ເພງສັນລະເສີນ
ເປັນເລື່ອງທີ່ດີທີ່ຈະຮ້ອງເພງ*ສັນລະເສີນພະເຈົ້າຂອງພວກເຮົາ.
ເປັນເລື່ອງທີ່ໜ້າຍິນດີແລະເໝາະສົມທີ່ຈະສັນລະເສີນເພິ່ນ.+
3 ເພິ່ນປິ່ນປົວຄົນທີ່ຫົວໃຈແຕກສະຫຼາຍ
ແລະເພິ່ນພັນບາດໃຫ້ເຂົາເຈົ້ານຳ.
7 ໃຫ້ຮ້ອງເພງຂອບໃຈໃຫ້ພະເຢໂຫວາ.
ໃຫ້ດີດພິນແລະຮ້ອງເພງສັນລະເສີນພະເຈົ້າຂອງພວກເຮົາ
8 ຜູ້ທີ່ເອົາຂີ້ເຝື້ອປົກທ້ອງຟ້າ
ຜູ້ທີ່ໃຫ້ຝົນຕົກໃສ່ແຜ່ນດິນ+
ຜູ້ທີ່ເຮັດໃຫ້ຫຍ້າປົ່ງຂຶ້ນ+ຢູ່ເທິງພູ.
12 ເຢຣູຊາເລັມເອີ້ຍ ໃຫ້ຍົກຍ້ອງພະເຢໂຫວາ.
ຊີໂອນເອີ້ຍ ໃຫ້ສັນລະເສີນພະເຈົ້າຂອງເຈົ້າ.
13 ເພິ່ນເຮັດໃຫ້ກອນປະຕູເມືອງຂອງເຈົ້າແຂງແຮງ.
ເພິ່ນອວຍພອນພວກລູກຂອງເຈົ້າ.
15 ເພິ່ນສົ່ງຄຳສັ່ງຂອງເພິ່ນໄປແຜ່ນດິນໂລກ.
ຄຳສັ່ງນັ້ນໄປຮອດຈຸດໝາຍບັກໄວໆ.
16 ເພິ່ນເຮັດໃຫ້ຫິມະຕົກລົງມາປົກຄຸມໂລກຄືກັບຜ້າຫົ່ມຂົນແກະສີຂາວ.+
ເພິ່ນເຮັດໃຫ້ເກັດຫິມະກະຈັດກະຈາຍໄປຄືກັບຂີ້ເທົ່າ.+
17 ເພິ່ນດຶກໝາກເຫັບ*ລົງມາຄືກັບເສດເຂົ້າຈີ່+
ໃຜຈະທົນກັບຄວາມໜາວເຢັນໄດ້?+
18 ເມື່ອເພິ່ນອອກຄຳສັ່ງ ນ້ຳກ້ອນກໍເປື່ອຍ.
ເມື່ອເພິ່ນໃຫ້ລົມພັດ+ ນ້ຳກໍໄຫຼ.
19 ເພິ່ນປະກາດຄຳເວົ້າຂອງເພິ່ນໃຫ້ຢາໂຄບຮູ້.
ເພິ່ນປະກາດຂໍ້ກຳນົດແລະຄຳຕັດສິນຂອງເພິ່ນໃຫ້ອິດສະຣາເອນຟັງ.+