ເພງສັນລະເສີນ
ເພງສຳລັບຍ່າງຂຶ້ນ.*
128 ທຸກຄົນທີ່ຢ້ານຢຳພະເຢໂຫວາ
ແລະໃຊ້ຊີວິດຢູ່ໃນແນວທາງຂອງເພິ່ນກໍມີຄວາມສຸກ.+
2 ເຈົ້າຈະໄດ້ກິນຜົນລະປູກຈາກການເຮັດວຽກໜັກຂອງເຈົ້າ.
ເຈົ້າຈະມີຄວາມສຸກແລະມີຄວາມຈະເລີນກ້າວໜ້າ.+
3 ຢູ່ໃນເຮືອນຂອງເຈົ້າ ເມຍຂອງເຈົ້າຈະມີລູກຫຼາຍຄືກັບເຄືອໝາກລະແຊັງທີ່ມີໝາກດົກ.+
ລູກຂອງເຈົ້າຈະຢູ່ອ້ອມໂຕຂອງເຈົ້າຄືກັບຕົ້ນໝາກກອກທີ່ປົ່ງຍອດຫຼາຍໆ.
4 ຄົນທີ່ຢ້ານຢຳພະເຢໂຫວາກໍຈະເປັນແບບນັ້ນແຫຼະ.
ເຂົາເຈົ້າຈະໄດ້ຮັບພອນ.+
5 ພະເຢໂຫວາຈະອວຍພອນເຈົ້າຈາກຊີໂອນ.
ຂໍໃຫ້ເຈົ້າເຫັນເຢຣູຊາເລັມຈະເລີນຮຸ່ງເຮືອງຕະຫຼອດຊີວິດຂອງເຈົ້າ+
6 ແລະເຫັນຫຼານຂອງເຈົ້ານຳ.
ຂໍໃຫ້ອິດສະຣາເອນມີຄວາມສະຫງົບສຸກ.