ເພງສັນລະເສີນ
ມັດຄິວ*ຂອງດາວິດ. ຄຳອະທິດຖານຂອງດາວິດຕອນທີ່ລາວຢູ່ໃນຖ້ຳ.+
142 ລູກຮ້ອງຂໍໃຫ້ພະເຢໂຫວາຊ່ວຍ.+
ລູກອ້ອນວອນຂໍໃຫ້ພະເຢໂຫວາເມດຕາລູກ.
2 ລູກລະບາຍຄວາມອຸກໃຈໃຫ້ພະອົງຟັງ.
ລູກເລົ່າຄວາມທຸກຂອງລູກໃຫ້ພະອົງຮູ້.+
3 ເມື່ອລູກໝົດເຫື່ອໝົດແຮງ
ພະອົງກໍເບິ່ງແຍງລູກ.+
ເຂົາເຈົ້າວາງກັບດັກຈັບລູກ
ໃນທາງທີ່ລູກຍ່າງ.
ບໍ່ມີບ່ອນໃດທີ່ລູກຈະໜີໄປໄດ້.+
ບໍ່ມີໃຜເປັນຫ່ວງລູກເລີຍ.
5 ພະເຢໂຫວາເອີ້ຍ ລູກຮ້ອງຂໍໃຫ້ພະອົງຊ່ວຍ
6 ຂໍພະອົງສົນໃຈຟັງສຽງຮ້ອງຂໍຄວາມຊ່ວຍເຫຼືອຂອງລູກ
ຍ້ອນລູກທຸກໃຈຫຼາຍ.
ຂໍພະອົງຊ່ວຍລູກໃຫ້ລອດຈາກຄົນທີ່ຂົ່ມເຫງລູກ+
ຍ້ອນເຂົາເຈົ້າແຂງແຮງກວ່າລູກ.
7 ຂໍພະອົງພາລູກອອກມາຈາກຄຸກໃຕ້ດິນ
ເພື່ອລູກຈະໄດ້ສັນລະເສີນຊື່ຂອງພະອົງ.
ຂໍໃຫ້ຄົນດີພາກັນມາຢູ່ອ້ອມໂຕລູກ
ຍ້ອນພະອົງເຮັດດີກັບລູກ.