ປັນຍາຈານ
1 ນີ້ແມ່ນຄຳເວົ້າຂອງຜູ້ລວບລວມປະຊາຊົນ+ທີ່ເປັນລູກຊາຍຂອງດາວິດກະສັດຂອງເຢຣູຊາເລັມ.+
2 ຜູ້ລວບລວມປະຊາຊົນເວົ້າວ່າ: “ມັນບໍ່ມີປະໂຫຍດ*ແທ້ໆ!
ມັນບໍ່ມີປະໂຫຍດອີ່ຫຼີ! ທຸກສິ່ງບໍ່ມີປະໂຫຍດເລີຍ!”+
3 ຄົນເຮົາໄດ້ຫຍັງຈາກວຽກໜັກທັງໝົດ
ທີ່ເຂົາເຈົ້າເຮັດຢູ່ໃຕ້ດວງຕາເວັນ?+
6 ລົມພັດໄປທາງທິດໃຕ້ ແລ້ວມັນກໍວົນມາທາງທິດເໜືອ.
ມັນພັດວົນໄປວຽນມາແບບນັ້ນຢູ່ເລື້ອຍໆແລະມັນພັດແບບນັ້ນຢູ່ຕະຫຼອດ.
7 ແມ່ນ້ຳທັງໝົດໄຫຼລົງໄປໃນທະເລ ແຕ່ທະເລກໍບໍ່ເຄີຍເຕັມຈັກເທື່ອ.+
ນ້ຳກັບໄປບ່ອນເກົ່າເພື່ອຈະໄຫຼລົງມາອີກເທື່ອໜຶ່ງ.+
8 ທຸກສິ່ງເຮັດໃຫ້ເມື່ອຍ
ແຕ່ບໍ່ມີໃຜອະທິບາຍໄດ້.
ຕາເບິ່ງເຫັນຫຼາຍສ່ຳໃດ ແຕ່ກໍບໍ່ພໍ.
ຫູໄດ້ຍິນຫຼາຍສ່ຳໃດ ແຕ່ກໍບໍ່ພໍຄືກັນ.
9 ສິ່ງໃດທີ່ເຄີຍເກີດຂຶ້ນແລ້ວ ມັນກໍຈະເກີດຂຶ້ນອີກ.
ແລະສິ່ງໃດທີ່ເຄີຍເຮັດແລ້ວກໍຈະມີຄົນເຮັດຊ້ຳອີກ.
ບໍ່ມີສິ່ງໃດໃໝ່ເລີຍໃຕ້ດວງຕາເວັນ.+
10 ມີສິ່ງໃດບໍທີ່ເຮັດໃຫ້ຄົນເວົ້າວ່າ: “ເບິ່ງແມ້ ອັນນີ້ແມ່ນສິ່ງໃໝ່ໄດ໋ນິ”?
ມັນມີມາຕັ້ງແຕ່ດົນແລ້ວ.
ມັນມີຕັ້ງແຕ່ພວກເຮົາຍັງບໍ່ເກີດຊ້ຳ.
11 ບໍ່ມີໃຜຈື່ຄົນສະໄໝແຕ່ກີ້.
ເຖິງວ່າມີຄົນລຸ້ນໃໝ່ມາກໍຈະຖືກລືມ
ແລະຄົນລຸ້ນຕໍ່ໄປກໍຈະຖືກລືມຄືກັນ.+
12 ຂ້ອຍທີ່ເປັນຜູ້ລວບລວມປະຊາຊົນເປັນກະສັດປົກຄອງອິດສະຣາເອນຈາກເມືອງເຢຣູຊາເລັມ.+ 13 ຂ້ອຍຕັ້ງໃຈໃຊ້ສະຕິປັນຍາ+ເພື່ອສຶກສາທຸກສິ່ງທີ່ມະນຸດເຮັດຢູ່ໃຕ້ຟ້າ.+ ຂ້ອຍກວດເບິ່ງວຽກຕ່າງໆທີ່ຍາກລຳບາກເຊິ່ງພະເຈົ້າເອົາໃຫ້ມະນຸດເຮັດ.
14 ຂ້ອຍເຫັນທຸກຢ່າງທີ່ມະນຸດເຮັດໃຕ້ດວງຕາເວັນ
ແລ້ວຂ້ອຍກໍໄດ້ຮູ້ວ່າທຸກສິ່ງບໍ່ມີປະໂຫຍດແລະເປັນຄືກັບການແລ່ນໄລ່ຕາມລົມ.+
15 ສິ່ງໃດທີ່ຄົດບ້ຽວກໍເຮັດໃຫ້ຊື່ບໍ່ໄດ້
ແລະສິ່ງໃດທີ່ບໍ່ມີກໍເອົາມານັບບໍ່ໄດ້.
16 ແລ້ວຂ້ອຍກໍຄິດໃນໃຈວ່າ: “ຂ້ອຍມີສະຕິປັນຍາຫຼາຍກວ່າທຸກຄົນທີ່ຢູ່ໃນເຢຣູຊາເລັມກ່ອນຂ້ອຍ.+ ຂ້ອຍເປັນຄົນທີ່ໄດ້ສະຕິປັນຍາແລະຄວາມຮູ້ຫຼາຍຂຶ້ນ.”+ 17 ເລື່ອງທີ່ເຮັດໃຫ້ສະຫຼາດ ເລື່ອງໂງ່ໆ ເລື່ອງບ້າໆ+ຂ້ອຍໄດ້ຮຽນມາໝົດແລ້ວແລະທັງໝົດນີ້ກໍເປັນການແລ່ນໄລ່ຕາມລົມຄືກັນ.
18 ແຮ່ງສະຫຼາດຫຼາຍກໍແຮ່ງທຸກໃຈຫຼາຍ.
ແຮ່ງມີຄວາມຮູ້ຫຼາຍກໍແຮ່ງເຈັບປວດໃຈຫຼາຍ.+