ເພງສັນລະເສີນ
46 ພະເຈົ້າເປັນບ່ອນລີ້ໄພແລະເປັນກຳລັງຂອງພວກເຮົາ.+
ເພິ່ນຊ່ວຍພວກເຮົາສະເໝີຕອນທີ່ພວກເຮົາທຸກຍາກລຳບາກ.+
2 ຍ້ອນແນວນີ້ ພວກເຮົາຈະບໍ່ຢ້ານເຖິງວ່າໂລກຈະປ່ຽນໄປ
ເຖິງວ່າພູຈະຖະຫຼົ່ມລົງໄປໃນບ່ອນທີ່ເລິກໆຂອງນ້ຳທະເລ+
3 ແລະເຖິງວ່າຄື້ນທະເລຈະຊັດໄປຊັດມາແລະມີສຽງດັງແຮງ+
ຈົນເຮັດໃຫ້ພູສັ່ນສະເທືອນ. (ເຊລາ)*
4 ມີແມ່ນ້ຳສາຍໜຶ່ງເຮັດໃຫ້ເມືອງຂອງພະເຈົ້າມີຄວາມຍິນດີ+
ແລະເຮັດໃຫ້ບ່ອນຢູ່ທີ່ຍິ່ງໃຫຍ່ແລະບໍລິສຸດຂອງພະເຈົ້າສູງສຸດຍິນດີຄືກັນ.
5 ພະເຈົ້າຢູ່ໃນເມືອງນີ້+ ເມືອງນີ້ຈຶ່ງບໍ່ຖືກທຳລາຍ.
ພະເຈົ້າຈະຊ່ວຍເມືອງນີ້ຕອນໃກ້ຊິແຈ້ງ.+
6 ຊາດຕ່າງໆເກີດຄວາມສັບສົນວຸ່ນວາຍ. ປະເທດຕ່າງໆກໍຖືກທຳລາຍ.
ເມື່ອເພິ່ນຮ້ອງສຽງດັງ ໂລກກໍສັ່ນສະເທືອນ.+
7 ພະເຢໂຫວາພະເຈົ້າຜູ້ບັນຊາການກອງທັບຢູ່ກັບພວກເຮົາ.+
ພະເຈົ້າຂອງຢາໂຄບເປັນບ່ອນລີ້ທີ່ປອດໄພ*ຂອງພວກເຮົາ. (ເຊລາ)
8 ມາແມ້! ມາເບິ່ງສິ່ງທີ່ພະເຢໂຫວາເຄີຍເຮັດ.
ມາເບິ່ງວ່າເພິ່ນເຮັດສິ່ງທີ່ເປັນຕາງຶດຫຍັງແດ່ໃນໂລກນີ້.
9 ເພິ່ນຈະເຮັດໃຫ້ໂລກນີ້ບໍ່ມີສົງຄາມ.+
ເພິ່ນຈະຫັກທະນູແລະຫອກຖິ້ມ
ແລະເພິ່ນຈະຈູດລົດຮົບ*ທັງໝົດ.
10 ເພິ່ນເວົ້າວ່າ: “ໃຫ້ຍອມແພ້ສະແລະຮູ້ໄວ້ວ່າເຮົາແມ່ນພະເຈົ້າ.