາມສຸກ+
ແຕ່ຄວາມຫວັງຂອງຄົນຊົ່ວຈະຖືກທຳລາຍ.+
29 ສິ່ງທີ່ພະເຢໂຫວາເຮັດ*ເປັນການປົກປ້ອງສຳລັບຄົນທີ່ບໍ່ມີບ່ອນຕິ+
ແຕ່ເພິ່ນຈະເຮັດໃຫ້ຄົນຊົ່ວເຈິຄວາມຈິບຫາຍ.+
30 ຄົນທີ່ເຮັດສິ່ງທີ່ຖືກຕ້ອງຈະບໍ່ມີທາງລົ້ມລົງ+
ແຕ່ຄົນຊົ່ວຈະບໍ່ໄດ້ຢູ່ໃນໂລກອີກຕໍ່ໄປ.+
31 ປາກຂອງຄົນທີ່ເຮັດສິ່ງທີ່ຖືກຕ້ອງເວົ້າແຕ່ສິ່ງທີ່ເຮັດໃຫ້ສະຫຼາດຂຶ້ນ
ແຕ່ລີ້ນຂອງຄົນຊົ່ວຈະຕ້ອງຖືກຕັດຖິ້ມ.
32 ຄົນທີ່ເຮັດສິ່ງທີ່ຖືກຕ້ອງຮູ້ວ່າອັນໃດຄວນເວົ້າ
ແຕ່ຄົນຊົ່ວເວົ້າແຕ່ເລື່ອງຫຼອກລວງ.