ເພງສັນລະເສີນ
ເພງຂອງດາວິດ. ເພງສັນລະເສີນ.
24 ໂລກກັບທຸກສິ່ງທີ່ຢູ່ໃນໂລກເປັນຂອງພະເຢໂຫວາ.+
ແຜ່ນດິນທັງໝົດກັບທຸກສິ່ງທີ່ຢູ່ໃນແຜ່ນດິນກໍເປັນຂອງເພິ່ນ.
2 ເພິ່ນສ້າງແຜ່ນດິນໄວ້ຢູ່ເທິງທະເລ+
ແລະຕັ້ງແຜ່ນດິນໄວ້ຢູ່ເທິງນ້ຳ.
3 ໃຜຈະໄດ້ຂຶ້ນໄປເທິງພູຂອງພະເຢໂຫວາ+
ແລະໃຜຈະໄດ້ຢືນຢູ່ບ່ອນບໍລິສຸດຂອງເພິ່ນ?
4 ກໍແມ່ນຄົນທີ່ບໍ່ໄດ້ເຮັດຜິດແລະເປັນຄົນຈິງໃຈ+
ຄົນທີ່ບໍ່ໄດ້ສາບານຕົວະໂດຍໃຊ້ຊື່ຂອງເຮົາ*
ແລະຄົນທີ່ບໍ່ໄດ້ສາບານເພື່ອຕົວະຄົນອື່ນ.+
6 ພະເຈົ້າຂອງຢາໂຄບເອີ້ຍ ຄົນແບບນີ້ແຫຼະທີ່ຊອກຫາພະອົງ.
ຄົນແບບນີ້ຢາກຮັບໃຊ້ພະອົງ. (ເຊລາ)*
7 ປະຕູເມືອງເອີ້ຍ ເປີດຂຶ້ນໃຫ້ສູງໆແດ່!+
ປະຕູເກົ່າແກ່ເອີ້ຍ ເປີດອອກໃຫ້ກວ້າງໆແດ່!
ກະສັດທີ່ມີກຽດຈະໄດ້ເຂົ້າໄປ!+
8 ກະສັດທີ່ມີກຽດຜູ້ນີ້ແມ່ນໃຜ?
ກໍແມ່ນພະເຢໂຫວາຜູ້ທີ່ມີລິດເດດແລະເຂັ້ມແຂງ.+
ພະເຢໂຫວາຜູ້ທີ່ບໍ່ມີໃຜສູ້ໄດ້ໃນສະໜາມຮົບ.+
9 ປະຕູເມືອງເອີ້ຍ ເປີດຂຶ້ນໃຫ້ສູງໆແດ່!+
ປະຕູເກົ່າແກ່ເອີ້ຍ ເປີດອອກໃຫ້ກວ້າງໆແດ່!
ກະສັດທີ່ມີກຽດຈະໄດ້ເຂົ້າໄປ!
10 ກະສັດທີ່ມີກຽດຜູ້ນີ້ແມ່ນໃຜ?
ກໍແມ່ນພະເຢໂຫວາຜູ້ບັນຊາການກອງທັບ. ເພິ່ນເປັນກະສັດທີ່ມີກຽດ.+ (ເຊລາ)